Connect with us

សន្តិសុខសង្គម

ពូសាច់ថ្លៃ ខឹងប្អូនថ្លៃមិនឲ្យតម្លៃខ្លួន បានយកដបសាំងជះដុត

បានផុស

នៅ

ជនសង្ស័យម្នាក់ ត្រូវសមត្ថកិច្ចប៉ុស្តិ៍ធ្វើការឃាត់ខ្លួន បន្ទាប់ពីធ្វើសកម្មភាពយកដបសាំងទៅដុតលើប្អូនថ្លៃ ដោយសារកំហឹងខឹងប្អូនថ្លៃមិនឲ្យតម្លៃខ្លួន។ ហេតុការណ៍​នេះ​ បានកើត​ឡើង​កាលពីថ្ងៃទី​ ០៥ ខែមករា ឆ្នាំ​ ២០២២ វេលា​ម៉ោង​ ២០​ និង​ ២០ ​នាទី មុខផ្ទះ​ជនរងគ្រោះ​ភូមិ ព្រែក​រាំង​ ១ សង្កាត់​កំពង់​សំណាញ់ ក្រុង​តាខ្មៅ ខេត្តកណ្ដាល​។

​នគរបាល​បាន​ប្រាប់ឲ្យដឹងថា ជនរងគ្រោះ ឈ្មោះ ធី សំ​អូន ភេទ ប្រុស អាយុ ៣៣ ​ឆ្នាំ ទីលំនៅ​ភូមិ​ព្រែ​ករាំង ១ សង្កាត់​កំពង់​សំណាញ់ ក្រុង​តាខ្មៅ ខេត្តកណ្តាល មុខរបរ​ជាង​ឈើ។ ជនសង្ស័យ​ឈ្មោះ ស្រេង ឃុន ភេទ​ប្រុស អាយុ ៣៤ ​ឆ្នាំ មាន​ទីលំនៅ​ភូមិ ព្រែក​រាំង​ ១ សង្កាត់​កំពង់​សំណាញ់ ក្រុង​តាខ្មៅ ខេត្តកណ្តាល មុខរបរកម្មករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​នគរបាល​បាន​បញ្ជាក់​ថា នៅវេលា​កើត​ហេតុ​ខាង​លើ ពេលដែល​ជនរងគ្រោះ​ និង​ក្រុមគ្រួសារ​ព្រមទាំង​បងប្អូន​កំពុងតែ​ឈរ​និយាយ​គ្នា​លេង​នៅមុខ​ផ្ទះ ពេលនោះ​ស្រាប់តែ​ជនសង្ស័យ​ដែល​ត្រូវជា​ពូ​សាច់ថ្លៃ​ដែល​នៅផ្ទះ​ជិត​គ្នា​ បាន​ដើរ​មក​ដោយមាន​កាន់​ដប​សាំង​នៅនឹង​ដៃ​ផង ​បាន​និយាយថា​ ជនរងគ្រោះ​និង​បងប្អូន​មិនដែល​ឲ្យ​តម្លៃ​ខ្លួន​ទេ និង​បាន​និយាយ​គំរាម​រក​ដុត​សម្លាប់​ជនរងគ្រោះ​និង​ក្រុមគ្រួសារ​ទៀតផង ទើប​បណ្តាលឲ្យ​មាន​ការឈ្លោះប្រកែក​គ្នា​រហូតដល់​ជនសង្ស័យ​យក​ដប​សាំង​ដែល​កាន់​នៅ​ដៃ​ចាក់​ជះ​ទៅ​លើ​ខ្លួន​ជនរងគ្រោះ​រួច​យក​ដែកកេះ​ដុត បណ្តាលឲ្យ​ឆាបឆេះរ​លាកខ្លួន​ជនរងគ្រោះ​មួយ​ចំហៀង​ខ្លួន​ខាងឆ្វេង និង​ខ្ទាត​សាំង​ចំ​ត្របកភ្នែក​កូនតូច​រប​ស់ជន​រងគ្រោះ​ផងដែរ។

​ភ្លាមនោះ ​មេភូមិ​ និង​ប្រជា​ការពារ​ បាន​ឃាត់ខ្លួន​ជនសង្ស័យ​ប្រគល់ជូន​នគរបាល​ប៉ុស្តិ៍​កំពង់​សំណាញ់​ធ្វើ​ការសាកសួរ​នៅ​ប៉ុស្តិ៍​រួច​បញ្ជូនបន្ត​មកកាន់​អធិការដ្ឋាន​នគរ​បាល​ក្រុង​តាខ្មៅ​ដើម្បី​កសាង​សំណុំរឿង​តាម​នីតិវិធី​ច្បាប់៕

អត្ថបទ៖ ឆៃ យ៉ា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ២ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៣ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៣ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៥ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម