សន្តិសុខសង្គម
ឃុំខ្លួនក្រុមក្មេងទំនើងបង្ហោះម៉ូតូ រួចយកដុំថ្មគប់រថយន្តអ្នកដទៃ ដាក់ពន្ធនាគារបណ្តោះអាសន្ន
កាលពីល្ងាចថ្ងៃទី ៦ ខែមករា ឆ្នាំ ២០២២ លោក ប្លុង វិសាល ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីកាឃុំខ្លួន ក្រុមក្មេងទំនើងបង្ហោះម៉ូតូ រួចយកដុំថ្មគប់រថយន្តអ្នកដទៃ ដាក់ពន្ធនាគារបណ្តោះអាសន្នពីបទ «សមគំនិត និងធ្វើឲ្យខូចខាតដោយចេតនា» តាមមាត្រា ២៩ និងមាត្រា ៤១០ នៃក្រមព្រហ្មទណ្ឌ ដែលប្រព្រឹត្តនៅថ្ងៃទី ៥ ខែមករា ឆ្នាំ ២០២២ វេលាម៉ោង ១៣ និង០០នាទី នៅចំណុចភូមិដំរីស្លាប់ ឃុំទ្រា ស្រុកកណ្ដាលស្ទឹង ខេត្តកណ្ដាល។
ជនរងគ្រោះ មានឈ្មោះ សាន់ សីម៉ា ភេទប្រុស អាយុ ៤០ឆ្នាំ មានទីលំនៅភូមិខ្នារ ឃុំក្រាំងធ្នង់ ស្រុក បាទី ខេត្តតាកែវ មុខរបរ បើកបររថយន្តដឹកដី។
ជនត្រូវចោទមានចំនួន ៤ នាក់រួមមាន៖ ទី១. ឈ្មោះ រុន សារ៉ែន អាយុ ១៩ឆ្នាំ មានទីលំនៅភូមិចំបក់ ឃុំសៀមរាប ស្រុកកណ្តាលស្ទឹង ខេត្តកណ្ដាល។ ទី២. ឈ្មោះ រុន ម៉ាណែត ភេទប្រុស អាយុ ១៧ឆ្នាំ មានទីលំនៅភូមិចំបក់ ឃុំសៀមរាប ស្រុកកណ្តាលស្ទឹង ខេត្តកណ្តាល។ ទី៣. ឈ្មោះ ហឿន សំណាង ភេទប្រុស អាយុ ១៧ឆ្នាំ មានទីលំនៅភូមិរានថ្ម ឃុំសៀមរាប ស្រុកកណ្តាលស្ទឹង ខេត្តកណ្តាល។ ជនត្រូវចោទទាំង ៣នាក់ មានមុខរបរមិនពិតប្រាកដ។ និងទី៤. ឈ្មោះ សុង វណ្ណឃីម ភេទប្រុស អាយុ ២០ឆ្នាំ មានទីលំនៅភូមិតាដោលទី៣ ឃុំអំពៅព្រៃ ស្រុកកណ្តាលស្ទឹង ខេត្តកណ្តាល មុខរបរ ជាអ្នករត់ តុក្នុងហាង។
នគរបាល បានបញ្ជាក់ថា នៅថ្ងៃទី ៥ ខែមករា ឆ្នាំ២០២២ វេលាម៉ោង ១២និង០០នាទី ក្រុមជនសង្ស័យ បានជិះម៉ូតូពីរគ្រឿងខាងលើ មានគ្នាបួននាក់។ ដោយឈ្មោះ រុន សារ៉ែន ជិះម៉ូតូមួយគ្រឿង ជាអ្នកបើកនិងឈ្មោះ ហឿន សំណាង ជាអ្នកជិះពីក្រោយ។ ឯម៉ូតូមួយគ្រឿងទៀត បើកបរដោយឈ្មោះ សុង វណ្ណឃីម និងឈ្មោះ រុន ម៉ាណែត ជាអ្នកជិះពីក្រោយ បានធ្វើដំណើរចេញពីផ្សារសៀមរាប ស្ថិតនៅ ក្នុងឃុំសៀមរាប តាមបណ្ដោយផ្លូវជាតិលេខ ២ ឆ្ពោះទៅទិសខាងត្បូង ពេលទៅដល់ចំណុចស្ពាន កំពុងកោរ ព្រំប្រទល់ខេត្តតាកែវ ក្រុមជនសង្ស័យទាំង ៤នាក់ បានបត់ចូលតាមផ្លូវកៅស៊ូ ទើបធ្វើថ្មី ឆ្ពោះទៅវត្តកោះសុក្រំ ឃុំទ្រា ពេលជិតដល់កន្លែងកើតហេតុ ក្រុមជនសង្ស័យ បាននាំគ្នាបង្ហោះម៉ូតូ ហើយបានជួបនឹងរថយន្តដឹកដីមួយគ្រឿង ជិះមកពីក្រោយពេលរថយន្តដឹកដី បានស៊ីផ្លេពីក្រោយ និងបានបើកវ៉ាក្រុមជនសង្ស័យទៅ ភ្លាមនោះក្រុមជនសង្ស័យខឹង ក៏ជិះម៉ូតូដេកតាមពីក្រោយ ហើយបាន វ៉ារួចឈប់ចាំពេលរថយន្តដឹកដីបើកមកដល់ ក្រុមជនសង្ស័យ បានយកដុំថ្មគប់ទៅលើរថយន្ត របស់ ជនរងគ្រោះ បណ្តាលឲ្យបែកកញ្ចក់ទ្វាររថយន្តផ្នែកខាងឆ្វេង ១ផ្ទាំង។ ភ្លាមនោះជនរងគ្រោះ បាន ឈប់រថយន្ត ហើយបានសួរនាំ ឃើញដូច្នេះ ក្រុមជនសង្ស័យ បានជិះម៉ូតូរត់គេចខ្លួន។ ដោយឡែក ឈ្មោះ ហឿន សំណាង បានព្យាយាមរត់តែត្រូវជនរងគ្រោះ ឃាត់នាំទៅប៉ុស្តិ៍នគរបាលរដ្ឋបាល ឃុំទ្រា ដើម្បីដាក់ពាក្យបណ្ដឹង ភ្លាមនោះកម្លាំងប៉ុស្តិ៍នគរបាលរដ្ឋបាល ឃុំទ្រា បានបញ្ជូនជនសង្ស័យទៅកាន់ អធិការដ្ឋាន ដើម្បីអនុវត្តតាមនីតិវិធី៕
អត្ថបទ៖ ឆៃ យ៉ា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល