សន្តិសុខសង្គម

អគ្គិភ័យឆេះរោងចក្រដេរកាបូបនៅស្រុកអង្គស្នួល កាលពីព្រឹកមិញ(មានវីដេអូ)

បានផុស

៧ ខែ មុន

នៅ

ថ្ងៃសុក្រ ១៤ មករា ២០២២

ដោយ

ឃ្លាំងរោងចក្រដេកាបូបមួយកន្លែងនៅស្រុកអង្គស្នួល ត្រូវបានអគ្គិភ័យលេបត្របាក់បណ្ដាលឲ្យខូចខាតសម្ភារៈសរុបទឹកប្រាក់អស់ប្រហែល៣ម៉ឺនដុល្លារ បន្ទាប់ពីជាងផ្សារដែកខ្វះបច្ចេកទេសធ្លាក់កម្ទេចភ្លើង ប៉ះវត្ថុងាយឆេះ។

ករណីគ្រោះអគ្គិភ័យនេះ បានកើតឡើងកាលពីវេលាម៉ោង០៨និង១៥នាទី ថ្ងៃទី១៤ ខែមករា ឆ្នាំ២០២២ ស្ថិតក្នុងភូមិទួលត្នោត ឃុំពើក ស្រុកអង្គស្នួល ខេត្តកណ្ដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍សមត្ថកិច្ចបានឲ្យដឹងថា ម្ចាស់រោងចក្រឈ្មោះ CHEN ZHENGFEI ជនជាតិចិន ភេទប្រុស អាយុ៤៩ឆ្នាំ មុខរបរថៅកែរោងចក្រ ។ ឆេះឃ្លាំងធ្វើអំពីដែក ប្រក់ស័ង្កសី មានទំហំ ៣០ម៉ែត្រ×៦០ម៉ែត្រ ។ និងខូចខាតវត្ថុធាតុដើម អំបោះដេរ កំណាត់ទ្រនាប់ស្បែកកាបូប ឆ្អឹងជរ័ស្នោរ អេប៉ុងស្តើងៗសម្រាប់ផលិតជាបូប និងសម្ភារៈ ផ្សេងៗមួយចំនួនទៀតដែលមានតម្លៃសរុបប្រហែល០៣ម៉ឺនដុល្លារ។

ក្នុងរបាយការណ៍បានបញ្ជាក់ថា មូលហេតុដែលបណ្ដាលឲ្យមានករណីអគ្គិភ័យនេះ គឺបណ្ដាលមកពីជាងផ្សារដែកខ្វះបច្ចេកទេស ផ្សារដែកបណ្តាលអោយកម្ទេចភ្លើង ប៉ះវត្ថុងាយនឹងឆេះបង្កជាអគ្គិភ័យតែម្តង តែមិនបណ្ដាលឲ្យមានគ្រោះថ្នាក់ដល់មនុស្សនោះទេ ។

ក្នុងប្រតិបត្តិការជួយអន្តរាគមន៍ កម្លាំងសមត្ថកិច្ចបានប្រើប្រាស់រថយន្តពន្លត់អគ្គិភ័យរបស់ការិយាល័យខេត្តចំនួន០១គ្រឿង រថយន្តពន្លត់អគ្គិភ័យរបស់អធិការដ្ឋាននគរបាលស្រុកអង្គស្នួល ចំនួន០២គ្រឿង ប្រើប្រាស់ទឹកអស់ចំនួន០៣រថយន្ត រលត់ជាស្ថាពរនៅវេលាម៉ោង០៩និង២០នាទី៕

អត្ថបទ៖ សុខុម