សន្តិសុខសង្គម
តុលាការប្រកាសសាលដីកាសំណុំរឿង ឃាតកម្មឧកញ៉ា អ៊ឹង ម៉េងជឺ នៅថ្ងៃ ១៧ កុម្ភៈ ខែក្រោយនេះ
តុលាការកំពូល នៅព្រឹកថ្ងៃទី ២៦ ខែមករា ឆ្នាំ២០២២ បានបើកសវនាការលើសំណុំរឿងឃាតកម្មឧកញ៉ា អ៉ឹង ម៉េងជឺ បន្ទាប់ពីជនជាប់ចោទ ឈ្មោះ សៀង វាសនា និងមេធាវីការពារជនរងគ្រោះប្ដឹងសារទុក្ខមិនសុខចិត្ត និងការសម្រេចរបស់សាលាឧទ្ធរណ៍។
នៅចំពោះមុខអង្គសវនាការជនជាប់ចោទឈ្មោះ សៀង វាសនា បានឆ្លើយថា នៅថ្ងៃកើតហេតុ ខ្លួនប្រពន្ធកូន បានជូនម្តាយក្មេកទៅពេទ្យនៅខេត្តកំពង់ឆ្នាំង ដោយខ្លួនមិនបានបាញ់សម្លាប់លោកឧកញ៉ា អ៉ឹង ម៉េងជឺ ទេ និងសុំឲ្យតុលាការលើកលែងការចោទមកលើខ្លួន។
លោកមេធាវី តេង បូរ៉ា ការពារសិទ្ធិឲ្យដើមបណ្តឹងរដ្ឋប្បវេណីលោកស្រី តាំង គីមឆេង ត្រូវជាប្រពន្ធលោកឧកញ៉ា អ៉ឹង ម៉េងជឺ បានធ្វើសេចក្តីសន្និដ្ឋាននៅក្នុងអង្គសវនាការថា ដើមបណ្ដឹងគឺមិនសុខចិត្តនឹងសេចក្តីសម្រេចរបស់ចៅក្រមសាលាឧទ្ធរណ៍ ដោយមិនបានផ្តល់យុត្តិធម៌ដល់ខ្លួន ដែលបានសម្រេចឲ្យជនជាប់ចោទ៤នាក់រួចខ្លួនក្នុងសំណុំរឿង ឃាតកម្មគិតទុកជាមុន រួមទាំងសំណងជំងឺចិត្តដែលដើមបណ្ដឹងទាមទារ ៥០ លានដុល្លារ តែតុលាការសម្រេចឲ្យតែ ១០ លានដុល្លារ។ ក្រោយពីបញ្ចប់សវនាការសួរដេញដោលលើអង្គច្បាប់រួចរាល់ហើយប្រធានក្រុមប្រឹក្សាជំនុំជម្រះតុលាការកំពូល បានសម្រេចកំណត់យកថ្ងៃទី ១៧ ខែកុម្ភៈ ឆ្នាំ ២០២២ ខាងមុខដើម្បីធ្វើការប្រកាសសាលដីកា។
គួររំលឹកថា សាលាឧទ្ធរណ៍បានសម្រេចដោះលែង លោក ថោង សារ៉ាត់ និងបក្ខពួកចំនួន ៣ នាក់ទៀត ឱ្យនៅក្រៅឃុំជាបណ្តោះអាសន្ន លើកលែងតែឈ្មោះ សៀង វាសនា ដែលជាជនដៃដល់បន្តស្ថិតនៅក្នុងឃុំ។ នេះបើតាមការប្រកាសរបស់អ្នកនាំពាក្យសាលាឧទ្ធរណ៍ នៅថ្ងៃទី ០៦ ខែវិច្ឆិកា ឆ្នាំ ២០១៩ ។
បើតាមសេចក្តីប្រកាសអ្នកនាំពាក្យសាលាឧទ្ធរណ៍, អ្នកដែលត្រូវដោះលែងឲ្យក្រៅឃុំជាបណ្តោះអាសន្នចំនួន ៤ នាក់នោះរួមមាន ទី១.ឈ្មោះ ថោង សារ៉ាត់ ២.ឈ្មោះ កួយ ចាន់ថុល ៣.ឈ្មោះ មាស សម្បត្តិ ហៅ ទូច និង ៤. ឈ្មោះ ឈុន ចិត្រា ដោយតុលាការបានដាក់លក្ខខណ្ឌ៤ចំណុចដូចជា៖
១.ជនជាប់ចោទមិនត្រូវចាកចេញពីព្រះរាជាណាចក្រកម្ពុជា ដោយមិនមានការអនុញ្ញាតពីតុលាការ។
២.ហាមផ្លាស់ប្តូរលំនៅឋាន។
៣.ត្រូវបង្ហាញខ្លួននៅការិយាល័យស្នងការនគរបាលរាជធានីភ្នំពេញរៀងរាល់សប្តាហ៍ទី១ រៀងរាល់ខែ។
៤.ចូលបង្ហាញខ្លួនតាមការកោះហៅរបស់តុលាការ ឬ អាជ្ញាធរមានសមត្ថកិច្ចដែលចាត់តាំងដោយតុលាការ៕
អត្ថបទ៖ មករា
-
កីឡា១៣ ម៉ោង agoបារាំង ចប់ដំណើរនៅ World Cup 2026 ក្រោមថ្វីជើង អេស្ប៉ាញ ២-០ វគ្គ ១/២ ផ្តាច់ព្រ័ត្រ
-
ព័ត៌មានជាតិ២ ថ្ងៃ agoពលរដ្ឋស្នើអាជ្ញាធរជួសជុលផ្លូវក្បែរវិមានឯករាជ្យ ក្រុងសែនមនោរម្យ ដែលរងការខូចខាតច្រើនឆ្នាំ
-
សេដ្ឋកិច្ច១ សប្តាហ៍ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៥ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ៦ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៦ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ១ សប្តាហ៍ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
សេដ្ឋកិច្ច១ សប្តាហ៍ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ