សន្តិសុខសង្គម
សមត្ថកិច្ចជាង ២ពាន់នាក់ នឹងត្រូវពង្រាយដើម្បីការពារសន្តិសុខ និងសម្រួលចរាចរណ៍ជូនពលរដ្ឋ អំឡុងពេលចូលឆ្នាំថ្មីនៅភ្នំពេញ
សមត្ថកិច្ចរាជធានីភ្នំពេញជាង ២,២០០នាក់ នឹងត្រូវដាក់ពង្រាយនៅទូទាំងរាជធានីភ្នំពេញ ដើម្បីការពារសន្តិសុខ សណ្ដាប់ធ្នាប់ និងសម្រួលចរាចរណ៍ជូនប្រជាពលរដ្ឋ ក្នុងអំឡុងពេលពិធីបុណ្យចូលឆ្នាំថ្មី ប្រពៃណីជាតិខ្មែរ។
លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ នៅព្រឹកថ្ងៃទី ៧ ខែមេសា ឆ្នាំ ២០២២នេះ បានអញ្ជើញជាអធិបតីក្នុងកិច្ចប្រជុំ ស្តីពី ការផ្សព្វផ្សាយផែនការសន្តិសុខ សណ្តាប់ធ្នាប់ និងសុវត្ថិភាពសង្គម ក្នុងពិធីបុណ្យចូលឆ្នាំប្រពៃណីជាតិ។
លោកវរសេនីយ៍ឯក សាន សុខសីហា ជំនួយការស្នងការ និងជាអ្នកនាំពាក្យ នៃស្នងការដ្ឋាននគរបាលរាជធានីភ្នំពេញ មានប្រសាសន៍ប្រាប់កម្ពុជាថ្មីនៅថ្ងៃនេះថា នៅក្នុងកិច្ចប្រជុំនោះ លោកឧត្តមសេនីយ៍ឯក ស ថេត បានណែនាំស្នងការរងទាំងអស់ ត្រូវយកចិត្តទុកដាក់ខ្ពស់ក្នុងការដឹកនាំកម្លាំង ដើម្បីអនុវត្តការងារឲ្យបានល្អ ធានាឲ្យបាននូវសន្តិសុខ សណ្តាប់ ធ្នាប់ល្អ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ។
លោកវរសេនីយ៍ឯក សាន សុខសីហា បានបញ្ជាក់បន្ថែមថា កម្លាំងសមត្ថកិច្ចរាជធានីភ្នំពេញជាង ២,២០០នាក់ នឹងត្រូវដាក់ពង្រាយនៅទូទាំងរាជធានីភ្នំពេញ ដើម្បីការពារសន្តិសុខ សណ្ដាប់ធ្នាប់ និងសម្រួលចរាចរណ៍ជូនប្រជាពលរដ្ឋ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ។ លោកថា «យើងប្រើប្រាស់កម្លាំងសរុបចំនួន ២,២០០នាក់ជាង មានទាំងកម្លាំងការិយាល័យជំនាញ កម្លាំងអធិការខណ្ឌ កម្លាំងប៉ុស្ដិ៍ ហើយកម្លាំងការិយាល័យចរាចរណ៍ និងកម្លាំងអគ្គិភ័យ ក៏ដូចជាកម្លាំងអន្តរាគមន៍ពិសេស»។
អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានឲ្យដឹងទៀតថា កម្លាំងនគរបាលចរាចរណ៍ជាច្រើនរយនាក់ នឹងត្រូវដាក់ពង្រាយនៅគ្រប់គោលដៅទាំងអស់ ជាពិសេសច្រកចេញចូលរាជធានីភ្នំពេញ ដើម្បីសម្រួលចរាចរណ៍ជូនប្រជាពលរដ្ឋ ទាំងពេលពួកគាត់ចេញទៅស្រុកកំណើត និងត្រឡប់មករាជធានីភ្នំពេញវិញ។ ចំណែកឯកម្លាំងនគរបាលពន្លត់អគ្គិភ័យវិញ ក៏នឹងត្រៀម ២៤លើ២៤ផងដែរ ដើម្បីជួយសង្គ្រោះប្រជាពលរដ្ឋ នៅពេលមានគ្រោះអគ្គិភ័យកើតឡើងជាយថាហេតុ៕
អត្ថបទ៖ ឃួន សុភ័ក្រ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)