សន្តិសុខសង្គម

ផ្ទះ ១ ខ្នង ត្រូវអគ្គិភ័យឆេះខ្ទេច នៅមិនទាន់ដឹងមូលហេតុ

បានផុស

៤ years មុន

នៅ

ថ្ងៃសៅរ៍ ១៦ មេសា ២០២២

ដោយ

លំនៅឋានប្រជាពលរដ្ឋមួយខ្នង ត្រូវអគ្គិភ័យឆាបឆេះទាំងស្រុង ខណៈដែលម្ចាស់កំពុងលង់លក់ក្នុងដំណេក ដែលក្នុងនោះទ្រព្យសម្បត្តិក៏ត្រូវបានឆេះខ្ទេចខ្ទី ក្នុងទំហំទឹកប្រាក់ជាង ៧ លានរៀល។ ករណីដែលបង្កឲ្យមានការភ្ញាក់ផ្អើលនេះ បានកើតឡើង កាលពីថ្ងៃទី ១៥ ខែមេសា ឆ្នាំ ២០២២ វេលាម៉ោង ១០ យប់ នៅចំណុចក្រុមទី ៣ ភូមិឆ្កែកូន ឃុំគោកឃ្មុំ ស្រុកថ្មគោល ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងករណីអគ្គិភ័យនេះដែរ បានបំផ្លាញផ្ទះប្រជាពលរដ្ឋមួយខ្នងអស់ទាំងស្រុង ដែលមានទំហំ៤មx៥ម ធ្វើពីឈើ ប្រក់ស័ង្កសី របស់ជនរងគ្រោះឈ្មោះ វ៉ៃ សាវៀង ភេទស្រី អាយុ ៥៨ ឆ្នាំ រស់នៅភូមិ ឃុំ កើតហេតុខាងលើ។ សម្ភារៈដែលខូចខាតរួមមាន ស្រូវចំនួន ១០ ការុង អង្ករ១ ការុង គ្រែ ២ ធ្យូង១០ ការុង កង់ម៉ីគីថ្មី ២ គ្រឿង និងសម្ភារៈប្រើប្រាស់មួយចំនួន ប៉ុន្តែមិនបណ្តាលឱ្យរងរបួសដល់មនុស្សទេ សរុបជាទឹកប្រាក់អស់ប្រហែល ជាង ៧,០០០,០០០ លានរៀល(ប្រាំពីរលានរៀល ) ។ បច្ចុប្បន្ន សមត្ថកិច្ចកំពុងធ្វើការស្រាវជ្រាវ ដោយសាររកមូលហេតុមិនទាន់ឃើញ ៕