សន្តិសុខសង្គម
នគរបាលក្រសួងមហាផ្ទៃម្នាក់បាញ់អ្នកឃ្វាលក្របីរងរបួសធ្ងន់ ដោយសារខឹងក្របីចូលស៊ីស្មៅក្នុងដីខ្លួន
បុរសវ័យចំណាស់ម្នាក់ត្រូវបានមន្ត្រីនគរបាលក្រសួងមហាផ្ទៃម្នាក់បាញ់ឲ្យរបួសធ្ងន់ក្រាន់តែបុរសវ័យចំណាស់នោះជាអ្នកស៊ីឈ្នួលឃ្វាលក្របីឲ្យគេចូលស៊ីស្មៅក្នុងដីខ្លួនសោះ ។
រឿងរាវនេះកើតឡើងនៅវេលាម៉ោង២រសៀល ថ្ងៃទី៧ ខែឧសភា ឆ្នាំ២០២២ នៅចំណុចដីចម្ការ ស្ថិតនៅភូមិអូរបីជាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
មន្ត្រីនគរបាលប៉ុស្តិ៍រដ្ឋបាលឃុំអូរបីជាន់ និងអធិការដ្ឋានស្រុកអូរជ្រៅបានប្រាប់ឲ្យដឹងថា ជនរងគ្រោះមានឈ្មោះ ឃាង វណ្ណា ប្រុសអាយុ៥៥ឆ្នាំ រស់នៅភូមិថ្នល់បត់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ មុខរបរស៊ីឈ្នួលឃ្វាលក្របីឲ្យគេ ចំណែកជនសង្ស័យ ជាជនបង្កមានឈ្មោះ រ៉ា ទឹមច័ន្ទពិសី អាយុ៤២ឆ្នាំ ភេទប្រុស មានតួនាទីជានាយរងការិយាល័យ កិច្ចការផ្ទៃក្នុងក្រសួងមហាផ្ទៃ មកស្នាក់នៅបណ្តាះអាសន្ន នៅភូមិអូរបីជាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។
លោកវរសេនីយ៍ឯក អ៊ឹម សុភារ: អធិការនគរបាលស្រុកអូរជ្រៅ បានបញ្ជាក់ប្រាប់ឲ្យដឹងបន្តថា មុនកើតហេតុអ្នកឃ្វាលសត្វក្របី បានដេញក្របីឲ្យចូលស៊ីស្មៅក្នុងដីរបស់ជនដៃដល់ ធ្វើឲ្យជនដៃដល់ខឹងយ៉ាងខ្លាំងដោយមិនបាននិយាយអ្វីជាមួយអ្នកឃ្វាលក្របីបន្តិចសោះ បានយកកាំភ្លើងម៉ាក វាំងឡុង(ប្រភេទកាំភ្លើងបាញ់សត្វ).បាញ់ជនរងគ្រោះ ចំនួន១គ្រាប់បណ្តាលឲ្យចំ កំភួនជើងខាងឆ្វេងរងរបួសធ្ងន់នៅកន្លែងកើតហេតុ។
លោកបញ្ជាក់ឲ្យដឹងបន្តទៀតថា ដីចម្ការរបស់ជនដៃដល់នៅជាប់ព្រំដែនកម្ពុជា ថៃ ដែលជនដៃដល់ទើបទិញពុំទាន់បានធ្វើរបងហើយស្មៅនោះដុះឯងទេគ្មាននរណាដាំនោះឡើយ ។ ពេលដែលបាញ់ឲ្យរងរងបួសហើយនោះ ឃើញជនរងគ្រោះរបួសដួលដេកលើដី ក៏បានបានរត់គេចខ្លួនបាត់ទៅ។ ភ្លាមៗនោះ អ្នកជិតខាងនិងសមត្ថកិច្ចបាននាំជនរងគ្រោះយកទៅសង្គ្រោះព្យាបាលនៅមណ្ឌលសុខភាពអូរបីជាន់មុននឹងបញ្ជូនទៅមន្ទីរពេទ្យខេត្តមិត្តភាពកម្ពុជា ជប៉ុនមង្គលបូរី ។
ករណីនេះកម្លាំងជំនាញព្រហ្មទណ្ឌខេត្ត ស្រុកនិងប៉ុស្តិ៍រដ្ឋបាលឃុំបាននឹងកំពុងស្រាវជ្រាវ តាមរកចាប់ជនសង្ស័យ ដើម្បីកសាងសំនុំរឿងតាននិតិវិធីច្បាប់ ៕
អត្ថបទ៖ វ៉ាន់ ណាង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត