សន្តិសុខសង្គម
ស្ត្រីម្នាក់ អំពាវនាវឲ្យជួយរកយុត្តិធម៌ជូនកូនស្រីរបស់ខ្លួន ដែលរងការប្រើអំពើហិង្សាពីសំណាក់បងថ្លៃ
មានការភ្ញាក់ផ្អើលពេញមួយថ្ងៃ នៅលើបណ្ដាញសង្គមហ្វេសប៊ុក នាថ្ងៃទី ១០ ខែឧសភា ឆ្នាំ ២០២២នេះ បន្ទាប់ពីមានគណនីហ្វេសប៊ុកមួយ បានបង្ហោះរូបភាពជាច្រើនសន្លឹក ពាក់ព័ន្ធនឹងករណីស្ត្រីម្នាក់ បានរងរបួសជាច្រើនកន្លែង ដោយសារការប្រើអំពើហិង្សាពីសំណាក់បងថ្លៃរបស់ខ្លួន។
យោងតាមការបង្ហោះ របស់គណនីហ្វេសប៊ុកឈ្មោះ Chanthea Mam ដែលអះអាងថា ជាម្ដាយរបស់ស្ត្រីរងគ្រោះដោយសារការប្រើហិង្សានោះ បានអំពាវនាវដល់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា, សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា, និងលោក គួច ចំរើន អភិបាល នៃគណៈអភិបាលខេត្តព្រះសីហនុ ជួយអន្តរាគមន៍រកយុត្តិធម៌ជូនកូនស្រីរបស់ខ្លួនផង។
គណនីហ្វេសប៊ុកឈ្មោះ Chanthea Mam បានសរសេរយ៉ាងដូច្នេះថា «នាងខ្ញុំសូមអំពាវនាវដល់សម្ដេច ហ៊ុន សែន និងសម្ដេចកិត្តិបណ្ឌិត និងឯកឧត្តម គួច ចំរើន ជួយរកយុត្តិធម៌ដល់កូនស្រីនាងខ្ញុំផងគាត់ជាគ្រូបង្រៀន ហើយត្រូវជាបងថ្លៃមិនគួរណាវ៉ៃកូនខ្ញុំដល់ថ្នាក់នេះទេ វាចូលទៅជួបប្ដីវានៅបន្ទប់ជួលជាមួយប្ដីវា បងវាមិនអោយជួប មិនគួរណាប្រើអំពើហិង្សាយ៉ាងព្រៃផ្សៃ!»។ ទោះបីជាយ៉ាងណា គណនីហ្វេសប៊ុកខាងលើនេះ មិនបានបញ្ជាក់អំពីទីតាំងពិតប្រាកដ និងពេលវេលា នៃហេតុការណ៍នេះឡើយ។
សេចក្ដីរាយការណ៍ ពីអ្នកសារព័ត៌មាននៅខេត្តព្រះសីហនុ បានឲ្យដឹងថា ករណីខាងលើនេះពីដំបូងកើតឡើងបន្ទាប់ពីស្ត្រីរងគ្រោះ បានទៅរករឿងនៅផ្ទះបងថ្លៃរបស់ខ្លួន ដោយកាំបិតតាំងតោទៅកាប់ទ្វារផ្ទះ និងគោះទ្វារផ្ទះឲ្យបងថ្លៃចេញមកក្រៅ។ បន្ទាប់ពីបុរសជាបងថ្លៃចេញមកក្រៅផ្ទះ ក៏ស្ត្រីរងគ្រោះប្រើកាំបិតតាំងតោ កាប់ទៅលើបងថ្លៃរបស់ខ្លួនថែមទៀត។ ដោយឃើញយ៉ាងដូច្នេះ ក្រុមគ្រួសាររបស់បងថ្លៃស្ត្រីរងគ្រោះរូបនោះ ក៏បានយកទុយោជ័រវាយទៅលើស្ត្រីរងគ្រោះ បណ្ដាលឲ្យរងរបួសតែម្ដង។
សេចក្ដីរាយការណ៍ដដែល បានឲ្យដឹងបន្តថា កាលពីថ្ងៃម្សិលមិញ ក្រុមគ្រួសាររបស់បងថ្លៃស្ត្រីរងគ្រោះ បានផ្ដល់សំណងជូនស្ត្រីរងគ្រោះចំនួន ៥០០ដុល្លារ ដើម្បីយកទៅព្យាបាលរបួសនោះ ដោយមិននឹកស្មានថា ម្ដាយរបស់ស្ត្រីរងគ្រោះនោះ បានបង្ហោះនៅលើហ្វេសប៊ុកហ្វេសប៊ុកដូច្នេះឡើយ។ បើតាមប្រភពនេះ ស្ត្រីរងគ្រោះ បានលែងលះជាមួយប្ដីរបស់ខ្លួន តាំងតែពីខែតុលា ឆ្នាំ ២០២១មកម្លេះ។
ចំណែកឯប្រភពព័ត៌មាន ពីមន្ត្រីរដ្ឋបាលខេត្តព្រះសីហនុ បានឲ្យដឹងដែរថា កន្លងមកករណីវិវាទក្នុងគ្រួសារខាងលើនេះ ត្រូវបានដោះស្រាយនៅចំពោះនគរបាលក្រុងព្រះសីហនុ រួចរាល់ហើយ។ ចំពោះហេតុការណ៍ កើតឡើងថ្មីៗនេះទៀតនោះ គឺរដ្ឋបាលខេត្តព្រះសីហនុ កំពុងរង់ចាំរបាយការណ៍លម្អិតពីសមត្ថកិច្ច៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង