ឆ្លងចរន្ដពីទូទឹកកក ឆេះផ្ទះពីរខ្នងអស់ទាំងស្រុងកាលពីព្រឹកមិញ

ផ្ទះប្រជាពលរដ្ឋពីរខ្នងធ្វើអំពីឈើប្រក់ក្បឿង ត្រូវបានអគ្គិភ័យឆាបឆេះអស់ទាំងស្រុងដោយសារឆ្លងចរន្ដអគ្គិសនីពីទូទឹកកក។

ករណីអគ្គិភ័យនេះ បានកើតឡើងកាលពីវេលាម៉ោង​៨និង៤០​នាទីព្រឹក ថ្ងៃទី៣០ ខែឧសភា ឆ្នាំ២០២២ នៅចំណុចភូមិដំបូកធំ ឃុំកញ្ចំ ស្រុកពារាំង ខេត្តព្រៃវែង។

តាមរបាយការណ៍សមត្ថកិច្ចបានឲ្យដឹងថា ផ្ទះពីរខ្នងដែលត្រូវអគ្គិភ័យឆាបឆេះមានម្ចាស់ឈ្មោះ ម៉ិញ ភី ភេទស្រី អាយុ៤៣​ឆ្នាំ ធ្វើអំពីឈើប្រក់ក្បឿង ជញ្ជាំងក្តា មានទំហំ​ ៩x៨​ ម៉ែត្រ​ ត្រូវបានអគ្គិភ័យឆេះអស់ទាំងស្រុង និងសម្ភារៈផ្សេងទៀតសរុបជាទឹកប្រាក់អស់ប្រហែលចំនួន១៥០០០ដុល្លា​រ។

របាយការណ៍បានបញ្ជាក់ថា ករណីនេះគឺបណ្ដាលមកពី​ឆ្លងចរន្ដអគ្គិសនីពីទូរទឹកកក​ ដោយកម្លាំងជំនា​ញអគ្គិភ័យស្រុកពារាំង បាន​ចេញ​រថយន្តពន្លត់អគ្គិភ័យជួយអន្តរាគមន៍​ចំនួន​០១គ្រឿង​ បាញ់ពន្លត់អស់ទឹកចំនួន០២រថយន្ត​ទើបរលត់​ទាំងស្រុង​ និងមិនបណ្តាល​អោយ​មានមនុស្ស​រងរបួស​ឬស្លាប់​ឡើយ​៕

អត្ថបទ៖ សុខុម