សន្តិសុខសង្គម

ដឹកដីចាក់លំនៅឋាន ដោយគ្រាប់ផ្លោងមកជាមួយ ៩ គ្រាប់

បានផុស

២ years មុន

នៅ

ថ្ងៃចន្ទ ២៧ មិថុនា ២០២២

ដោយ

បាត់ដំបង ៖ យុទ្ធភណ្ឌមិនទាន់ផ្ទុះចំនួន ៩ គ្រាប់ ដែលសុទ្ធសឹងជាប្រភេទគ្រាប់ផ្លោង ត្រូវបានសមត្ថកិច្ចប្រគល់ទៅអោយអង្គភាពស៊ីម៉ាក់ បន្ទាប់ពីមានប្រជាពលរដ្ឋរកឃើញនៅក្នុងដីដែលដឹកយកមកចាក់ក្នុងលំនៅឋាន។

ហេតុការណ៍នេះបានកើតឡើង នារសៀល ថ្ងៃទី ២៧ ខែ មិថុនា ឆ្នាំ ២០២២ នៅចំណុចភូមិរំចេក៤ សង្កាត់រតន: ក្រុងបាត់ដំបង គឺនៅក្នុងដីឡូត៍របស់ប្រជាពលរដ្ឋឈ្មោះ សៀន ជីវ ភេទ ប្រុស អាយុ ៤៧ ឆ្នាំ ស្ថិតនៅក្នុង ភូមិ សង្កាត់ កើតហេតុខាងលើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្តីរាយការណ៍ពីឈ្មោះ សៀន ជីវ មុខរបរជាអ្នកបើកបរឡានដឹកដី បានបញ្ជាក់ថា គ្រាប់ទាំងនោះគឺដោយមកតាមឡានដឹកដីរបស់ខ្លួន នៅពេលដែលខ្លួនចាក់ដីថ្មី។

ក្រោយពីកម្លាំងអធិការនគរបាលក្រុងបាត់ដំបង បានចុះពិនិត្យ បានសង្កេតឃើញភិនភាគគ្រាប់ គឺ ១. គ្រាប់កាំភ្លើងផ្លោង ទំហំ ១៣០ mm ចំនួន ២ គ្រាប់ ២. គ្រាប់កាំភ្លើងត្បាល់ ទំហំ ១២០ mm ចំនួន ១ គ្រាប់ ៣. គ្រាប់កាំភ្លើងត្បាល់ ទំហំ ១០០ mm ចំនួន ៣ គ្រាប់ ៤. គ្រាប់កាំភ្លើងផ្លោង ទំហំ ១០៥ mm ចំនួន ២ គ្រាប់ ៥ . កន្ទុយគ្រាប់ B41 ចំនួន ១ គ្រាប់ ដោយបច្ចុប្បន្ន គ្រាប់នេះ បានធ្វើការប្រគល់ជូនទៅអង្គភាព ស៊ីម៉ាក់ រួចហើយ ៕

អត្ថបទ ៖ សោ និយមរ័ត្ន