សន្តិសុខសង្គម
សមត្ថកិច្ចឃាត់ខ្លួនមនុស្ស២នាក់មុខសញ្ញាទាក់ឆ្កែច្រកការុងយកទៅលក់នៅកំពង់ឆ្នាំង
យុវជន២នាក់ជាបងប្អូនត្រូវគេសង្ស័យជាមុខសញ្ញាជិះម៉ូតូទាក់ឆ្កែលក់ត្រូវបានសមត្ថកិច្ចឃាត់ខ្លួន បន្ទាប់ពីបានគប់ឆ្កែប្រជាពលរដ្ឋមួយក្បាលងាប់ច្រកការ៉ុង។
ការបង្ក្រាបករណីខាងលើនេះធ្វើឡើងនៅវេលាម៉ោង ៣៖៣០នាទី ទៀបភ្លឺថ្ងៃទី ០២ ខែកក្កដាឆ្នាំ ២០២២ ចំណុចផ្លូវបំបែកស្ថានីយប្រេងឥន្ធនៈតូតាល់ក្នុងភូមិទី៨ សង្កាត់ខ្សាម ក្រុងកំពង់ឆ្នាំង។
សមត្ថកិច្ចនគរបាលក្រុងកំពង់ឆ្នាំងបានឲ្យដឹងថា ក្នុងពេលខាងលើសមត្ថកិច្ចនគរបាលក្រុង និងប៉ុស្តិ៍រដ្ឋបាល បានចេញល្បាតនៅចំណុចផ្លូវជាតិលេខ ៥ ម្តុំផ្លូវបំបែកស្ថានីយប្រេងតូតាល់ ក៏បានប្រទះឃើញជនសង្ស័យ ២នាក់ ជិះម៉ូតូឌុបគ្នា មានស្ពាយការ៉ុងពីក្រោយសមត្ថកិច្ចក៏ជិះតាមពីក្រោយរួចក៏ហៅឲ្យឈប់ដើម្បីសួរនាំ។
ប៉ុន្តែជនសង្ស័យមិនព្រមឈប់ក៏បើកម៉ូតូរត់គេចខ្លួន ពេលនោះសមត្ថកិច្ចក៏បានប្រដេញពីក្រោយហើយឃាត់ខ្លួនបាន ដោយឃើញក្នុងការ៉ុងមានឆ្កែ១ក្បាលនៅងាប់ និងដុំថ្ម ៨ ដុំ។ បុរសជនសង្ស័យទាំងពីរនាក់រួមមាន ១ ឈ្មោះ ឃិ សុខជា អាយុ ៣២ ឆ្នាំ រស់នៅភូមិត្រពាំងអន ឃុំជ្រៃបាក់ ស្រុករលាប្អៀរ ខេត្តកំពង់ ឆ្នាំង ទី២ ឈ្មោះ ឃិ សុភាស់ ២០ ឆ្នាំរស់នៅភូមិឃុំជាមួយគ្នា។
សមត្ថកិច្ចបានឲ្យដឹងថា ក្នុងពេលធ្វើសកម្មភាពឈ្មោះ ឃិ សុជា បើកម៉ូតូតិចៗ ចំណែកប្អូនឈ្មោះ ឃិ សុភាស់ កាន់ដុំថ្ម រង់ចាំឆ្កែដេញតាម ទើបគប់ដុំថ្មត្រូវក្បាលឆ្កែបណ្ដាលឱ្យប្រកាច់ទើបឈ្មោះ ឃិ សុភាស់ វាយក្បាលឆ្កែនិងញញួរ រហូតស្លាប់ ទើបចាប់ដាក់ក្នុងការ៉ុងយកមកកាន់ចំណុចផ្សារថ្មី ស្ថិតនៅភូមិទី០៧ សង្កាត់ខ្សាម ក្រុងកំពង់ឆ្នាំង។
ជនសង្ស័យទាំង២ ត្រូវបានសមត្ថកិច្ចនាំខ្លួនមកកាន់អធិការដ្ឋាននគរបាលក្រុងកំពង់ឆ្នាំង ដើម្បីកសាងសំណុំរឿងបញ្ជូនទៅកាន់ស្នងការនគរបាលខេត្តចាត់ការបន្តតាមនីតិវិធី៕
អត្ថបទៈ ឈៀង ថារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង