Connect with us

សន្តិសុខសង្គម

ឆេះតូប​លក់ឥវ៉ាន់​មួយកន្លែង​នៅភូមិកណ្តាល​ដោយសារការដាំបាយ​ចង្ក្រានហ្គាស​ជិតដបសាំង

បានផុស

នៅ

តូបលក់ឥវ៉ាន់មួយកន្លែងត្រូវបានភ្លើងឆាបឆេះដោយសារការដាំបាយចង្ក្រានហ្គាស់ឆ្លងឆេះដបសាំង។ ហេតុការណ៍ខាងលើនេះធ្វើឲ្យមានការភ្ញាក់ផ្អើលនៅវេលាម៉ោង ១០៖៣០ នាទីព្រឹកថ្ងៃទី៧ ខែកក្កដា ឆ្នាំ២០២២នៅលើទំនប់បារាំង ស្ថិតនៅក្នុងភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលមូលដ្ឋានបានឲ្យដឹងថា តូបលក់អីវ៉ាន់ខាងលើមាមម្ចាស់ ឈ្មោះ បៀន ស្រីភាស់ អាយុ ២៨ ឆ្នាំ ភេទស្រី មានទីលំនៅភូមិផ្សារលើ សង្កាត់ផ្សារឆ្នាំង ក្រុងកំពង់ ឆ្នាំង ប៉ុន្តែបានមកប្រកបមុខរបរល ក់ដូរនៅលើទំនប់បារាំង មានលក់សាំង លក់ស្រាបៀរ និងភេសជ្ជៈជាដើម។

ករណីនេះ មុនពេលកើតហេតុគាត់កំពុងតែ ផ្ទេរសាំងចេញពីពិដុង ចូលទៅក្នុងដបស្របពេលជាមួយគ្នា
នោះ​ប្អូន​​ស្រីគាត់បានដាក់ដាំបាយចង្ក្រានហ្គាស នៅក្នុងតូបដែលមានចម្ងាយប្រមាណ ៣ ម៉ែត្រពីគ្នាក៏ស្រាប់តែ ឆាបមកឆេះសាំងគាត់ដែលកំពុងចូលដប ផ្ទុះឆេះតែម្ដងបណ្ដាលឱ្យ​រូបគាត់រលាកដៃជើងស្រាលផងដែរ។

ហើយភ្លាមៗនោះគាត់ បានស្រែកហៅឲ្យគេជួយ និងនាំគ្នារត់ចេញពីតូប និងបណ្ដាលឱ្យឆេះសម្ភារៈលក់ដូរក្នុងតូបអស់តែម្ដង។

ចំពោះការខូចខាតមាន ឆេះសាបៀរអស់ ៤កេស ភេសជ្ជៈ៣កេស ធុងហ្គាស ១២ គីឡូក្រាម១ធុង លុយ ១លានរៀល សរុបទឹកប្រាក់ទាំងធុងទឹកកក និងសម្ភារៈសរុបអស់ប្រមាណ ៤ លានរៀល។

គ្រោះអគ្គីភ័យនេះក្រោយពីពិនិត្យស្រាវជ្រាវសមត្ថកិច្ចបានសន្និដ្ឋានថា ម្ចាស់តូបលក់ដូរខាងលើមានការធ្វេសប្រហែស ដោយកំពុងផ្ទេរសាំងចូលដបមានអ្នកបើកហ្កាសដាំបាយនៅក្បែរនោះមិនបានប្រុងប្រយ័ត្នទើបបណ្ដាលឱ្យផ្ទុះឆាប​ឆេះ​តូបអស់តែម្ដង៕

អត្ថបទ៖ ឈៀងថារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម