សន្តិសុខសង្គម
ពលករខ្មែរកាប់ក្បាលគ្នាឯងពេលកំពុងដេកលក់ ស្លាប់ម្នាក់ តែត្រូវចាប់ខ្លួន
ប្រទេសថៃ ៖ ពលករខ្មែរដែលរស់នៅជុំគ្នាក្នុងបន្ទប់ជួលតែមួយ នៅខេត្តសារៈបុរី ប្រទេសថៃ បានស្លាប់ម្នាក់ក្នុងថ្លុកឈាម ខណៈជនរងគ្រោះកំពុងដេកលក់ ត្រូវមិត្តរួមការងារទាញបុ័ងតោកាប់ក្បាល និងកញ្ចឹងក ដោយគ្មានមូលហេតុ។
ហេតុការណ៍ដែលបង្កឲ្យមានការភ្ញាក់ផ្អើលនេះ បានកើតឡើងកាលពីវេលាម៉ោង ៣ ទៀបភ្លឺ ឈានចូលថ្ងៃទី ៤ ខែវិច្ឆិកា ឆ្នាំ ២០២២ ត្រង់ចំណុចផ្ទះជួលមួយកន្លែង ក្នុងបន្ទប់លេខ ៧ ឃុំតាលីងឆាន់ ស្រុកមឿង ខេត្តសារៈបុរី ប្រទេសថៃ។
តាមការរៀបរាប់ពីសាក្សីឈ្មោះ ចាន់ ណាក់ ភេទប្រុស អាយុ ៣៨ ឆ្នាំ ជាពលករខ្មែរធ្វើការងារសំណង់នៅខេត្តសារៈបុរី បានរៀបរាប់ថា ក្នុងបន្ទប់ជួលលេខ ៧ នោះ មានពលករខ្មែរសម្រាកជុំគ្នាចំនួន ៣ នាក់ ដោយមានឈ្មោះ បូណា ភេទប្រុស អាយុ ៣៥ ឆ្នាំ (ជនរងគ្រោះ) ,ឈ្មោះ រៀម កំសត់ ភេទប្រុស អាយុ ៣៩ ឆ្នាំ (ជនបង្ក) , និងខ្លួនផ្ទាល់។
សាក្សីបានបន្តទៀតថា នៅពេលកើតហេតុនោះ ខ្លួនបានដេកលក់ទៅហើយ ប៉ុន្តែដូចជាឮសំឡេងខ្សាវៗថា (អូយឈឺណាស់ អូយឈឺណាស់)។ ពេលនោះខ្លួនបានស្ទុះងើប ឃើញ បូណា ដេកផ្កាប់មុខក្នុងថ្លុកឈាម។ ដោយឡែកឈ្មោះ រៀម កំសត់ កំពុងឈរកាន់កាំបិតបុ័ងតោ ឈរសម្លក់មករកខ្លួន ទើបខ្លួនស្ទុះចូលទៅចាប់កាច់បំបាក់ម្រាមដៃគូបដិបក្ខ ដោយសារតែខ្លួនមានមាឌធំជាង ធ្វើឲ្យជនបង្កមិនអាចរើខ្លួនបាន។ ពេលនោះ ខ្លួនក៏បានស្រែកហៅអ្នកជិតខាងមកជួយចងជនបង្ក ទើបរាយការណ៍ទៅតម្រួតថៃចុះមកពិនិត្យ។
សាក្សីបានបន្ថែមថា ពួកគេទាំង ៣ នាក់ មិនដែលមានទំនាស់គ្នា ហើយក៏មិនបានផឹកស្រាអ្វីដែរ។ ពួកគេចូលមកជួលបន្ទប់នេះបានប្រមាណជាង ១ ខែប៉ុណ្ណោះ ដើម្បីងាយស្រួលជិតកន្លែងធ្វើការ។
ចំពោះបញ្ហានេះ គេសង្ស័យថា ជនបង្កអាចមានសតិមិនល្អ ឬក៏អាចពាក់ព័ន្ធនឹងជំងឺសរសៃប្រសាទ ទើបបានជាកាប់សម្លាប់គ្នាឯងដោយគ្មានមូលហេតុបែបនេះ។
ព្រឹកនោះដែរ ម្ចាស់ផ្ទះជួល ក៏បាននិមន្តព្រះសង្ឃចំនួន ៥ អង្គ ដើម្បីធ្វើកិច្ចនៅទីនោះផ្ទាល់តែម្ដង។ ដោយឡែកជនបង្ក ត្រូវបានសមត្ថកិច្ចនាំខ្លួនទៅអនុវត្តទោសទណ្ឌតាមនីតិវិធីហើយ៕
អត្ថបទ ៖ សោ និយមរ័ត្ន
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%