សន្តិសុខសង្គម
សមត្ថកិច្ច បញ្ជាក់ថា ការឃាត់ខ្លួនបុរសជនជាតិកូរ៉េម្នាក់ គឺធ្វើឡើងមុនពេលក្បួន VIP មកដល់ប្រមាណ ១៥ ទៅ ២០នាទីឯណោះ
អ្នកនាំពាក្យនគរបាលរាជធានីភ្នំពេញ បានបញ្ជាក់ថា សមត្ថកិច្ចបានឃាត់ខ្លួនបុរសជនជាតិកូរ៉េម្នាក់ មុនពេលក្បួន VIP របស់ថ្នាក់ដឹកនាំកូរ៉េខាងត្បូងមកដល់ប្រមាណ ១៥ ទៅ ២០នាទីឯណោះ មិនមែនពេលក្បួនមកដល់នោះទេ។ ការបញ្ជាក់នេះ បន្ទាប់ពីមានការផ្សព្វផ្សាយតាមបណ្ដាញសង្គមតេឡេក្រាមថា មានករណីបុរសជនជាតិកូរ៉េម្នាក់ បម្រុងរត់សំដៅចូលក្បួន VIP របស់ថ្នាក់ដឹកនាំកូរ៉េ។
លោកវរសេនីយ៍ឯក សាន សុខសីហា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ មានប្រសាសន៍ប្រាប់អ្នកសារព័ត៌មានកម្ពុជាថ្មី នៅល្ងាចថ្ងៃទី ១១ ខែវិច្ឆិកានេះថា ករណីឃាត់ខ្លួនបុរសជនជាតិកូរ៉េម្នាក់នោះ បានកើតឡើងមុនពេលក្បួន VIP របស់ថ្នាក់ដឹកនាំកូរ៉េខាងត្បូងមកដល់ ប្រមាណ ១៥ ទៅ ២០នាទីឯណោះ។
លោកវរសេនីយ៍ឯក សាន សុខសីហា បានបញ្ជាក់យ៉ាងដូច្នេះថា «ខ្ញុំសូមបញ្ជាក់លើចំណុចហ្នឹងបន្តិច មិនមែនបុរសហ្នឹងរត់សំដៅទៅលើក្បួន VIP ទេ មានន័យថា ករណីហ្នឹងកើតឡើងមុនពេលប្រហែលជា ១៥ ទៅ ២០នាទីឯណោះ នៅពេលដែលសមត្ថកិច្ចប្រចាំគោលដៅ នៅលើផ្លូវសហព័ន្ធរុស្ស៊ីហ្នឹង គឺបានឃើញបុរសជនជាតិកូរ៉េហ្នឹង គឺគាត់ដើរឆ្លងផ្លូវ ហើយក៏បានដើរទៅចង្អុលឡានប្រជាពលរដ្ឋទូទៅ ដែលកំពុងធ្វើដំណើរហ្នឹង តែមិនដឹងគាត់មានបំណងបញ្ឈប់ ដើម្បីឆ្លងផ្លូវ ឬក៏យ៉ាងម៉េច?»។
អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានបញ្ជាក់ទៀតថា «ចឹងហើយ បានជាសមត្ថកិច្ចហៅសួរនាំ បន្ទាប់មកគាត់ដូចជាមិនស្ដាប់ ចង្អុលមុខមកលើសមត្ថកិច្ច ក៏ឃាត់ដើម្បីធ្វើការសួរនាំ»។ លោកថា ករណីឃាត់ខ្លួនបុរសជនជាតិកូរ៉េរូបនេះ គឺកើតឡើងមុនពេលក្បួនប្រហែល ១៥ ទៅ ២០នាទី មិនមែនកើតឡើងនៅពេលក្បួនមកដល់នោះទេ។
បច្ចុប្បន្នបុរសជនជាតិកូរ៉េរូបនោះ ត្រូវបាននាំខ្លួនទៅសាកសួរនៅអធិការដ្ឋាន នគរបាលខណ្ឌសែនសុខហើយ។ សូមជម្រាបថា នៅរសៀលថ្ងៃទី ១១ ខែវិច្ឆិកា ឆ្នាំ ២០២២នេះ មានការផ្សព្វផ្សាយនៅតាមបណ្ដាញសង្គមតេឡេក្រាមថា មានករណីបុរសជនជាតិកូរ៉េម្នាក់ បម្រុងរត់សំដៅចូលក្បួន VIP របស់ថ្នាក់ដឹកនាំកូរ៉េ ហើយត្រូវបានសមត្ថកិច្ចឃាត់ខ្លួន នៅគោលដៅផ្លូវសហព័ន្ធរុស្ស៊ីចំណុចការ៉ាស់សាំង CALTEX (គល់ស្ពានអាកាសផ្សាដីហុយខាងលិច)៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)