Connect with us

សន្តិសុខសង្គម

ផ្ទុះទុយោចោះថ្នល់បូមខ្សាច់ ធ្វើឱ្យផ្លូវកៅស៊ូប៉ោងឡើង​នៅចាក់អង្រែ បង្កការកកស្ទះ

បានផុស

នៅ

កំណាត់ផ្លូវជាតិលេខ២ ស្ថិតនៅត្រង់ចំណុចជិតសាលាអន្តរជាតិ ACE សង្កាត់ចាក់អង្រែក្រោម បានប៉ោងឡើងដោយសារផ្ទុះបំពង់ទុយោបូមខ្សាច់ដែលខួង​ចោះក្រោមដីបង្កការកកស្ទះចរាចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកេីតឡេីងកាលពីព្រឹកថ្ងៃទី ១២ ខែមករា ឆ្នាំ២០២៣ នៅត្រង់ចំណុចជិតសាលាអន្តរជាតិ អេស៊ីអ៊ី (ACE) លេីកំណាត់ផ្លូវជាតិលេខ២ ស្ថិតនៅភូមិព្រែកតាឡុង២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

លោក ហែម ដារិទ្ឋិ អភិបាលខណ្ឌមានជ័យបានឱ្យដឹងថា ករណីខាងលើនេះ កំពុងសិក្សាជាមួយមន្ទីរសាធារណការ ដោយសារតែគេបិទមិនឱ្យមានដេប៉ូខ្សាច់ ឬការដឹកជញ្ជូនខ្សាច់តាមរថយន្តលើកំណាត់ផ្លូវជាតិលេខ២ ដូច្នេះក៏ប្រើទុយោចោះផ្លូវដោយបូមខ្សាច់ពីទន្លេទម្លាក់ទៅដីវាល ដោយឆ្លងកាត់ផ្លូវជាតិលេខ២ ចឹងមិនដឹងថា ទុយោចាស់ ឬខុសបច្ចេកទេសនោះទេ ប៉ុន្តែអាជ្ញាធរកំពុងញាប់ដៃញាប់ជើងធ្វើការងារហើយ។

គួរកត់សម្គាល់ថា ជារឿយៗសង្កេតឃើញថា សកម្មភាពបូបខ្សាច់ ហើយដឹកជញ្ជូនតាមផ្លូវជាតិលេខ២ នេះ មានភាពរាយប៉ាយជ្រុះខ្សាច់តាមដងផ្លូវ ដែលបណ្តាលឲ្យអ្នកដំណើររអិលដួល ប៉ុន្តែអាជ្ញាធរខណ្ឌបានត្រឹមតែណែនាំ។

ប្រជាពលរដ្ឋដែលមានផ្ទះនៅតំបត់ចង្រែក្រោម ខណ្ឌមានជ័យបានសំណូមពរឱ្យអាជ្ញាធរខណ្ឌមានចំណាត់ការឲ្យបានតឹងរឹង ចំពោះក្រុមហ៊ុនបូមខ្សាច់ដើម្បីបញ្ជៀសរាល់បញ្ហាកកស្ទះ និង រអិលដួល ដែលអាចបង្ករឲ្យមានគ្រោះថ្នាក់ផ្សេងៗ។

មន្ត្រីមន្ទីរសាធារណការ រាជធានីភ្នំពេញបានឱ្យដឹងថា នៅថ្ងៃទី ១២ មករានេះ ក្រុមការងារនៃមន្ទីរសាធារណការ រាជធានីភ្នំពេញនឹងធ្វើការជួសជុលឱ្យរួចរាល់ ខណៈការខូចខាតផ្លូវនេះមានទំហំបណ្តោយ ២០ ម៉ែត្រ និង ទទឹង ១៨ម៉ែត្រ៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

ព័ត៌មានជាតិ១៦ នាទី មុន

មេបញ្ជាការ​កងទ័ពជើងគោក កម្ពុជា​-​ហ្វីលីពីន ចុះហត្ថលេខា​រួមគ្នាស្តីពី​កិច្ចសហប្រតិបត្តិការ​រ​វាង​កងទ័ពជើងគោក នៃ​ប្រទេស​ទាំងពីរ

ជីវិតកម្សាន្ដ៤៥ នាទី មុន

Dior កើនភាគហ៊ុនខ្ពស់បំផុតមិនធ្លាប់មាន ក្រោយតែងតាំង Jimin ជាទូតសុឆន្ទៈបានពីរថ្ងៃ

កីឡា២ ម៉ោង មុន

ដើមឆ្នាំ​២០២៣ កីឡាករ​ជម្រើសជាតិ​កម្ពុជា ២​នាក់​ហើយ បានប្រកាស​ព្យួរ​ស្បែកជើង

ព័ត៌មានជាតិ៣ ម៉ោង មុន

ក្រមប្រតិបត្តិគ្រឹះស្ថានធនាគារ និងហិញ្ញវត្ថុ ត្រូវបានប្រកាសដាក់ឱ្យអនុវត្តពេញលេញ

Sokha Hotels

ព័ត៌មានពេញនិយម