ក្រសួងសុខាភិបាល បិទមជ្ឈមណ្ឌលកែសម្ផស្ស ដែលបណ្ដាលឱ្យមនុស្សស្លាប់

ក្រសួងសុខាភិបាលនៅ រសៀលថ្ងៃទី៤ ខែមីនានេះ បានចេញសេចក្ដីសម្រេច ស្ដីពី ការបិទមជ្ឈមណ្ឌលកែសម្ផស្ស អឹម២៥ ប៊ីយូធី ដែលបណ្ដាលឱ្យមនុស្សស្លាប់។

ក្រសួងសុខភិបាល បាន បិទ និងដកហូតលិខិតអនុញ្ញាតឱ្យបើកមជ្ឈមណ្ឌលកែសម្ផស្សឯកជន ឈ្មោះ អី២៥ ប៊ីយូធី ដែលមានទីតាំងនៅផ្ទះ លេខ៧៣B ផ្លូវលេខ៧០ សង្កាត់ស្រះចក ខណ្ឌដូនពេញ រាជធានីភ្នំពេញ របស់លោកវេជ្ជបណ្ឌិត ភោគ ចន្ធី ជាអ្នកទទួលខុសត្រូវ។ ដោយមូលហេតុ បុគ្គលិកគ្មានគុណវុឌ្ឍ និងគ្មានជំនាញវិជ្ជាជីវៈសុខាភិបាលដែលបណ្ដាលឱ្យមនុស្សស្លាប់។

ក្រសួងសុខាភិបាលនឹងបន្តនីតិវិធីច្បាប់ដែលមានជាធរមានចំពោះបុគ្គលដែលបានប្រព្រឹត្ត រួមជាមួយនឹងអ្នកទទួលខុសត្រូវ ក៏ដូចជាម្ចាស់មជ្ឈមណ្ឌលកែសម្ផស្ស អ៊ីម២៥ ប៊ីយូធី។

គួរបញ្ជាក់ថា មានស្ត្រីវ័យ ៤១ឆ្នាំម្នាក់ចូលវះកាត់ដើមទ្រូង បែរជាដាច់ខ្យល់ស្លាប់បាត់បងជីវិត នៅក្នុងបន្ទប់វះកាត់ រីឯក្រុម​ផ្នែកវះកាត់បាននាំគ្នាគេចខ្លួនបាត់អស់។ ក្រោយកេីត ហេតុសមត្ថកិច្ចមូលដ្ឋានខណ្ឌដូនពេញ សហការជាមួយផ្នែក​កោសល្យវិច្ឆ័យ​បានពិនិត្យ​សាកសពស្ត្រី​ខាងលេី បង្កឱ្យមានការភ្ញាក់ផ្អេីលនៅវេលាម៉ោង ៩ និង១០នាទី​យប់ ​ថ្ងៃទី៣​ ខែមីនា ឆ្នាំ២០២៣​ នៅចំណុចក្នុងមជ្ឈមណ្ឌលកែសម្ផស្ស អន្តរជាតិ​ M25 ៕

ព័ត៌មានពិស្ដារ៖