សន្តិសុខសង្គម
ពលរដ្ឋរាប់រយនាក់តំណាងឲ្យ៣១២គ្រួសារ សម្រេចរួមគ្នាជួលត្រាក់ទ័រ តភ្ជាប់ផ្លូវដែលក្រុមហ៊ុន ចម្ការចេកហ័ងអាញ់យ៉ាឡាយ កាយផ្ដាច់បិទប៉ារ៉ាស់
រតនគិរី ៖ ប្រជាពលរដ្ឋប្រហែលជាង៣០០នាក់តំណាងឲ្យ៣១២គ្រួសាររស់នៅក្នុងភូមិថ្មី ឃុំជ័យឧត្តម ស្រុកលំផាត់ ខេត្តរតនគិរី បានសម្រេចចិត្តរួមគ្នាជួលត្រាក់ទ័រចំនួន៣គ្រឿង ឈួសឆាយលុបផ្លូវដែលក្រុមហ៊ុនចម្ការចេកហ័ងអាញ់យ៉ាឡាយ បានកាយផ្តាច់មិនឲ្យពួកគាត់ជាប្រជាពលរដ្ឋឆ្លងកាត់នោះ តភ្ជាប់ឡើងវិញនៅព្រឹកថ្ងៃទី៣០ ខែមីនា ឆ្នាំ២០២៣។
បើតាមការបញ្ជាក់របស់ប្រជាពលរដ្ឋជាចាស់ទុំនៅកន្លែងកើតហេតុបានឲ្យអ្នកយកព័ត៌មានយើងដឹងថា កាលពីអំឡុងឆ្នាំ២០១៩ ក្រុមហ៊ុនចម្ការចេកហ័ងអាញ់យ៉ាឡាយ បានកាយផ្តាច់ផ្លូវមិនឲ្យប្រជាពលរដ្ឋរស់នៅក្នុងភូមិនោះឆ្លងកាត់ទៅមកឡើយ ដែលនេះជាបញ្ហាលំបាកដល់ពួកគាត់រស់នៅតំបន់នេះ។ ប៉ុន្តែបញ្ហានេះកាលនោះពួកគាត់ជាប្រជាពលរដ្ឋបានរួមគ្នាដាក់លិខិតបណ្តឹងចូលទៅមូលដ្ឋានភូមិ-ឃុំ-ស្រុកឲ្យជួយអន្តរាគមន៍សម្រួលដោះស្រាយ តែរឿងរ៉ាវនេះបានអូសបន្លាយរាប់ឆ្នាំនៅតែគ្មានពន្លឺក្នុងការដោះស្រាយសម្របសម្រួលជូនដល់ពួកគាត់ជាប្រជាពលរដ្ឋរស់នៅតំបន់នោះឡើយ ដោយពួកគាត់បានត្រឹមតែសញ្ជឹងរង់ចាំហើយគ្មានដំណោះស្រាយ។
ប្រជាពលរដ្ឋបានលើកឡើងបន្តទៀតថា ក្នុងរឿងរ៉ាវទុក្ខលំបាករបស់ពួកគាត់ជាប្រជាពលរដ្ឋមិនត្រឹមតែមិនដោះស្រាយនោះទេ តែនៅពេលថ្មីៗនេះ នាអំឡុងថ្ងៃទី១៤ ខែមីនា ឆ្នាំ២០២៣កន្លងទៅ ភាគីខាងក្រុមហ៊ុនចម្ការចេកហ័ងអាញ់យ៉ាឡាយ បានបិទប៉ារ៉ាស់កាយផ្តាច់ផ្លូវជាថ្មីមួយកន្លែងបន្ថែមទៀត។
ដោយក្រុមហ៊ុនខាងលើនេះ បានឲ្យប្រជាពលរដ្ឋរស់នៅក្នុងភូមិថ្មីចំនួន៣១២គ្រួសារនោះ ធ្វើដំណើរតាមខ្នងទំនប់លើកថ្មី ដែលក្រុមហ៊ុនបានកាយលើកឲ្យខ្ពស់ដើម្បីការពារទឹកជំនន់នៅរដូវទឹកឡើង។ ប៉ុន្តែបញ្ហានេះប្រជាពលរដ្ឋរស់នៅក្នុងភូមិខាងលើ មិនអាចទទួលយកផ្លូវនោះបានឡើយ ដោយពួកគាត់សំអាងថា ការធ្វើចរាចរណ៍តាមផ្លូវលើខ្នងទំនប់នោះ គឺមានហានិភ័យគ្រោះថ្នាក់ខ្ពស់។
ម្យ៉ាងផ្លូវដែលក្រុមហ៊ុនចម្ការចេកហ័ងអាញ់យ៉ាឡាយ កាយផ្តាច់បិទប៉ារ៉ាស់មិនឲ្យពួកគាត់ជាប្រជាពលរដ្ឋឆ្លងកាត់នោះ គឺជាផ្លូវចាស់តដំណរតាំងពីដូនតារបស់ពួកគាត់មកយូរហើយ។ មិនមែនទើបតែបានកើតពេលដែលមានក្រុមហ៊ុននេះនោះទេ ព្រោះក្រុមហ៊ុននេះទើបនិងកើតក្នុងអំឡុងឆ្នាំ២០១២ប៉ុណ្ណោះ។
ជាការសំណូមពរប្រជាពលរដ្ឋរស់នៅក្នុងភូមិខាងលើបានលើកដៃសំពះអង្វរដល់ថ្នាក់ដឹកនាំខេត្តរតនគិរី ជាពិសេសប្រមុខរាជរដ្ឋាភិបាល សម្តេច តេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សូមសម្តេចទាំងទ្វេមេត្តាជួយអន្តរាគមន៍ និងផ្តល់លទ្ធភាពឲ្យប្រជាពលរដ្ឋពួកគាត់ដែលរស់នៅក្នុងភូមិនេះទាំងអស់ទទួលបានភាពយុត្តិធម៌ និងធ្វើដំណើរលើផ្លូវចាស់ពីដូនតារបស់ពួកគាត់នេះប្រកបដោយក្តីសុខឡើងវិញផង។
ដោយឡែកបញ្ហានេះ លោក ញ៉ែម សំអឿន អភិបាល នៃគណៈអភិបាលខេត្តរតនគិរី បានមានប្រសាសន៍ថា រឿងក្រុមហ៊ុននេះបានកើតឡើងមិនក្រោម៣លើកនោះទេ ហើយកន្លងទៅអាជ្ញាធរខេត្តរតនគិរី បានយកចិត្តទុកដាក់បង្កើតគណៈកម្មាការជួបប្រជុំដោះស្រាយប្រកបដោយការទទួលខុសត្រូវ ម្យ៉ាងក៏មានការព្រមព្រៀងគ្នាផងដែរ ដោយឲ្យភាគីក្រុមហ៊ុនត្រូវអនុវត្តពីមុនយ៉ាងម៉េចបន្តរក្សាដូចដើមធម្មតា។ ប៉ុន្តែបញ្ហានេះមូលហេតុអ្វីបានជាភាគីក្រុមហ៊ុននៅតែបង្កការស្មុគស្មាញដល់អាជ្ញាធរ ធ្វើឲ្យប្រជាពលរដ្ឋរងការលំបាក។
លោក អភិបាលខេត្តរតនគិរី បានបញ្ជាក់បន្ថែមទៀតថា ដូច្នេះនៅថ្ងៃស្អែករដ្ឋបាលខេត្តនិងចេញ ស.ជ.ណ អនុវត្តលើវិធានការនេះ៕
ដោយ ៖ វុទ្ធឦសាន
រដ្ឋបាលខេត្តតាកែវ ចាប់ផ្តើមផ្តល់ពាក្យ និងទទួលពាក្យស្នើសុំប្រឡងចូលក្របខ័ណ្ឌមន្រ្តីពន្ធនាគារ
ថៃ កំពុងភ័យថា បើតុលាការអន្តរជាតិមិនទទួលយកសំណុំរឿងទាហានខ្លួនជាន់មីនទេនោះ កម្ពុជាអាចវាយបកវិញ
កីឡាការិនី យ៉ុន យ៉ើន បង្កើតប្រវត្តិផ្ទាល់ខ្លួនទៅលេងប្រទេសទី៣ក្នុងអាជីព
ជាស្រ្តីមេមាយ ចាប់អាជីពរត់ទូកដរដើម្បីរកថវិកាផ្គត់ផ្គង់ម្តាយចាស់ជរា និងកូនឱ្យបានរៀនខ្ពស់
ជម្លោះព្រំដែន៖ រដ្ឋមន្ត្រីព័ត៌មានកម្ពុជា ឱ្យសារព័ត៌មានថៃគោរពក្រមសីលធម៌ កុំបំប៉ោងព័ត៌មាន កុំធ្វើយុទ្ធសាស្ត្រទុច្ចរិត
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
ថៃ ក្រពុលមុខ រឿងចៅអធិការវត្តនិងស្រីស្នេហ៍ ទើបពន្លឿនការស៊ើបអង្កេត កុំឲ្យកាន់តែអាម៉ាស់
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៨ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ