សន្តិសុខសង្គម
តុលាការខេត្តកំពង់ឆ្នាំងសម្រេចឃុំខ្លួនប្រធានក្រុមហ៊ុន រាជ្យសុផាន់ភួង និងបក្ខពួក៣នាក់ ពីបទឆបោក
ប្រធានក្រុមហ៊ុន រាជ្យសុផាន់ភួង ខូអិលធីឌី ម្នាក់ និងបក្ខពួក៣នាក់ទៀត នៅព្រឹកថ្ងៃទី៣១ ខែមីនា ឆ្នាំ២០២៣នេះ ត្រូវបានតុលាការខេត្តកំពង់ឆ្នាំង សម្រេចឃុំខ្លួនហើយ បន្ទាប់ពីសមត្ថកិច្ចចាប់ខ្លួនកាលពីថ្ងៃទី២៧ ខែមីនា ឆ្នាំ២០២៣ នៅទីស្នាក់ការក្រុមហ៊ុន ស្ថិតក្នុងភូមិទី៣ សង្កាត់ខ្សាម ក្រុងកំពង់ឆ្នាំង។
នៅរសៀលថ្ងៃទី៣១ ខែមីនាឆ្នាំ២០២៣ មន្ត្រីនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តកំពង់ឆ្នាំងបានឲ្យដឹងថា លោកស្រីប្រធានក្រុមហ៊ុន រាជ្យសុផាន់ភួង រួមនឹងបក្ខពួក៣នាក់ទៀតត្រូវបានតុលាការសម្រេចឃុំខ្លួនហើយនៅវេលាម៉ោង១២ព្រឹក ថ្ងៃទី៣១ ខែមីនានេះ។
នៅក្នុងសំណុំរឿងឆបោកនេះ គឺក្រុមហ៊ុន រាជ្យសុផាន់ភួង បានឆរបោកយកលុយពីពលករ២៣នាក់ជាដើមបណ្ដឹងអស់ ១៤៧.៥០០ដុល្លារដើម្បីបញ្ជូនពលករទៅធ្វើការនៅប្រទេសអូស្ត្រាលី។ ប៉ុន្តែចាំបាត់ៗ១ខែជា២ ខែមិនឃើញបញ្ជូនពួកគាត់ទៅប្រទេសអូស្ត្រាលីតាមការសន្យា ទើបបងប្អូនពលករដាក់ពាក្យប្ដឹងទៅស្នងការនគរបាលខេត្តចំណាត់ការតាមផ្លូវច្បាប់។
ប្រជាពលរដ្ឋជាពលករ និងជាជនរងគ្រោះចាញ់បោកក្រុមហ៊ុនខាងលើនេះសុំសំណូមពរដល់ស្ថាប័នតុលាការខេត្តកំពង់ឆ្នាំង មេត្តាជួយចំណាត់ការតាមផ្លូវច្បាប់ យកលុយពីក្រុមហ៊ុននេះ ឬលក់ឡៃឡុងរថយន្តម៉ាកហ្វត ពណ៌ខ្មៅទំនើប របស់ប្រធានក្រុមហ៊ុននេះមកសងពលកររងគ្រោះផង។ យ៉ាងហោចណាស់ក៏សងបានពលករ ២៣នាក់បានពាក់កណ្ដាលផងដែរ ព្រោះរថយន្តនេះមានតម្លៃប្រមាណ៨ម៉ឺនដុល្លារ។
ដោយឡែក ឮថាមានបងប្អូនពលករមួយក្រុមទៀតក៏កំពុងដាក់ពាក្យបណ្ដឹងប្ដឹងប្រធានក្រុមហ៊ុនមួយនេះពីបទឆបោកដូចគ្នាផងដែរទៅកាន់តុលាការ។ ប៉ុន្តែមិនទាន់ដឹងមានចំនួនប៉ុន្មាននាក់ និងឆរបោកយកប្រាក់អស់ប៉ុន្មានដុល្លារនោះឡើយ៕
អត្ថបទ៖ ឈៀង ថារិទ្ធ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន