សន្តិសុខសង្គម
ប្រជាពលរដ្ឋខ្ទង់ពាន់នាក់ មកប្ដឹងនៅស្នងការខេត្តកំពត ក្រោយឃាត់ខ្លួនក្រុមឧកញ៉ា ជា សារ៉ន
ប្រជាពលរដ្ឋរាប់ពាន់នាក់បានយកឯកសារយកមកដាក់ប្ដឹងនៅស្នងការដ្ឋាននគរបាលខេត្តកំពត តាំងពីព្រឹកថ្ងៃទី២៣ រហូតមកដល់ថ្ងៃទី២៦ ខែមេសា ឆ្នាំ២០២៣។ ប្រជាពលរដ្ឋទាំងនោះអះអាងថា ខ្លួនបានយកឯកសារពាក់ព័ន្ធទិញដីឡូត៍ពីក្រុមហ៊ុន ឧកញ៉ា ជា សារ៉ន, ពលរដ្ឋខ្លះបានដាក់លុយរាប់ម៉ឺនដុល្លារឱ្យទៅក្រុមហ៊ុន ជា សារ៉ន ដើម្បីទទួលបានការប្រាក់ និងប្រជាពលរដ្ឋខ្លះទៀតអត់លុយបានយកប្លង់ដីខ្ចីធនាគារឯកជនមកដាក់ឱ្យក្រុមហ៊ុន ដើម្បីទទួលបានការប្រាក់ តែត្រូវក្រុមហ៊ុនបោកប្រាស់។
លោក ឈន សកល ភេទប្រុស អាយុ៤០ឆ្នាំ ពលរដ្ឋរស់នៅភូមិរលួស ឃុំក្រាំងស្នាយ ស្រុកឈូក បានឱ្យដឹងថា បន្ទាប់ពីទទួលដំណឹងថា លោកឧកញ៉ា ជា សារ៉ន និង ក្រុមគូកនត្រូវបាននគរបាលចាប់ឃាត់ខ្លួន មានគេប្រាប់ថា បើមានឯកសារច្បាស់លាស់ជាមួយក្រុមហ៊ុន ជា សារ៉ន ត្រូវរូតរះមកដាក់នៅស្នងការ។
ពលរដ្ឋរូបនោះបាននិយាយថា ខ្លួនបានយកប្លង់ដីទៅដាក់នៅធនាគារបានប្រាក់ចំនួន ២ម៉ឺន ២ពាន់ដុល្លារ ក្នុងកិច្ចសន្យាថា យកមកទិញរថយន្ត។ ប៉ុន្តែលុយបានមកនោះ មិនបានយកទៅផ្ទះទេ បានត្រឹមតែរាប់ហើយមានរថយន្តក្រុមហ៊ុន ជា សារ៉ន ចាំដឹកដើម្បីយកប្រាក់ទៅទិញដីឡូត៍បានចំណេញភាគហ៊ុន។
លោក ឈន សកល បានឱ្យដឹងថា លោកបានទទួលលុយជាប្រាក់ការពីក្រុមហ៊ុន ជា សារ៉ន ក្នុងមួយខែ ៤០០ជាងដុល្លារ តែយកការប្រាក់បានពីក្រុមហ៊ុនបានត្រឹមតែ ៦ខែតែប៉ុណ្ណោះ។ ក្រោយមក ខាងក្រុមហ៊ុន ជា សារ៉ន លែងឱ្យការប្រាក់ ហើយខាងអនាគារចេញមុខមកទារបំណុលពីគាត់រយៈពេល ៦ខែ។ លោក ឈន សកល បានបន្តនិយាយថា លោកបានចាញ់កលល្បិចផ្ដិតមេដៃ និងធ្វើកិច្ចសន្យាជាមួយធនាគាររួចអស់ទៅហើយ ទើបម្នាក់ៗអស់ប្លង់ដីដោយសារចាញ់បោកខាងក្រុមហ៊ុន។
មន្ត្រីនៅការិយាល័យស្នងការនគបាលខេត្តកំពតព្រហ្មទណ្ឌកំរិតស្រាល បានឱ្យដឹងថា ប្រជាពលរដ្ឋដែលបាននាំគ្នាយកឯកសារមកដាក់ប្ដឹងនៅស្នងការនេះ សុទ្ធតែពាក់ព័ន្ធជាមួយក្រុមហ៊ុនឧកញ៉ា ជា សារ៉ន ដោយចំនួនឯកសារមិនទាន់បានដឹងនៅឡើយ ខណៈប្រជាពលរដ្ឋនៅតែបន្តកាន់ឯកសារពាក់ព័ន្ធមកដាក់ប្ដឹង។
គួររំលឹកថា កាលពីថ្ងៃទី២២ ខែមេសា ២០២៣ កម្លាំងនគរបាលខេត្តកំពត បានឃាត់ខ្លួន ឧកញ៉ា ជា សារ៉ន ជាប្រធានក្រុមហ៊ុនអភិវឌ្ឍន៍ដីឡូត៍គ្រុប និងបក្សពួក ៨នាក់ផ្សេងទៀតមកកាន់ស្នងការដ្ឋាននគរបាលខេត្តកំពត បន្ទាប់ពី លោក ម៉ៅ ធនិន អភិបាលខេត្តកំពត បានសម្របសម្រួល និងដោះស្រាយករណីក្រុមហ៊ុនអភិវឌ្ឍន៍ដីឡូត៍ ជា សារ៉ន ឆបោកប្រជាពលរដ្ឋរាប់ពាន់គ្រួសារ។
ស្នងការនគរបាលខេត្តកំពត ឧត្តមសេនីយ៍ទោ ម៉ៅ ច័ន្ទមធុរិទ្ធ បានឱ្យដឹងថា មានប្រជាពលរដ្ឋខេត្តកំពត និងបណ្តាខេត្តផ្សេងទៀតប្រមាណជាង ២ ពាន់គ្រួសារ ត្រូវបានខាតបង់ប្រាក់ និងចាញ់បោកក្រុមហ៊ុន ជា សារ៉ន ក្នុងទំហំទឹកប្រាក់ប្រមាណជិត ៤០ លានដុល្លារ៕
អត្ថបទ៖ សឹង រ៉ាត់
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?