អាជ្ញាធរ​ដឹកនាំកម្លាំងចម្រុះបង្ក្រាបបទល្មើសនេសាទ​នៅតំបន់អាងត្រពាំងថ្ម

បន្ទាប់ពីមានចំណាត់ការយ៉ាងតឹងរឹងលើការបង្រ្កាបបទល្មើសនេសាទនៅតំបន់អាងទឹកត្រពាំងថ្មនៅស្រុកភ្នំស្រុកពីសំណាក់លោកអ៊ុ រាត្រី អភិបាលខេត្តបន្ទាមានជ័យ ស្រាបតែនៅថ្ងៃទី ៣១ ខែឧសភា ឆ្នាំ ២០២៣ អភិបាលស្រុកភ្នំស្រុក បានដឹកនាំក្រុមការងារចម្រុះមានទាំងកម្លាំងប្រដាប់អាវុធទាំង៣ ចុះអប់រំផ្សព្វផ្សាយពីច្បាប់ និងការហាមនេសាទខុសច្បាប់ឃើញថា នៅតែមានបទល្មើសនេសាទ និងការយល់ដឹងពីសំណាក់ក្រុមនេសាទក្រោយទទួលបានការជូនដំណឹងរបស់អាជ្ញាធរ។

កម្លាំងចម្រុះដែលលោក ជូ បុត្រ អភិបាលស្រុកភ្នំស្រុកដឹកនាំរួមមានមន្រ្តីកាលរិយាល័យ រដ្ឋបាលការពារ នឹងអភិរក្ស នៃមន្ទីរបរិស្ថានខេត្តបន្ទាយមានជ័យ មន្រ្តីជលផល ឧទ្យានុរក្ស សហគមន៍ តំបន់ការពារធម្មជាតិនិងទេសចរណ៍អាងត្រពាំងថ្ម។

ក្នុងការចុះនេះផងដែលកម្លាំងចម្រុះធ្វើការ អប់រំផ្សព្វផ្សាយ នឹងសារអ៊ុយ(ស្បៃម៉ុង)ជាច្រើននិង លបប្រឹស១០០ចំនួន០៧ នៅក្នុងតំបន់ការពារទេសភាពអាងត្រពាំងថ្ម។ តាមការពិនិត្យអង្កេតស្ថានភាពជាក់ស្តែងឃើងថាប្រជាពលរដ្ឋបានសាអ៊ុយ លបប្រឹស១០០ ព្រួលទ្រូដែលជាប្រភេទកែឆ្នៃ ដែលបានដាក់កន្លងមកទៅតាមការជូនដំណឹងរបស់អាជ្ញាធរ។

សូមបញ្ជក់ថាដោយសារបទល្មើសនេសាទបានកើតមានខ្លាំងនៅតំបន់អាងទឹកត្រពាំងថ្មមានទាំងឆក់យ៉ាងសកម្មនៅពេលយប់រហូតជនប្រព្រឹតល្មើសនេសាទខុសច្បាប់ផ្ទុះហឹង្សាលើមន្ត្រីឧទ្យានុរក្សនិងសមាជិកសហគមន៍នៃតំបន់ការពារធម្មជាតិអាងត្រពាំងអោយមានរបួសហើយមូលដ្ឋានមិនរាយការព៍មកថ្នាក់ខេត្ត ទើបអាជ្ញាធរខេត្តប្រជុំចាត់វិធានការបន្ទាន់កាលពីថ្ងៃទី២២អោយមានក្រុមប្រចាំការទប់ស្កាត់បទល្មើស២៤ម៉ោងលើ២៤ម៉ោង៕

អត្ថបទ៖ អពៅ