សន្តិសុខសង្គម

អគ្គស្នងការរងនគរបាលជាតិ ស្នើឲ្យវិស័យធនាគារបង្កើនការសហការជាមួយសមត្ថកិច្ចជំនាញដើម្បីទប់ស្កាត់បទល្មើសតាមប្រព័ន្ធធនាគារ

បានផុស

៨ ខែ មុន

នៅ

ថ្ងៃពុធ ១២ កក្កដា ២០២៣

ដោយ

មន្ត្រីជាន់ខ្ពស់នៃអគ្គស្នងការដ្ឋាននគរបាលជាតិ បានស្នើឲ្យវិស័យធនាគារឯកជនទាំងអស់បង្កើនល្បឿនក្នុងការសហការជាមួយសមត្ថកិច្ចជំនាញ ដើម្បីបង្ការ និងទប់ស្កាត់កំណើនបទល្មើសតាមប្រព័ន្ធធនាគារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងកិច្ចប្រជុំពិភាក្សាបង្ការ និងទប់ស្កាត់កំណើនបទល្មើសតាមប្រព័ន្ធធនាគារកាលពីព្រឹកថ្ងៃទី១២ ខែកក្កដានេះ ឯកឧត្តមឧត្តមសេនីយ៍ឯក ជា ពៅ អគ្គស្នងការរងនៃអគ្គស្នងការដ្ឋាននគរបាលជាតិ បានស្នើសុំឲ្យវិស័យធនាគារឯកជនទាំងអស់បង្កើនល្បឿនក្នុងការសហការជាមួយសមត្ថកិច្ច ពង្រឹងផ្នែកបច្ចេកទេសធនាគារ ពង្រឹងបន្ថែមផ្នែកទំនាក់ទំនង Hotline ជាមួយប្រជាពលរដ្ឋ។

ជាមួយគ្នានេះ ឯកឧត្តម ឧត្តមសេនីយ៍ឯកអគ្គស្នងការរង ក៏សូមឲ្យវិស័យធនាគារឯកជនបង្កើតនូវវេទិកាអប់រំឲ្យប្រជាពលរដ្ឋបានយល់ដឹងអំពីបបទល្មើសតាមប្រព័ន្ធធនាគារ និងបានណែនាំឲ្យសមត្ថកិច្ចជំនាញពាក់ព័ន្ធពង្រីកវិសាលភាពទំនាក់ទំនងជាមួយធនាគារជាតិនៃកម្ពុជា ក្នុងករណីចាំបាច់ ក៏ដូចជាទប់ស្កាត់បទល្មើសឲ្យបានទាន់ពេលវេលា៕

អត្ថបទ៖ សុខុម