នគរបាលខេត្តរតនគិរី បង្ក្រាបល្បែងជល់​មាន់​អនឡាញឃាត់ខ្លួនមនុស្សប្រុសស្រី៤នាក់

កម្លាំងជំនាញព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តរតនគិរី សហការជាមួយកម្លាំងអធិការនគរបាលស្រុកអូរយ៉ាដាវ បានចុះបង្ក្រាបទីតាំងល្បែងស៉ីសងខុសច្បាប់មាន់ជល់ទូរទស្សន៍អនឡាញ និងបៀរ​ឃាត់ខ្លួនមនុស្សប្រុស ស្រី៤នាក់ និងវត្ថុតាងមួយចំនួន។

ប្រតិបត្តិការនេះបានធ្វើឡើងកាលវេលាម៉ោង១៤និង១៥នាទី ថ្ងៃទី១៤ ខែសីហា ឆ្នាំ២០២៣ នៅចំណុចផ្ទះឈ្មោះ កាយ ដាលីន ស្ថិតក្នុងភូមិអ៊ុន ឃុំលំជ័រ ស្រុកអូរយ៉ាដាវ ខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងប្រតិបត្តិការនោះសមត្ថកិច្ចបានឃាត់ខ្លួនមនុស្សប្រុស ស្រីចំនួន៤នាក់ ១-ឈ្មោះ កាយ ដាលីន ភេទស្រី អាយុ៤២ឆ្នាំ (ម្ចាស់ទីតាំង)មុខរបរ លក់ដូរ រស់នៅភូមិអ៊ុន ឃុំលំជ័រ ស្រុកអូរយ៉ាដាវ ខេត្តរតនគិរី។ ២-ឈ្មោះ យិន សុភាព ភេទប្រុស អាយុ២៤ឆ្នាំ មុខរបរ កសិករ រស់នៅភូមិអ៊ុន ឃុំលំជ័រ ស្រុកអូរយ៉ាដាវ ខេត្តរតនគិរី។ ៣-ឈ្មោះ ព្រីង ដូលី ភេទប្រុស អាយុ៣៩ឆ្នាំ មុខរបរកសិករ រស់នៅភូមិអ៊ុន ឃុំលំជ័រ ស្រុកអូរយ៉ាដាវ ខេត្តរតនគិរី។និង៤-ឈ្មោះ ស្រូយ ឃន ភេទប្រុស អាយុ៥៤ឆ្នាំ មុខរបរកសិករ រស់នៅភូមិអ៊ុន ឃុំលំជ័រ ស្រុកអូរយ៉ាដាវ ខេត្តរតនគិរី។ និងបានដកហូតវត្ថុតាងមួយចំនួន។

បច្ចុប្បន្នជនសង្ស័យទាំង៤នាក់ខាងលើ ត្រូវបានឃាត់ខ្លួនបណ្ដោះអាសន្ន នៅការិយាល័យជំនាញព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្ត ដើម្បីបំពេញសំណុំរឿងចាត់ការតាមនីតិវិធី៕

អត្ថបទ៖ វុទ្ធឦសាន