សន្តិសុខសង្គម
កម្លាំងជំនាញគ្រោងបញ្ជូនមន្ត្រីនគរបាល និងបក្ខពួកពាក់ព័ន្ធគ្រឿងញៀនជិត៨គីឡូទៅតុលាការ
លោកវរសេនីយ៍ឯក សំ វិច្ឆិកា អ្នកនាំពាក្យនៃស្នងការដ្ឋាននគរបាលរាជធានីភ្នំពេញ បានឲ្យដឹងនៅរសៀលថ្ងៃទី២៩មករា នេះថា ករណីឃាត់ខ្លួនមន្ត្រីនគរបាលមួយរូប និងបក្ខពួកម្នាក់នៅក្នុងយុទ្ធនាការរឹតបន្តឹងច្បាប់ចរាចរណ៍ផ្លូវគោក នៅខណ្ឌច្បារអំពៅ កម្លាំងជំនាញបានរកឃើញគ្រឿងញៀនជិត៨គីឡូក្រាម និងកំពុងបន្តនិតិវិធី គ្រោងបញ្ជូនសំណុំរឿងទៅតុលាការ។
បើតាមលោកវរសេនីយ៍ឯក សំ វិច្ឆិកា ការឃាត់ខ្លួននេះកម្លាំងជំនាញបានរកឃើញថ្នាំញៀនសរុបជិត៨គីឡូក្រាម ជាប្រភេទ កេតកាមីន និងអ៊ីចស្ដ្រាស៊ី។ លោកបន្ថែមថា ជនសង្ស័យដែលឃាត់ខ្លួន មានម្នាក់ជាមន្ត្រីនគរបាល នៃស្នងការដ្ឋាននគរបាលខេត្តស្ទឹងត្រែង ខណៈដែលជនសង្ស័យបើករថយន្ដឆ្លងកាត់គោលដៅត្រួតពិនិត្យ និងអនុវត្តច្បាប់ចរាចរណ៍ នៅផ្លូវជាតិលេខ១ ក្នុងភូមិសាស្ដ្រខណ្ឌច្បារអំពៅ។
អ្នកនាំពាក្យស្នងការដ្ឋាននគរបាលរាជធានីភ្នំពេញបន្ថែមថា មកដល់រសៀលថ្ងៃទី២៩មករានេះ កម្លាំងជំនាញបាននឹងកំពុងសាកសួរតាមនិតិវិធី និងគ្រោងបញ្ជូនជនសង្ស័យរួមទាំងវត្ថុតាងទៅតុលាការដើម្បីអនុវត្តនិតិវិធីច្បាប់។
សូមបញ្ជាក់ថា ការឃាត់ខ្លូនមន្ត្រីនគរបាលរួមទាំងបក្ខពួកពាក់ព័ន្ធនឹងគ្រឿញញៀនជិត៨គីឡូនេះ បានធ្វើឡើងកាលពីវេលាម៉ោង២៣និង០០នាទី យប់ថ្ងៃទី២៧ ខែមករា ឆ្នាំ២០២៤ នៅចំណុចមុខមន្ទីរពេទ្យជោរៃ ផ្លូវជាតិលេខ១ ភូមិបឹងឈូក សង្កាត់និរោធ ខណ្ឌច្បារអំពៅ ខណៈដែលកម្លាំងការិយាល័យនៃស្នងការដ្ឋាននគរបាលរាជធានីភ្នំពេញ សហការជាមួយកម្លាំងគណៈបញ្ជាការឯកភាពខណ្ឌច្បារអំពៅ ចុះត្រួតពិនិត្យអាវុធជាតិផ្ទុះ និងជាតិស្រវឹង។
បើតាមរបាយការណ៍របស់ស្នងការដ្ឋាននគរបាលរាជធានីភ្នំពេញ ក្នុងប្រតិបត្តិការនេះ កម្លាំងបានឃាត់ខ្លួនជនសង្ស័យចំនួន២នាក់មានឈ្មោះ ប្រាក់ ភិរម្យ ហៅ ថង ស៉ីថា ភេទប្រុស ជនជាតិខ្មែរ មុខរបរ នគរបាល ស្នាក់ភូមិសាមឃួយ ឃុំសានឃួយ ស្រុកសេសាន ខេត្តស្ទឹងត្រែង។ និងឈ្មោះ ផា វុធថា ភេទប្រុស ជនជាតិខ្មែរ មុខរបរកសិករ ស្នាក់នៅភូមិអូរតាឡាស់ ឃុំព្រះរំកិល ស្រុកបុរីអូរស្វាយ ខេត្តស្ទឹងត្រែង។ ក្រៅពីគ្រឿងញៀន កម្លាំងសមត្ថកិច្ចក៏បានរកឃើញស្រោមអាវុធខ្លី០១ មានគ្រាប់ចំនួន ០៦គ្រាប់ និងរថយន្ត០១គ្រឿង ម៉ាកឡិចស៉ីស៣៣០ ពណ៌ទឹកប៊ិច ផ្លាកលេខ ភ្នំពេញ 2BH 9687៕
អត្ថបទ៖ សុខុម
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)