សន្តិសុខសង្គម
បង្ក្រាបទីតាំងទទួលផលចោរកម្មពីរទីតាំង ឃាត់ខ្លួនជនសង្ស័យ៧នាក់ និងដកហូតម៉ូតូគ្មានឯកសារជាង៥០០គ្រឿង
កម្លាំងនាយកដ្ឋានព្រហ្មទណ្ឌកម្រិតស្រាលក្រសួងមហាផ្ទៃ ចុះបង្ក្រាបទីតាំងទទួលផលចោរកម្មចំនួន២ទីតាំង នៅកុងស៊ីបញ្ចាំឃ្លាំងរំសេវ ដោយឃាត់ខ្លួនជនសង្ស័យចំនួន៧នាក់ និងដកហូតម៉ូតូគ្មានឯកសារប្រមាណជាង៥០០គ្រឿង។
ប្រតិបត្តិការចុះឆែកឆេរ និងបង្ក្រាបនេះ បានធ្វើឡើងនាព្រឹកថ្ងៃទី០៧ ខែឧសភា ឆ្នាំ២០២៤ នៅទីតាំងឃ្លាំងបញ្ចាំចំនួន២ទីតាំង ទីតាំងទី១ ឃ្លាំងលេខ៥ ភូមិ២ ផ្លូវ១៩២ និងទីតាំងទី២ ឃ្លាំងX ផ្ទះលេខ៤៨ ផ្លូវ២០២ ភូមិ៦ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។
មន្ត្រីប៉ូលីសបានអោយដឹងថា កម្លាំងព្រហ្មទណ្ឌកម្រិតស្រាលនៃក្រសួងមហាផ្ទៃ បានសហការជាមួយកម្លាំងនគរបាលនៃអធិការដ្ឋានខណ្ឌទួលគោកនៅព្រឹកថ្ងៃទី០៧ ខែឧសភា ឆ្នាំ២០២៤នេះ បានចុះឡោមព័ទ្ធបង្ក្រាប់ទីតាំងទទួលបញ្ចាំចំនួនពីទីតាំងដោយឃាត់ខ្លួនមនុស្សចំនួន០៧នាក់ និងដកហូតម៉ូតូដែលពុំមានឯកសារត្រឹមត្រូវជាង ៥០០គ្រឿង និងស្លាកលេខម៉ូតូជាង៦០បន្ទះ យកទៅរក្សាទុកនៅក្នុងបរិវេណអគ្គស្នងការដ្ឋាននគរបាលជាតិ ដើម្បីចាត់បន្ត តាមនីតិវិធី។
តាមប្រភពព័ត៌មានពីមន្ត្រីជំនាញបានឲ្យដឹងថា កាលពីប៉ុន្មានថ្ងៃមុន កម្លាំងនគរបាលព្រហ្មទណ្ឌកម្រិតស្រាលនៃក្រសួងមហាផ្ទៃសហការជាមួយកម្លាំងនគរបាលព្រហ្មទណ្ឌនៃអធិការដ្ឋាននគរបាលខណ្ឌដង្កោ បានឃាត់ខ្លួនជនសង្ស័យពាក់ព័ន្ធករណីកាប់ប្លន់ រួចក៏បានធ្វើការសាកសួរ ជនសង្ស័យបានសារភាពថា ម៉ូតូដែលខ្លួនកាប់ប្លន់បានយកទៅបញ្ចាំនៅទីតាំងទទួលបញ្ចាំ នៅម្ដុំឃ្លាំងរំសេវ។ ក្រោយមកកម្លាំងនគរបាលជំនាញបានធ្វើការស្រាវជ្រាវរហូតដល់កំណត់បានទីតាំងដែលជនសង្ស័យបានយកម៉ូតូដែលកាប់ប្លន់បាននោះយកមកបញ្ចាំចំនួន២ទីតាំងនេះ។
សូមបញ្ជាក់ផងដែរថា នៅក្នុងប្រតិបត្តិការនេះទីតាំងទីមួយ កម្លាំងសមត្ថកិច្ចបានដកហូតម៉ូតូចំនួន៩២គ្រឿង ក្នុងនោះ មានឯកសារត្រឹមត្រូវចំនួន៨គ្រឿង និងគ្មានឯកសារចំនួន៨៤គ្រឿង។ ចំណែកទីតាំងទី០២ ស្ថិតនៅតាមបណ្ដោយផ្លូវលេខ២០២ ក្បែរសាលារៀនទឹកល្អក់ កម្លាំងសមត្ថកិច្ចបានរកឃើញម៉ូតូជាង៤០០គ្រឿង ត្រូវបានធ្វើការឃ្លុំបេ ទីតាំងទទួលបញ្ចាំនោះសិន ដោយរង់ចាំអនុវត្តតាមនីតិវិធីបន្ត៕
អត្ថបទ៖ ស្រីរ័ត្ន
-
ជីវិតកម្សាន្ដ១ ថ្ងៃ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ព័ត៌មានជាតិ៣ ថ្ងៃ ago
ប្រធានសមាគមសិល្បករខ្មែរ អ្នកឧកញ៉ា ម៉ៅ ចំណាន អញ្ជើញសួរសុខទុក្ខភរិយាអធិរាជសំឡេងមាស
-
ព័ត៌មានជាតិ៥ ថ្ងៃ ago
សម្ដេចតេជោ បញ្ជាឱ្យសមត្ថកិច្ចកម្ពុជា ចាប់ដៃវៀតណាមវែកមុខអ្នកចូលជេរសម្ដេច ព្រោះរឿងព្រែកជីកហ្វូណន
-
ព័ត៌មានជាតិ៣ ថ្ងៃ ago
ស្ពានឆ្លងទន្លេពីដីឥដ្ឋ ភ្ជាប់ទៅផ្លូវល្បឿនលឿនភ្នំពេញបាវិត បន្តវឌ្ឍនភាពតាមការគ្រោងទុក
-
ជីវិតកម្សាន្ដ១ សប្តាហ៍ ago
គេហទំព័រម៉ូដមួយ រិះគន់ Chompoo ដែលស្លៀកពាក់មិនសមទំនង លើកម្រាលព្រំក្រហម Cannes
-
សេដ្ឋកិច្ច៥ ថ្ងៃ ago
គម្រោងអភិវឌ្ឍន៍លំនៅឋានបែបជប៉ុនដំបូងគេនៅកម្ពុជា ចាប់ផ្ដើមហើយក្នុងតំបន់ទីក្រុងរណប អ៉ឹង ស៊ីធី (ING CITY)
-
ព័ត៌មានជាតិ១ សប្តាហ៍ ago
ប្រឡងសិស្សពូកែ ឆ្នាំនេះ បេក្ខជនមកពីខេត្តជាប់ច្រើនលើសលប់ជាងបេក្ខជននៅភ្នំពេញ
-
ព័ត៌មានជាតិ១ សប្តាហ៍ ago
មេ Booyoung Khmer II Co.,Ltd.៖ ការវិនិយោគរបស់ក្រុមហ៊ុននៅកម្ពុជា គឺមិនមែនដើម្បីប្រាក់តែចំណេញឡើយ