Connect with us

សន្តិសុខសង្គម

អាវុធហត្ថខេត្តរតនគិរី ឃាត់ខ្លួនជនដៃដល់ពីរនាក់ក្នុងសំណុំរឿងកាប់សម្លាប់ជនរងគ្រោះក្រោយរត់គេចបាន៧ថ្ងៃ

បានផុស

នៅ

ជនសង្ស័យពីរនាក់បន្ទាប់ពីធ្វើសកម្មភាពកាប់លើជនរងគ្រោះបណ្ដាលឲ្យម្នាក់ស្លាប់នៅកន្លែង និងម្នាក់ទៀតរងរបួសធ្ងន់ ហើយរត់គេចខ្លួនបាន៧ថ្ងៃ ត្រូវកម្លាំងកងរាជអាវុធហត្ថខេត្តរតនគិរីឃាត់ខ្លួនបាន និងបញ្ជូនសំណុំរឿងបញ្ជូនដើម្បីអនុវត្តច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយអនុវត្តបទបញ្ជាដ៏ម៉ឺងម៉ាត់របស់លោកឧត្តមសេនីយ៍ត្រី សោ សាវឿន មេបញ្ជាការកងរាជអាវុធហត្ថខេត្តរតនគីរី ដោយមានការសម្របសម្រួលនីតិវិធី ពីលោក មុត សម្បត្តិ ព្រះរាជអាជ្ញារងអយ្យការអមសាលាដំបូងខេត្តរតនគីរី ក្នុងប្រតិបត្តិការរយៈពេល ៦ថ្ងៃកម្លាំងជំនាញនៃមន្ទីរស្រាវជ្រាវនិងបង្ក្រាបបទល្មើសកងរាជអាវុធហត្ថខេត្តកម្លាំងមូលដ្ឋានកងរាជអាវុធហត្ថក្រុងបានលុង សហការជាមួយកម្លាំងកងរាជអាវុធហត្ថលើផ្ទៃប្រទេស រួមជាមួយកម្លាំងខេត្តកំពង់ស្ពឺ រាជធានីភ្នំពេញ និងខេត្តព្រៃវែង បានពន្លាត់សមត្ថកិច្ចដែនដីតាមប្រមាញ់មុខសញ្ញា។

ប្រតិបត្តិការឃាត់ខ្លួនជនសង្ស័យទាំងពីរនាក់នេះ បានធ្វើឡើងនៅវេលាម៉ោង១និង២២នាទីរសៀល ថ្ងៃទី១៣ ខែឧសភា ឆ្នាំ២០២៤ នៅតាមបណ្ដោយផ្លូវជាតិលេខ៨ ស្ថិតក្នុងភូមិគ្រួស ឃុំព្រៃព្នៅ ស្រុកពារាំង ខេត្តព្រៃវែង។ 

យោងតាមរបាយការណ៍ពីកងរាជអាវុធហត្ថខេត្តបានឲ្យដឹងថា ក្នុងការស្រាវជ្រាវ និងស៊ើបអង្កេតរបស់សមត្ថកិច្ចជំនាញបានបន្តពីកន្លែងកើតហេតុ ដល់រាជធានីភ្នំពេញ ខេត្តកំពង់ស្ពឺ រហូតដល់ខេត្តព្រៃវែង ទើបចាប់ឃាត់ខ្លួនជនសង្ស័យពីរនាក់បាន ទី១-ឈ្មោះ រិត សុខ ភេទប្រុសអាយុ១៩ឆ្នាំ ទីលំនៅភូមិតាអងកាតែ ឃុំតាអង ស្រុកកូនមុំ ខេត្តរតនគិរី (ជាជនដៃដល់)​ និងឈ្មោះ វ៉ាក់ សុខលី ភេទប្រុស អាយុ១៩ឆ្នាំ(ជាអ្នកឌុបជនដៃដល់)ជិះម៉ូតូនៅថ្ងៃទី១៣ ខែឧសភា ឆ្នាំ២០២៤តាមបណ្តោយផ្លូវជាតិលេខ៨។

របាយការណ៍បានបញ្ជាក់ថា តាមចម្លើយសារភាពរបស់ជនសង្ស័យឈ្មោះ រិត សុខ នៅព្រឹកថ្ងៃទី១៤ ខែឧសភា ឆ្នាំ២០២៤ វេលាម៉ោង៦និង៣០នាទី កម្លាំងជំនាញមន្ទីរស្រាវជ្រាវ និងបង្ក្រាបបទល្មើស នៃកងរាជអាវុធហត្ថខេត្ត បាននាំជនសង្ស័យទៅយកវត្ថុតាងលាក់ទុក(កាំបិតផ្គាក់) នៅចំណុចដីក្រុមហ៊ុនប៉ាស៊ីហ្វិក ក្នុងភូមិឡយ៉ ឃុំឡយ៉ ស្រុក​កោះញែក ខេត្តមណ្ឌលគិរី ជាលទ្ធផលកម្លាំងបានធ្វើការចាប់យកវត្ថុតាង កាំបិតផ្គាក់ប្រវែង៦០.២ សង់ទីម៉ែត្រ ចំនួន ១។
 
បច្ចុប្បន្ន ជនសង្ស័យទាំងពីរនាក់ និងវត្ថុតាងចាប់យករួមមាន: កាំបិតផ្គាក់ចំនួន១ -ទូរសព្ទដៃម៉ាក Iphone ចំនួន ២គ្រឿង និងម៉ូតូសេ១២៥ ចំនួន ២គ្រឿង ត្រូវបានកម្លាំងជំនាញកសាងសំណុំរឿងបញ្ជូនទៅសាលាដំបូងខេត្តរតនគិរី ដើម្បីចាត់ការបន្តតាមនីតិវិធី។

គួររំលឹកផងដែរថា កាលពីថ្ងៃទី៧ ខែឧសភា ឆ្នាំ២០២៤ វេលាម៉ោង២២និង៣០នាទី នៅចំណុចកន្លែងហាត់ប្រាណមាត់បឹងកន្សែង ស្ថិតក្នុងភូមិទេសអន្លង់ សង្កាត់បឹងកន្សែង ក្រុងបានលុង ខេត្តរតនគិរី បណ្ដាលឲ្យជនរងគ្រោះឈ្មោះ ប្រ៉ាង ផាលីន ភេទប្រុស អាយុ២០ឆ្នាំ ទីលំនៅបច្ចុប្បន្នរស់នៅភូមិ៣ សង្កាត់កាចាញ ក្រុងបានលុង ខេត្តរតនគិរី កាប់ត្រូវចំដៃហូរឈាមច្រើនបណ្តាលឲ្យស្លាប់បាត់បង់ជីវិត។ និងឈ្មោះ សាវុធ ម៉ាប់ ភេទប្រុស អាយុ១៨ឆ្នាំ ទីលំនៅបច្ចុប្បន្នភូមិ/ឃុំខាងលើរងរបួសធ្ងន់៕

អត្ថបទ៖ វុទ្ធឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ៣ នាទី មុន

​Go Hyun Jung ទម្លាយថា អាពាហ៍ពិពាហ៍ជាមួយចៅប្រុសស្ថាបនិក Samsung ជីវិតឯកានិងគ្មានក្ដីសុខឡើយ

សេដ្ឋកិច្ច១២ នាទី មុន

កាណាដា​បញ្ជា​​​ឱ្យ​​រំលាយ​​ក្រុមហ៊ុន​​បច្ចេកវិទ្យា​២​ ដោយ​​លើក​​ឡើង​​ពី​​ការ​​ព្រួយ​​បារម្ភ​​ផ្នែក​​សន្តិសុខ​​ជាតិ​

ព័ត៌មានជាតិ១៧ នាទី មុន

សម្ដេចតេជោ ហ៊ុន សែន ច្រានចោលការលើកឡើងថា សម្ដេចសម្រេចបើកការដ្ឋានសាងសង់ព្រែកជីកហ្វូណនតេជោ

សេដ្ឋកិច្ច២៨ នាទី មុន

វិស័យហិរញ្ញវត្ថុនៅកម្ពុជានឹងមានការធ្លាក់ចុះប្រសិនបើពុំមានការគ្រប់គ្រងកម្រិតNPL​ឱ្យបានប្រុងប្រយ័ត្ន​

ព័ត៌មានអន្ដរជាតិ៣២ នាទី មុន

Pre-wedding លើកទី២របស់កូនសេដ្ឋី ឥណ្ឌា នឹងក្លាយជាពិធីដ៏ប្រណិតចាយលុយសុទ្ធលើទឹកដីអឺរ៉ុប

ព័ត៌មានជាតិ២០ ម៉ោង មុន

មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?

ព័ត៌មានជាតិ៣ ម៉ោង មុន

ហេតុអ្វី ស្រុកវាលវែង ជាតំបន់ទេសចរណ៍ទាក់ទាញបំផុត របស់ខេត្តពោធិ៍សាត់?

ព័ត៌មានអន្ដរជាតិ២១ ម៉ោង មុន

ស្លាប់​៨​នាក់ ក្នុង​ហេតុការណ៍​​ចាក់​សម្លាប់​ដោយ​កាំបិត​នៅ​ចិន

ព័ត៌មានអន្ដរជាតិ២២ ម៉ោង មុន

ប្រធានាធិបតី​ឆែក ជួប​គ្រោះថ្នាក់ ពេល​​កំពុង​ជិះ​ម៉ូតូ​​​ប្រណាំង​​គ្នា

ព័ត៌មានជាតិ២១ ម៉ោង មុន

ឯកឧត្តម ឌី វិជ្ជា និងមន្ត្រីវ័យក្មេង១៤រូបទៀត ត្រូវបានតែងតាំងជាសមាជិកគណៈអចិន្ត្រៃយ៍យុវជនគណបក្សប្រជាជនថ្នាក់កណ្តាល

Sokha Hotels

ព័ត៌មានពេញនិយម