Connect with us

សន្តិសុខសង្គម

អភិបាលខេត្តកោះកុង រម្លឹកពង្រឹងសណ្តាប់ធ្នាប់ ករណីសិស្សគេចសាលា ក្មេងទំនើង

បានផុស

នៅ

អ្នកស្រី មិថុនា ភូថង អភិបាលខេត្តកោះកុង បានក្រើនរម្លឹកទៅអភិបាលក្រុងស្រុកទាំង៧ ក្នុងភូមិសាស្រ្តខេត្ត ត្រូវយកចិត្តទុកដាក់ពង្រឹងសណ្តាប់ធ្នាប់របៀបរៀបរយបរិវេណជុំវិញសាលារៀន សិស្សគេចសាលា និងក្មេងទំនើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការក្រើនរម្លឹកជាថ្មីរបស់លោកស្រីអភិបាលខេត្តកោះកុង នៅពេលនេះ ធ្វើឡើងក្នុង ទិវាអន្តរជាតិប្រយុទ្ធប្រឆាំងគ្រឿងញៀន ២៦ មិថុនា ២០២៤ និងដុតបំផ្លាញចោលវត្ថុតាងគ្រឿងញៀនចំនួនជាង ៣ គីឡូក្រាម នាព្រឹកថ្ងៃទី២៨ ខែមិថុនា ឆ្នាំ២០២៤។

អ្នកស្រី មិថុនាភូថង សង្កត់ធ្ងន់ដែរថា ករណីក្មេងទំនើងបង្កអុកឡុក និងសិស្សគេចសាលាមិនចូលរៀន ជាគោលដៅឈានដល់ការប្រើប្រាស់គ្រឿងញៀន ដែលទាមទារឱ្យមានការតាមដានទប់ស្កាត់បង្រ្កាបឱ្យបានទាន់ពេលវេលា។ ព្រោះកិច្ចការនេះជាភារកិច្ចទទួលខុសត្រូវគ្រប់គ្រងឱ្យមានប្រសិទ្ធភាពរបស់គណៈបញ្ជាការក្រុងស្រុកដោយខ្លួនឯង។

អ្នកស្រី មិថុនា ភូថង ក៏សូមលើកទឹកចិត្តដល់សមត្ថកិច្ចពាក់ព័ន្ធ អាជ្ញាធរ មន្ទីរអង្គភាពជុំវិញខេត្ត ម្ចាស់អាជីកម្ម សិប្បកម្ម សណ្ឋាគារ ភោជនីយដ្ឋាន រីស៊ត និងម្ចាស់ក្លិបកម្សាន្តសប្បាយនានា ក៏ដូចជាអាណាព្យាបាលទាំងអស់ បន្តអប់រំ និងផ្សព្វផ្សាយឱ្យបានទូលំទូលាយអំពីបញ្ហាគ្រោះថ្នាក់ដោយសារគ្រឿងញៀន ដើម្បីឃ្លាតឆ្ងាយពីគ្រឿងញៀនតាមពាក្យស្លោក «ទាំងអស់គ្នា ដើម្បីប្រយុទ្ធប្រឆាំងគ្រឿងញៀន”។ ករណីរកឃើញគ្រឿងញៀននឹងទីតាំងខាងលើ នឹងប្រឈមចំពោះមុខច្បាប់ ហើយបិទអាជីវកម្មតែម្តង។

លោក ទួន ឱទី អភិបាលរងស្រុកគិរីសាគរ បានឱ្យដឹងដែរថា រដ្ឋបាល និងសមត្ថកិច្ចមូលដ្ឋានរបស់លោក បានយកចិត្តទុកដាក់ខ្ពស់លើការថែរក្សាសណ្តាប់ធ្នាប់ ពិសេសទប់ស្កាត់ក្រុមទំនើង ឬការចែកចាយគ្រឿងញៀនក្នុងភូមិសាស្រ្តគ្រប់គ្រង។

បើតាមលោកអភិបាលរងស្រុកគិរីសាគរ កន្លងទៅបង្រ្កាបក្រុមចែកចាយគ្រឿងញៀន ភាគច្រើនជាកម្មករទូកនេសាទ ដោយឡែកសិស្សសាលាវិញ មិនមានការគេចសាលារៀនអ្វីទេ ពោលគឺពួកគេប្រឹងប្រែង និងយល់ដឹងពីផលប៉ះពាល់ដោយសារសារធាតុញៀន។

ចំណែក អ្នកស្រី ចាតសូ រស្មី ព្រះរាជអាជ្ញា នៃអយ្យការអមសាលាដំបូងខេត្តកោះកុង ថ្លែងថា គ្រឿងញៀនជាង ៣ គីឡូក្រាម ដែលដុតបំផ្លាញនៅថ្ងៃនេះ មានប្រភេទមេតំហ្វេតាមីន កញ្ឆា និងឧបករណ៍ជក់ ឬប្រើប្រាស់គ្រឿងញៀនមួយចំនួនទៀត។

អ្នកស្រីព្រះរាជអាជ្ញា អះអាងទៀតថា ថ្នាំញៀនទាំងនេះ ត្រូវបានដកហូតតាមរយៈអំណាចសាលក្រមស្ថាពរ និងដីកាសម្រេចរឹបអូសបំផ្លាញចោល តាមកំណត់ហេតុពីការបើកកញ្ចប់សំណាកកាលពីថ្ងៃទី១៤ ខែមិថុនា កន្លងទៅនៅសាលាដំបូងខេត្ត។

ជាក់ស្តែងគ្រឿងញៀនដែលដុតបំផ្លាញចោលនេះ ជាលទ្ធផលដែលកើតចេញពីការរួមគ្នាខិតខំប្រឹងប្រែងសហការបង្រ្កាបដោយកម្លាំងសមត្ថកិច្ចជំនាញពាក់ព័ន្ធ ដើម្បីឆ្លើយតបតាមយុទ្ធនាការប្រយុទ្ធប្រឆាំងគ្រឿងញៀនដែលបានដាក់ចេញដោយសម្តេចធិបតី ហ៊ុន ម៉ាណែត នាយករដ្ឋមន្រ្តី៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ វិនាទី មុន

វៀតណាម ដាក់ទោស​អ្នក​ប្រើហ្វេសប៊ុក​ម្នាក់​ឲ្យ​ជាប់​គុក​៧​ឆ្នាំ​ពីបទ​ប្រមាថ​លោក ហូ ជីមិញ

ព័ត៌មានជាតិ១៦ នាទី មុន

ពលរដ្ឋខ្មែរពីរនាក់ដែលបើកទូកឆ្លងចូលដែនសមុទ្រវៀតណាម ត្រូវបានដោះលែងមកវិញហើយ

ជីវិតកម្សាន្ដ២០ នាទី មុន

ខេម រម្លឹកកាលពី ២០ ឆ្នាំមុនរត់ម៉ូតូឌុប ខណៈរៀមច្បង ខេមរៈ សិរីមន្ត ជាអ្នកចម្រៀងល្បី

សន្តិសុខសង្គម២២ នាទី មុន

យុវជនម្នាក់ ជិះម៉ូតូបញ្ច្រាសផ្លូវ ត្រូវរថយន្តមិនស្គាល់ម៉ាកបុកពេញទំហឹង បោកក្បាលស្លាប់យ៉ាងអាណោចអាធ័ម

ព័ត៌មានអន្ដរជាតិ២៣ នាទី មុន

រុស្ស៊ី ចោទ អ៊ុយក្រែន ចូលដៃអាមេរិក ផលិតអាវុធគីមី បាញ់លើទាហានរបស់ខ្លួន

Sokha Hotels

ព័ត៌មានពេញនិយម