សន្តិសុខសង្គម
ពលរដ្ឋខណ្ឌមានជ័យ មានភាពកក់ក្ដៅ ក្រោយអាជ្ញាធរបន្តទប់ស្កាត់ និងបង្ក្រាបក្រុមក្មេងទំនើង
វិធានការ នៃការបន្តទប់ស្កាត់ និងបង្ក្រាបសកម្មភាពក្រុមក្មេងទំនើងយ៉ាងខ្លាំងក្លាពីសំណាក់ក្រុមអាជ្ញាធរមានសមត្ថកិច្ចនៅតាមបណ្ដាមូលដ្ឋាន ធ្វើឲ្យប្រជាពលរដ្ឋទទួលបានភាពកក់ក្ដៅ កាត់បន្ថយភាពភ័យខ្លាច និងក្តីព្រួយបារម្ភបានច្រើន។
លោក ជា សារ៉េត ចៅសង្កាត់ និងជាប្រធានគណៈបញ្ជាការឯកភាពសង្កាត់ស្ទឹងមានជ័យទី ១ បានប្រាប់ឲ្យដឹងថា មួយរយៈក្រោយមកនេះ អាជ្ញាធរបានធ្វើការបង្ក្រាបក្រុមក្មេងទំនើងជាច្រើន ដោយប្រើប្រាស់វិធានការអប់រំ និងវិធានការច្បាប់ ដែលនេះគឺជាកិច្ចការខំប្រឹងរបស់កម្លាំងសមត្ថកិច្ចគ្រប់លំដាប់ថ្នាក់ ចុះមកសហការជាមួយអាជ្ញាធរនៅមូលដ្ឋានសង្កាត់។
ជាមួយការបង្ក្រាប អាជ្ញាធរ ក៏បានដាក់ផែនការចុះល្បាតពួនស្ទាក់ជាប្រចាំនៅតាមតំបន់ងាយរងគ្រោះ ក្នុងភូមិសាស្ត្រសង្កាត់របស់ខ្លួន ដើម្បីបង្ការទប់ស្កាត់សកម្មភាពក្មេងទំនើងកុំឲ្យកើតមានឡើង ក្នុងការធានាសន្តិសុខសុវត្ថិភាព ១០០ ភាគរយ ជូនប្រជាពលរដ្ឋ។
ប្រជាពលរដ្ឋ រស់នៅតំបន់ក្រោយវត្តសង្ក្រាន្តតាព្រហ្ម ហៅវត្តស្ទឹងមានជ័យ មានទីតាំងស្ថិតក្នុងភូមិមានជ័យ សង្កាត់ស្ទឹងមានជ័យ ១ ខណ្ឌមានជ័យ បានបង្ហាញក្តីរីករាយ និងសាទរបំផុតចំពោះវិធានការដ៏ម៉ឺងម៉ាត់របស់ក្រុមអាជ្ញាធរមានសមត្ថកិច្ច ដែលធ្វើការបង្ក្រាបរាល់សកម្មភាពអសន្តិសុខ កាប់ចាក់គ្នា និងអុកឡុកក្នុងភូមិឋានរស់នៅរបស់ពួកគាត់ វាជាផ្នែកសំខាន់ធ្វើឲ្យសកម្មភាពក្មេងទំនើងមានការថមថយច្រើនគួរកត់សម្គាល់។
ប្រជាពលរដ្ឋ បន្ថែមថា ក្នុងរយៈពេលក្រោយមកនេះ ពួកគាត់ទទួលបានភាពកក់ក្តៅច្រើន មិនសូវកើតមានក្តីព្រួយបារម្ភខ្ពស់ពីសុខសុវត្ថិភាពដូចមុននោះឡើយ ខណៈបច្ចុប្បន្ន ក្រុមអាជ្ញាធរ បានបន្តពង្រឹងការល្បាតជាប្រចាំផងដែរ។
សូមបញ្ជាក់ថា ពាក់ព័ន្ធនឹងបញ្ហាក្មេងទំនើងនេះដែរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី សម្តេច ក៏បានបន្តដាក់បទបញ្ជា ក៏ដូចជាក្រើនរំលឹកដល់អាជ្ញាធរមានសមត្ថកិច្ចនៅតាមមូលដ្ឋានទាំងអស់ ត្រូវបន្ត និងបង្កើនការយកចិត្តទុកដាក់ឲ្យបានខ្ពស់លើការបង្ការបង្ក្រាប និងទប់ស្កាត់ឲ្យមានប្រសិទ្ធភាពបំផុតចំពោះក្រុមក្មេងទំនើងបង្កសកម្មភាពកាប់ចាក់ ឬអុកឡុកក្នុងសង្គមជាតិ ដោយចាំបាច់ត្រូវតែប្រើប្រាស់វិធានការច្បាប់ជាធរមាន ដោយមិនមានការលើកលែងនោះឡើយ ចំពោះជនពិនិត្យរកឃើញថាមានជាប់ពាក់ព័ន្ធនឹងបទល្មើស៕
អត្ថបទ ៖ សុភា
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៦ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ