សន្តិសុខសង្គម

ចៅសង្កាត់ចោមចៅទី៣៖ ការស្ថាបនាផ្លូវបេតុងឆ្អឹងដែកក្នុងឆ្នាំ២០២៤ បានចំនួន៦ខ្សែប្រវែង១៣០០ម៉ែត្រ

បានផុស

៩ ខែ មុន

នៅ

ថ្ងៃពុធ ១៧ កក្កដា ២០២៤

ដោយ

រដ្ឋបាលសង្កាត់ចោមចៅទី៣ ដឹកនាំដោយលោក វ៉ា សាវឿន ជាចៅសង្កាត់ ការអភិវឌ្ឍន៍ក្នុងឆ្នាំ២០២៤នេះមានការស្ថាបនាផ្លូវបេតុងឆ្អឹងដែកបានចំនួន៦ខ្សែ ស្មេីរនឹងប្រវែង១៣០០ម៉ែត្រ ដោយប្រេីប្រាស់ថិវិកាមូលនិធិអភិវឌ្ឍន៍ឃុំ សង្កាត់ ក្នុងឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ា សាវឿន បានបញ្ជាក់ថា ការស្ថាបនាផ្លូវចំនួន៦ខ្សែខាងលេីនេះ ដោយមើលឃេីញពីភាពលំបាក ប៉ះពាល់ដល់ការរស់នៅធ្វេីដំណេីរ ក៏ដូចជាប្រកបរបរផ្សេងៗរបស់ប្រជាពលរដ្ឋក្នុងមូលដ្ឋាន ទេីបលោកដឹកនាំមន្ត្រីក្រោមឱវាទ ក្រុមការងារចុះសិក្សាពិនិត្យជាក់ស្តែងនៅតាមបណ្តាលផ្លូវដែលរងការទ្រុឌទ្រោមក្នុង។

លោកចៅសង្កាត់បានបន្តថា ក្រោយពីពិនិត្យជាក់ស្តែងឃេីញថា មានផលប៉ះពាល់ទៅដល់ការធ្វេីដំណេីរ រស់នៅ និងប្រកបរបរផ្សេងៗដល់ប្រជាពលរដ្ឋ លោកក៏បានដាក់គ្រឿងចក្រឈូសឆាយស្ថាបនាជាផ្លូវបេតុងឆ្អឹងដែកតែម្តង។ រហូតមកដល់បច្ចុប្បន្នរយៈពេល៧ខែមកនេះ ក្នុងឆ្នាំ២០២៤ ការស្ថាបនាផ្លូវលំទ្រុឌទ្រោមប្រែក្លាយជាផ្លូវបេតុងឆ្អឹងដែកបានចំនួន៦ខ្សែហេីយ ដោយសរុបចំនួន១៣០០ម៉ែត្រ ទទឹង៤.៥ម៉ែត្រ កំរាស់១.៥ម៉ែត្រ ដោយប្រេីប្រាស់ថវិការមូលនិធិអភិវឌ្ឍន៍ឃុំ សង្កាត់ក្នុងឆ្នាំ២០២៤។

លោក វ៉ា សាវឿន បានបញ្ជាក់ទៀតថា គោលដៅបន្ត លោកនឹងខិតខំប្រឹងប្រែងអភិវឌ្ឍន៍ក្នុងមូលដ្ឋាន និងបំរេីប្រជាពលរដ្ឋឱ្យអស់ពីកម្លាំងកាយចិត្ត។ ជាមួយគ្នានេះផងដែរ ប្រជាពលរដ្ឋសំណែងការត្រេកអរសប្បាយចិត្តយ៉ាងខ្លាំង និងមានភាពកក់ក្តៅ ខណៈអាជ្ញាធរតែងតែយល់ពីទុក្ខទុរៈប្រជាពលរដ្ឋក្នុងមូលដ្ឋានក្រោមការដឹកនាំបំពេញកាតព្វកិច្ចបំរេីប្រជាពលរដ្ឋ៕

អត្ថបទ៖ សុខា