សន្តិសុខសង្គម
នគរបាលចាប់ខ្លួនជនសង្ស័យ ៤ នាក់ ក្រោយវាយបុរសម្នាក់ របួសធ្ងន់
ជនសង្ស័យ ៤ នាក់ ត្រូវបានកម្លាំងនគរបាលខណ្ឌឫស្សីកែវ សហការជាមួយ កម្លាំងនគរបាលការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ចាប់ខ្លួនដល់បន្ទប់ជួល ក្រោយធ្វើសកម្មភាពយកដងវាយកូនគោលដេញវាយលើជនរងគ្រោះម្នាក់ បណ្ដាលឲ្យរងរបួសធ្ងន់ធ្ងរ។
ការឃាត់ខ្លួននេះ កាលពីព្រឹកថ្ងៃទី ១ ខែសីហា ឆ្នាំ ២០២៤ ចំណុចផ្លូវលេខ ៥១៦ ភូមិទួលសំពៅ សង្កាត់ទួលសង្កែទី ១ ខណ្ឌឫស្សីកែវ រាជធានីភ្នំពេញ។
ជនសង្ស័យទាំង ៤ នាក់ រួមមាន ៖ ទី ១.ឈ្មោះ សឿន ដារ៉ា ហៅ អឹម អាយុ ៣២ ឆ្នាំ មុខរបរមិនពិតប្រាកដ។ ទី ២.ឈ្មោះ កើត សុភក្ត្រ័ អាយុ ៣៣ ឆ្នាំ មុខរបរមិនពិតប្រាកដ។ ទី ៣.ឈ្មោះ រឿន ឆៃ អាយុ ២៩ ឆ្នាំ មុខរបរមិនពិតប្រាកដ។ ទី ៤.ឈ្មោះ ហ៊ុន រ៉ាយុទ្ធ ភេទប្រុស អាយុ ២៨ ឆ្នាំ មុខរបរមិនពិតប្រាកដ។ ជនសង្ស័យទាំង ៤ នាក់ ស្នាក់នៅផ្ទះជួលភូមិទួលសំពៅ សង្កាត់ទួលសង្កែទី ១ ខណ្ឌឫស្សីកែវ (មានសារធាតុញៀន)។
ចំណែកជនរងគ្រោះឈ្មោះ ប៊ុន សីហា ភេទប្រុស អាយុ ២៨ ឆ្នាំ ជនជាតិខ្មែរ មានទីលំនៅការ៉ាស់រថយន្តយីហោម៉ាស់ស្ទើរ ផ្លូវបេតុង សង្កាត់បឹងកក់ ១ ខណ្ឌទួលគោក រាជធានីភ្នំពេញ មុខរបរជាងជួសជុលរថយន្ត។
សមត្ថកិច្ចបានដកហូតម៉ូតូចំនួន ៤ គ្រឿង គឺ ម៉ាក GPX ពណ៌ប្រផេះ ស្លាកលេខភ្នំពេញ 1JG-4899 , ម៉ូតូ ១ គ្រឿង ម៉ាកស្កូបពី ពណ៌ស ស្លាកលេខ បាត់ដំបង 1L-9615 , ម៉ូតូ ១ គ្រឿង ម៉ាកហុងដា ពណ៌ខ្មៅ ស្លាកលេខ ភ្នំពេញ 1CW-9176 , ម៉ូតូ ១ គ្រឿង ម៉ាកហុងដា ពណ៌ខ្មៅ ភ្នំពេញ 1BN-1291 និងសម្ភារៈ ពាក់ព័ន្ធមួយចំនួនធំទៀត។
យោងតាមសមត្ថកិច្ចបានឲ្យដឹងថា កាលពីវេលាម៉ោងកើតហេតុខាងលើ ជនរងគ្រោះបានមកឈប់ម៉ូតូលើផ្លូវចំណុចកើតហេតុចាំពួកម៉ាក ស្រាប់តែមានជនសង្ស័យម្នាក់ឈ្មោះ ហុក សេងហុង បានមកឈរមើល។ ក្នុងនោះដែរ ស្រាប់តែជនសង្ស័យមានទំនាស់គ្នា បានហៅបក្ខពួកឈ្មោះ សឿន ដារ៉ា ហៅ អឹម ,ឈ្មោះ កើត សុភក្ត្រ័ និង ឈ្មោះ ម៉ាប់ មកព្រួតយកដងវាយកូនគោលដេញវាយលើជនរងគ្រោះបណ្ដាលឲ្យរបួសធ្ងន់ធ្ងរ រួចនាំគ្នាគេចខ្លួនបាត់។
បន្ទាប់មក សមត្ថកិច្ច បានទទួលបណ្ដឹងធ្វើការស្រាវជ្រាវឈានដល់ឃាត់ខ្លួនជនសង្ស័យម្នាក់ឈ្មោះ ហុក សេងហុង បញ្ជូនទៅកាន់ពន្ធនាគារព្រៃ.ស។ លុះដល់ថ្ងៃទី ០១ ខែសីហា ឆ្នាំ ២០២៤ វេលាម៉ោង ០២ និង ០០ នាទី កម្លាំងជំនាញខណ្ឌ បានល្បាតប្រទះឃើញជនសង្ស័យ ក៏កាក់សួរនាំ ស្រាប់តែជនសង្ស័យរត់គេចចូលផ្ទះគ្មានលេខ ចំណុចផ្លូវលំ ភូមិទួលសំពៅ សង្កាត់ទួលសង្កែទី ១។ ក្នុងនោះ សមត្ថកិច្ចបានធ្វើការឡោមព័ទ្ធ ទើបជនសង្ស័យបើកទ្វារឲ្យចូលត្រួតពិនិត្យ ក៏រកឃើញជនសង្ស័យចំនួន ០៤ នាក់ និងវត្ថុតាងមានដូចខាងលើ។
បច្ចុប្បន្ន ជនសង្ស័យ និងវត្ថុតាង ត្រូវបានសមត្ថកិច្ចយកមកអធិការដ្ឋាននគរបាលខណ្ឌឫស្សីកែវ ធ្វើការសាកសួរចាត់ការតាមនីតិវិធី៕
អត្ថបទ ៖ សំណាង
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ៧ ថ្ងៃ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»