សន្តិសុខសង្គម
លួចម៉ូតូបានហើយ តែត្រូវពលរដ្ឋឃើញ ភ័យពេក ជិះម៉ូតូជនរងគ្រោះទៅ ទុកម៉ូតូខ្លួនឯងនៅកន្លែងកើតហេតុ
ជនសង្ស័យ ៣ នាក់ បានធ្វើសកម្មភាពកាច់.ក ម៉ូតូមួយគ្រឿង បានសម្រេច តែត្រូវប្រជាពលរដ្ឋឃើញ ក៏ភ័យស្លន់ស្លោ ជិះម៉ូតូជនរងគ្រោះទៅ ដោយទុកម៉ូតូខ្លួនឯងនៅកន្លែងកើតហេតុ។
ហេតុការណ៍នេះបានកើតឡើងកាលពីវេលាម៉ោង ២ ទៀបភ្លឺ ឈានចូលថ្ងៃទី ១១ ខែតុលា ឆ្នាំ ២០២៤ ស្ថិតតាមបណ្ដោយផ្លូវលេខ ២១៩ ក្នុងសង្កាត់ផ្សារដើមគ ខណ្ឌទួលគោក រាជធានីភ្នំពេញ។
តាមប្រភពព័ត៌មាននៅកន្លែងកើតហេតុបានប្រាប់ឲ្យដឹងថា មុនពេលកើតហេតុ ជនរងគ្រោះបានជិះម៉ូតូមួយគ្រឿង ម៉ាកហុងដា Scopy ស៊េរីឆ្នាំ ២០១៩ មកចតចោលនៅមុខផ្ទះ ផ្លូវឌឿងហែម កែងផ្លូវលេខ ២១៩ បន្ទាប់មកក៏ដើរចូលទៅក្នុងផ្ទះ។ បន្តិចក្រោយមក ក៏លេចមុខជនសង្ស័យជិះម៉ូតូ ២ គ្រឿង មានគ្នា ៣ នាក់ ឃើញម៉ូតូជនរងគ្រោះ នៅមុខផ្ទះ មិនឃើញម្ចាស់ ក៏ធ្វើសកម្មភាពកាច់.ក តែម្ដង។ ក្រោយមក ក៏មានយុវជនមួយក្រុម ជិះរ៉ឺម៉កមក បានឃើញសកម្មភាពជនសង្ស័យទាំងនោះ រួចស្រែកទៅកាន់ក្រុមជនសង្ស័យ។ ជាហេតុធ្វើឲ្យក្រុមជនសង្ស័យភ័យស្លន់ស្លោ ជិះម៉ូតូជនរងគ្រោះដែលកាច់.ក បានសម្រេច យកទៅ បន្សល់ទុកម៉ូតូខ្លួនឯងនៅកន្លែងកើតហេតុ។ ម៉ូតូជនសង្ស័យម៉ាក Yamaha ពាក់ស្លាកលេខខុសប្រក្រតី 1KR-6166 សង្ស័យថាម៉ូតូដែលបន្សល់ទុកនេះក៏ជាម៉ូតូលួចគេផងដែរ។ ភ្លាមៗ នោះ ជនសង្ស័យទាំង ៣ នាក់ បានបើកម៉ូតូជនរងគ្រោះរត់គេចខ្លួនបានសម្រេច បាត់ស្រមោលឈឹងតែម្ដង។
ក្រោយពេលកើតហេតុ កម្លាំងសមត្ថកិច្ចមូលដ្ឋាន បានចុះមកដល់ចំណុចកើតហេតុ រួចឲ្យជនរងគ្រោះដាក់ពាក្យបណ្តឹង និងយកម៉ូតូរបស់ជនសង្ស័យទៅប៉ុស្តិ៍ ដើម្បីស៊ើបអង្កេតតាមឃាត់ខ្លួនក្រុមជនសង្ស័យផងដែរ៕
អត្ថបទ ៖ សុភា
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ១ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានជាតិ១ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម៨ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង