សន្តិសុខសង្គម

សន្តិសុខម្នាក់ ដេកស្លាប់ ក្រោយហូបមីលាយបាយ និងផឹកស្រា ០៣ កំប៉ុង

បានផុស

២ years មុន

នៅ

ថ្ងៃចន្ទ ២៥ វិច្ឆិកា ២០២៤

ដោយ

អ៊ិន ពិសី

សន្តិសុខម្នាក់ បានដេកខ្យល់គរស្លាប់ ក្រោយហូបមីលាយបាយ និងផឹកស្រាអស់ចំនួន ០៣ កំប៉ុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ០៩ និង ៤០ នាទីព្រឹក ថ្ងៃទី ២៥ ខែវិច្ឆិកា ឆ្នាំ ២០២៤ ស្ថិតតាមផ្លូវច្រកស្លាកកាកបាទក្រហមកម្ពុជា សង្កាត់ទឹកល្អក់ទី ០៣ ខណ្ឌទួលគោក។

សពជនរងគ្រោះមានឈ្មោះ ភាព ភេទប្រុស អាយុ ៣០ ឆ្នាំ មុខរបរសន្តិសុខយាមនៅក្រុមហ៊ុនឯកជនមួយកន្លែង ស្នាក់នៅផ្ទះជួលទីតាំងកើតហេតុខាងលើ ក្នុងសង្កាត់ទឹកល្អក់ទី ០៣ ខណ្ឌទួលគោក រាជធានីភ្នំពេញ។

ប្រភពព័ត៌មានពីសន្តិសុខបានឲ្យដឹងថា មុនកើតហេតុគេឃើញបុរសសន្តិសុខខាងលើ បានហូបមីឆុងជាមួយបាយ។ បន្ទាប់ពីហូបរួច ក៏បានទិញស្រាបៀរ ០៣ កំប៉ុង ដើម្បីផឹក រួចហើយក៏ចូលសម្រាកបាត់ទៅ។

ប្រភពដដែលបានបន្តថា បន្ទាប់ពីរូបគាត់បានប្រចាំការនៅទីតាំងមួយផ្សេងទៀតរួចរាល់ លុះដល់ម៉ោង ៦ ព្រឹក គាត់ក៏បានចេញពីកន្លែងធ្វើការត្រឡប់មករកសន្តិសុខរងគ្រោះខាងលើ គោលបំណងផ្លាស់ប្ដូរវេនយាមគ្នាម្នាក់ម្តង ដើម្បីបានសម្រាក។ ខណៈនោះ គាត់ក៏បានដាស់បុរសសន្តិសុខខាងលើ តែមិនព្រមភ្ញាក់ឡើយ រួចគាត់ឆ្ងល់ ក៏យកដៃដាក់លើដើមទ្រូង ស្រាប់តែចលនាបេះដូងរបស់បុរសរងគ្រោះមិនលោតនោះឡើយ ទើបភ្លាមៗ បង្កឲ្យមានការឆោឡោរាយការណ៍ជូនសមត្ថកិច្ចចុះមកត្រួតពិនិត្យភ្លាមៗ តែម្ដង។

ក្រោយកើតហេតុ សមត្ថកិច្ចមូលដ្ឋានមកដល់ រួចធ្វើការទាក់ទងទៅមន្ត្រីជំនាញចក្ខុ និងកោសល្យវិច័យ ចុះមកត្រួតពិនិត្យ រួចប្រគល់សពជូនក្រុមគ្រួសារសាច់ញាតិយកទៅធ្វើបុណ្យតាមប្រពៃណីនៅវត្តភ្នៀត៕

អត្ថបទ ៖ រដ្ឋា