កូវីដ-១៩
Delta ឆ្លងសាហាវ ! ពីរថ្ងៃសោះកម្ពុជាមានអ្នកឆ្លងជាង ១០០នាក់
លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានថ្លែងថា រយៈពេលពីរថ្ងៃប៉ុណ្ណោះ ពោលគឺចាប់ពីថ្ងៃទី៣១ ខែកក្កដា និងថ្ងៃទី ១ ខែសីហា ឆ្នាំ ២០២១ កម្ពុជារកឃើញអ្នកឆ្លងវីរុសកូវីដ១៩ បំប្លែងខ្លួនថ្មី Delta ១០៩នាក់។ ដូច្នេះសរុបរយៈពេល ៥ ខែឆ្នាំ២០២១នេះ កម្ពុជាមានអ្នកឆ្លងកូវីដ១៩ បំប្លែងថ្មី ២២៣ នាក់។
ថ្លែងនៅក្នុងឱកាសនាំយកអំណោយដ៏ថ្លៃថ្លារបស់សម្ដេចតេជោ ហ៊ុន សែន ចែកជូនលោកយាយ លោកតា មានអាយុជាង ១០០ឆ្នាំ ដែលបានស្ម័គ្រចិត្តចាក់វ៉ាក់សាំងបង្ការជំងឺកូវីដ១៩ នៅខេត្តកំពតនាថ្ងៃទី២ ខែសីហានេះលោកជំទាវបានមានប្រសាសន៍ថា វីរុសកូវីដ១៩ ប្រភេទអាល់ហ្វា បានវាយលុកក្នុងប្រទេសកម្ពុជា ប៉ុន្តែថ្មីៗនេះវីរុសបំប្លែងខ្លួនថ្មី Delta ក៏កំពុងវាយលុកយ៉ាងសកម្ម នៅក្នុងសហគមន៍តាមកន្លែងជាដុំៗ ។ពិភពលោកកំពុងមានការព្រួយបារម្ភខ្លាំងប្រភេទវីរុស Delta ដោយសារការចម្លងមានល្បឿនលឿន។
លោកជំទាវបានបន្ថែមថា វីរុសកូវីដ១៩ បំប្លែងខ្លួនថ្មីកន្លងមក រកឃើញឆ្លងលើបងប្អូនអ្នកដំណើរតាមជើងហោះហើរ និងពលករមកពីក្រៅប្រទេស ប៉ុន្តែថ្មីៗនេះជាការគួរឱ្យព្រួយបារម្ភខ្លាំង ដែលក្រុមគ្រូពេទ្យរកឃើញលើអ្នកជំងឺ ដោយមិនដឹងថាខ្លួនឆ្លងមកពីណា។ដូច្នេះថ្វីត្បិតកម្ពុជាបានចាក់វ៉ាក់សាំងមានល្បឿនលឿនជាង ៧០% ក៏ពិតមែន តែមេរោគអាចវាយលុកបានគ្រប់ពេលវេលា គ្រប់ទីកន្លែង បើសិនជាយើងមិនការពារខ្លួនបានល្អ។
ក្រសួងសុខាភិបាលបានបញ្ជាក់ថា ពីថ្ងៃទី៣១ មីនា ដល់ថ្ងៃទី១ សីហា កម្ពុជារកឃើញមេរោគបំប្លែងថ្មីដែលតាសរុប ២២៣ករណីទូទាំងប្រទេស ក្នុងនោះភ្នំពេញមាន ៥ករណី។ ក្រសួងសុខាភិបាលបានព្រមានថា មេរោគដែលតាដែលមានប្រភពមកពីឥណ្ឌា ពេលនេះបានឆ្លងរាលដាលចូលសហគមន៍ហើយ។ ការព្រួយបារម្ភមេរោគនេះ មានលទ្ធភាពចម្លងរហ័សអាចបង្កផលប៉ះពាល់ធ្ងន់ធ្ងរ បង្កើនការស្លាប់និងអ្នកសម្រាកចូលមន្ទីរពេទ្យ៕
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង