កីឡា

ក្រោយស្មើពិន្ទុ ពុក អាប៉ូយ សរសើរ រិទ្ធី គីងកុង ល្អដូចគេល្បីមែន

បានផុស

៤ ថ្ងៃ មុន

នៅ

ថ្ងៃចន្ទ ១០ វិច្ឆិកា ២០២៥

ដោយ

បន្ទាប់ពីប្រកួតគ្នារួចមក និងបានត្រឹមស្មើពិន្ទុកាលពីថ្ងៃទី៩ ខែវិច្ឆិកា ឆ្នាំ២០២៥ នៅសង្វៀនទទក កីឡាករ ពុក អាប៉ូយ សរសើរកីឡាករ រិទ្ធី គីងកុង គឺពិតជាមានក្បាច់ស្នៀតល្អដូចហ្នឹងកេរ្តិ៍ឈ្មោះល្បីមែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គីងកុង និង ពុក អាប៉ូយ

ថ្លែងក្រោយបញ្ចប់ការប្រកួតកីឡាករថ្នាល ពុក អាប៉ូយ បានលើកឡើងថា រិទ្ធី គីងកុង គឺពិតជាល្អដូចកេរ្តិ៍ឈ្មោះល្បីមែន ពោលទាំងកណ្ដាប់ដៃ កែង ប្រើបានល្អ និងវាយចេញបានរហូត។ រូបគេស្ដាយបានត្រឹមស្មើពិន្ទុគ្នាក្នុងជំនួបកាលពីថ្ងៃទី៩ ខែវិច្ឆិកា ២០២៥។

សិស្សគុនមកពីក្លឹបពុកឬស្សីគុនខ្មែរខាងលើបន្ថែមទៀតថា លទ្ធផលស្មើប៉ុណ្ណេះគឺមិនគ្រប់គ្រាន់សម្រាប់ខ្លួននោះឡើយ ពោលបន្ទាប់ពីបញ្ចប់ភារកិច្ចដណ្ដើមខ្សែក្រវាត់ថ្ងៃទី២១ វិច្ឆិកា ខាងមុខរួចមកនឹងសុំគ្រូប្រកួតម្ដងទៀតជាកីឡាករ រិទ្ធី គីងកុង ឲ្យដឹងលទ្ធផលចាញ់-ឈ្នះគ្នា។

ពុក អាប៉ូយ ពេលស្មើជាមួយ គីងកុង

បញ្ជាក់ដែរថា ជំនួបមិត្តភាពកីឡាករថ្នាល រិទ្ធី គីងកុង និង ពុក អាប៉ូយ កាលពីថ្ងៃអាទិត្យម្សិលមិញនេះនៅសង្វៀនទទក គឺបានត្រឹមស្មើពិន្ទុគ្នាប៉ុណ្ណោះ។ ការប្រកួតរវាងអ្នកទាំងពីរនេះគឺពិតជាល្អមើល និងមានការចាប់អារម្មណ៍ខ្លាំងពីបណ្ដាអ្នកតាមដានគុនខ្មែរ។ ចាំមើលជំនួបលើកទី២ រវាង រិទ្ធី គីងកុង និង ពុក អាប៉ូយ កើកឡើងនៅថ្ងៃណា៕

អត្ថបទដោយ៖ នួន ស៊ីណា