កីឡា

ចាន់ វាសនា ការចាប់អាជីពជាកីឡាករបាល់ទះនេះអាចជារឿងចៃដន្យសម្រាប់រូបគេ

បានផុស

៦ ខែ មុន

នៅ

ថ្ងៃចន្ទ ២៦ មករា ២០២៦

ដោយ

ស្មាត់លេចធ្លោ ចាន់ វាសនា ថាការចូលចាប់អាជីពបាល់ទះនេះអាចជារឿងចៃដន្យសម្រាប់ខ្លួន ព្រោះការដែលបានចូលហ្វឹកហាត់បែបស្ដង់ដា ឬនៅចូលក្លឹបស្នងការរាជធានីភ្នំពេញ ដោយសារតែមានផ្ទះជួលជាប់កន្លែងគេហ្វឹកហាត់ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ ចាន់ វាសនា

កីឡាករ ចាន់ វាសនា បានឲ្យដឹងថា ការចាប់អាជីពបាល់ទះនេះអាចជារឿងចៃដន្យមួយសម្រាប់ខ្លួននោះទេ ដោយសារតែនៅផ្ទះជួលឯទួលសង្កែក្បែរជិតកន្លែងក្លឹបបាល់ទះស្នងការហ្វឹកហាត់ពីមុន។ រូបគេតែងតែមកលេង និងមើលបាល់ទះជាប្រចាំ ស្របពេលម្ចាស់តារាងឃើញកាយសម្បទាខ្ពស់ល្អ និងឲ្យសាកល្បងលោតម៉ាត់បានល្អទៀតទើបមានឱកាសតាំងពីពេលនោះមក។

ក្រុមបាល់ទះស្នងការរាជធានីភ្នំពេញ

ស្មាត់មកពីខដ្តកំពង់ចាមរូបនេះបន្ថែមទៀតថា បន្ទាប់ពីម្ចាស់តារាងមើលឃើញពីសមត្ថភាព និងកាយសម្បទាអំណោយផងរួចមកក៏បានទាក់ទងទៅកាន់ក្លឹបស្នងការដើម្បីតេស្តរួចក៏បានជាប់តាំងពីពេលនោះមករហូតដល់មានកេរ្តិ៍ឈ្មោះដូចបច្ចុប្បន្ននេះ។

វាសនា បន្តទៀតថា ការដែលបានចូលរួមជាមួយក្លឹបស្នងការរាជធានីភ្នំពេញនេះគឺពិតជាសប្បាយចិត្តខ្លាំង ព្រោះធ្លាប់ឃើញតែស្មាត់ធំៗលេង ឬប្រកួត ឥលូវខ្លួនឯងបានចូលដូចកីលាករផ្សេងៗដែរ។ មួយទៀតខ្លួនធ្លាប់គិតថាចង់ចូលហាត់នៅក្លឹបអាជីពដែរហើយក៏បានសម្រេចដូចក្ដីបំណង។

ក្រុមបាល់ទះស្នងការរាជធានីភ្នំពេញ

បញ្ជាក់ដែរថា ចាន់ វាសនា ជាស្មាត់វ័យក្មេង និងកំពុងលេចធ្លោមួយរបស់ក្លឹបបាល់ទះស្នងការរាជធានីភ្នំពេញ។ ជាកីឡាករទើបប្រឡូកក្នុងវិស័យបាល់ទះនោះទេ ប៉ុន្តែទម្រង់លេង និងសមត្ថភាពល្អរហូតមានអ្នកគាំទ្រខ្លះថាដូចទៅហ្នឹងការលេងរបស់រៀមច្បង វឿន វាសនា ដែលជាតារាងបាល់ទះរបស់វិសាខា ទៀតផង។ រូបគេចាប់ហ្វឹកហាត់បែបស្ដង់ដារ និងចូលមកកាន់ក្លឹបអាជីពតាំងពីឆ្នាំ២០២២ រហូតពេលបច្ចុប្បន្ននេះ៕

អត្ថបទដោយ៖ នួន ស៊ីណា