កីឡា

លោក អ៊ិន សុភិន ចាត់ទុកពានរង្វាន់ «សេនាតេជោសន្តិភាព» ជាផ្នែកមួយនៃភាពរីកចម្រើនក្នុងវិស័យបាល់ទះ

បានផុស

៣ ម៉ោង មុន

នៅ

ថ្ងៃពុធ ២២ កក្កដា ២០២៦

ដោយ

លោក អ៊ិន សុភិន ដែលជាគ្រូជំនួយរបស់ក្រុមបាល់ទះស្នងការខេត្តពោធិ៍សាត់ ចាត់ទុកថាពានរង្វាន់បាល់ទះ «សេនាតេជោសន្តិភាព ២០២៦» ដែលប្រារព្ធធ្វើឡើងនៅឯខេត្តបាត់ដំបងនេះជាផ្នែកមួយនៃការរីកចម្រើនក្នុងវិស័យកីឡាមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពចាប់ពូលកន្លងទៅ

ថ្លែងក្នុងកិច្ចសម្ភាសលោក អ៊ិន សុភិន បានលើកឡើងថា ក្នុងនាមតំណាងក្រុមស្នងការខេត្តពោធិ៍សាត់គឺមានអាម្មណ៍រីករាយដែលបានដឹកនាំក្រុមមកចូលរួមព្រឹត្តិការណ៍បាល់ទះ សេនាតេជោសន្តិភាព ជាកម្មវិធីប្រកួតប្រជែងធំមួយប្រចាំខេត្តបាត់ដំបង។ លោកមិននឹកស្មានថានៅតាមបណ្ដាភូមិភាគអាចរៀបចំការប្រកួតធំ និងល្អអស្ចារ្យដូចនេះទេ។

លោកបញ្ជាក់ទៀតថា ព្រឹត្តិការណ៍បាល់ទះសេនាតេជោសន្តិភាពនៅបាត់ដំបងនេះជាការអភិវឌ្ឍន៍មួយ និងជាភាពរីកចម្រើនក្នុងវិស័យកីឡាមួយនេះ។ គ្រូជំនួយរូបនេះសង្ឃឹមថានៅឆ្នាំក្រោយៗនឹងមានក្រុមចូលរួមកាន់តែច្រើនជាបន្តបន្ទាប់ទៀត។

លោក អ៊ិន សុភិន និង គាំ ស៊ាងហ៊ីន គ្រូធំ

ងាកមកនិយាយពីការប្រកួតវិញក្រុមបាល់ទះស្នងការខេត្តពោធិ៍សាត់ភាគច្រើនជាយុវជន ប៉ុន្តែបានហ្វឹកហាត់ត្រៀមខ្លួនបានល្អផងដែរ។ ចំពោះក្ដីសង្ឃឹមយ៉ាងណានោះគឺក្រុមចូលរួមមិនថាក្រុមលោក ឬក្រុមដទៃនោះទេតែងតែជឿជាក់ និងសង្ឃឹម។ លោក អ៊ិន សុភិន យល់ឃើញថាក្រុមដែលធំ និងជាឧបសគ្គនោះគឺវត្តមានរបស់ស្នងការរាជធានីភ្នំពេញតែម្ដង។ ក្រុមនេះមានសមត្ថភាពល្អ និងជាម្ចាស់ពានសម្ដេចក្រឡាហោមទៀតផងដូចអ្នកគាំទ្របាល់ទះបានដឹងរួចហើយ។

រូបភាពតំណាង

បញ្ជាក់ដែរថា លោក អ៊ិន សុភិន ជាគ្រូជំនួយក្រុមបាល់ទះស្នងការខេត្តពោធិ៍សាត់ និងបានដឹកនាំក្រុមទៅចូលរួមការប្រកួតពានរង្វាន់បាល់ទះ សេនាតេជោសន្តិភាព ដែលកំពុងធ្វើឡើងនៅឯខេត្តបាត់ដំបង។ ពានបាល់ទះមួយនេះគឺធ្វើឡើងនៅឯខេត្តបាត់ដំបងចាប់ពីថ្ងៃទី២១ ដល់ ២៥ ខែកក្កដា ឆ្នាំ២០២៦ ដោយមានក្រុមចូលរួមសរុប ៩ក្រុម និងត្រូវប្រកួតសន្សពិន្ទុក្នុងពូល៕

Related Topics:កីឡាបាល់ទះ