កីឡា

សហព័ន្ធប៉េតង់កម្ពុជា ប្រកាសបើកការប្រកួតជើងឯកថ្នាក់ជាតិ ៣ថ្ងៃចាប់ពីថ្ងៃនេះ

បានផុស

៦ ខែ មុន

នៅ

ថ្ងៃពុធ ២៨ មករា ២០២៦

ដោយ

សហព័ន្ធកីឡាប៊ូល និងប៉េតង់កម្ពុជា បានធ្វើពិធីបើកការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ របស់ខ្លួនហើយចាប់ពី ថ្ងៃទី២៨ ដល់ ៣០ ខែមករា ឆ្នាំ២០២៦ ដែលមានរយៈពេល ៣ថ្ងៃដើម្បីជាឱកាសសម្រាប់សម្លឹងមើលធនធានមានសមត្ថភាពថ្មីៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិដ្ឋភាពបើកការប្រកួត

ប្រធានសហព័ន្ធប៊ូល លោក សុខ សូកាន បានលើកឡើងថា ការប្រកួតនេះរៀបចំឡើងក្នុងគោលបំណងលើកស្ទួយវិស័យកីឡាមួយនេះឲ្យរឹតតែមានការគាំទ្រពីមហាជន និងជាការបង្កើនទំនាក់ទំនងរវាងសម្ព័ន្ធ ក្លឹប។ លើសពីនេះក៏ជាការផ្ដល់ឱកាសដល់កីឡាករ កីឡាការិនីទូទាំងប្រទេសបានប្រកួតដុសខាតសមត្ថភាពផងដែរ។

ទិដ្ឋភាពបើកការប្រកួត

ថ្នាក់ដឹកនាំសហព័ន្ធខាងលើបន្តទៀតថា ការប្រកួតនេះក៏ជាពេលវេលាល្អមួយសម្រាប់សហព័ន្ធបានសម្លឹងរកមើលនូវធនធានដែលមានសមត្ថភាពលេចធ្លោផងដែរដើម្បីអាចតេស្តចូលហ្វឹកហាត់ជាមួយក្រុមជម្រើសជាតិឈានទៅដល់ការប្រកួតតំណាងប្រទេសលើឆាកអន្តរជាតិ។

ទិដ្ឋភាពបើកការប្រកួត

បញ្ជាក់ដែរថា ការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ របស់សហព័ន្ធកីឡាប៊ូល និងប៉េតង់កម្ពុជា នេះធ្វើឡើងរយៈពេល ៣ថ្ងៃចាប់ពីថ្ងៃទី២៨ ដល់ ៣០ ខែមករា ឆ្នាំ២០២៦ នៅទីលានរបស់សហព័ន្ធក្នុងពហុកីឡសដ្ឋានជាតិ។ ការប្រកួតនេះមាន ៨វិញ្ញា ១ ទល់ ១ (បុរស ១៨ឆ្នាំឡើង), ១ ទល់ ១ (នារី ១៨ឆ្នាំឡើង), ១ ទល់ ១ (កុមារី ១២ ដល់ ១៥ឆ្នាំ), ១ ទល់ ១ (កុមារា ១២ ដល់ ១៥ឆ្នាំ), វាយយកពិន្ទុ (បុរស ១៦ឆ្នាំ), វាយយកពិន្ទុ (នារី ១៦ឆ្នាំ), ៣ ទល់ ៣ (បុរស ១៦ឆ្នាំ) និង ៣ ទល់ ៣ (នារី ១៦ឆ្នាំ) ៕