កីឡា

លោក Andre Cioffi គាំទ្រវិស័យកីឡាប៊ូលនៅកម្ពុជាយូរហើយ ប៉ុន្តែម្សិលមិញអត់សូវសប្បាយចិត្តទេមិត្តភ័ក្រចាញ់

បានផុស

៥ ខែ មុន

នៅ

ថ្ងៃសៅរ៍ ៣១ មករា ២០២៦

ដោយ

លោក Andre Cioffi ដែលជាជនជាតិបារាំ ថាលោកបានគាំទ្រ និងមកទស្សនាការប្រកួតកីឡាប៊ូល និងប៉េតង់នេះជាច្រើនលើកមកហើយកន្លងមក ប៉ុន្តែម្សិលមិញនេះអត់សូវសប្បាយចិត្តដែរដោយសារមិត្តភ័ត្រក្នុងការប្រកួតវគ្គផ្ដាច់ព្រ័ត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Andre Cioffi

លោក Andre Cioffi បានឲ្យដឹងថា លោកក៏ជាអ្នកគាំទ្រវិស័យកីឡាប៊ូល និងប៉េតង់របស់កម្ពុជាម្នាក់ដែរ និងតែងតែមកទស្សនាការប្រកួតផ្សេងៗនាពេលកន្លង។ ប្រទេសកម្ពុជាគឺមានកីឡាករល្អៗច្រើន និងសំបូរយុវជនថែមទៀតផង។ ម្នាក់ៗលេងបានល្អ និងប្រកួតប្រជែងដោយសមត្ថភាព។

ទិដ្ឋភាពបិទការប្រកួត

បុរសវ័យ ៧០ឆ្នាំខាងលើនេះបន្ថែមទៀតថា ចំពោះការរៀបចំជើងឯកថ្នាក់ជាតិនេះគឺសហព័ន្ធធ្វើបានល្អ និងក្រុមចូលរួមច្រើនដែលនេះបង្ហាញពីភាពរីកចម្រើនខ្លាំងលើវិស័យកីឡាប៊ូល និងប៉េតង់នៅកម្ពុជា។ យ៉ាងណាចំពោះវគ្គផ្ដាច់ព្រ័ត្រវិញ្ញាសាបុរស ៣ទល់៣ ម្សិលមិញនេះគឺល្អមើល ប៉ុន្តែសោកស្ដាយបន្តិចដោយសារមិត្តភ័ត្រប្រកួតចាញ់នៅវគ្គនេះ។

ទិដ្ឋភាពបិទការប្រកួត

បញ្ជាក់ដែរថា សហព័ន្ធកីឡាប៊ូល និងប៉េតង់កម្ពុជា បានបិទបញ្ចប់ការប្រកួតជ្រើសរើសជើងឯកថ្នាក់ជាតិរបស់ខ្លួនហើយក្រោយរៀបចំអស់រយៈពេល ៣ថ្ងៃមកនេះគឺចាប់ពីថ្ងៃទី២៨ ដល់៣០ ខែមករា ឆ្នាំ២០២៦ នៅទីលានក្នុងពហុកីឡដ្ឋានជាតិ។ ចំណាត់ថ្នាក់លេខ១ បានលើ ក្លឹបយោធភូមិភាគពិសេស ឈ្នះមាស២ ចំណាត់ថ្នាក់លេខ២ ក្លឹបមជ្ឈមណ្ឌលកីឡា ខ.ភ.ម ឈ្នះមាស១ ប្រាក់៣ និងចំណាត់ថ្នាក់លេខ៣ បានលើ សម្ព័ន្ធកីឡាប៊ូល និងប៉េតង់កងយោធពលខេមរភូមិន្ទ ឈ្នះមាស១ ប្រាក់១ សំរឹទ្ធ៣៕