កីឡា
ក្រុមប៉េតង់ភូមិថ្មីខេត្តកែប៖ ទីលាននៅអូឡាំពិកគឺខុសដាច់ពីទីលានធ្លាប់លេងកន្លងមក ប៉ុន្តែលទ្ធផលប៉ុណ្ណឹងអាចទទួលយកបាន
ក្រុមប៉េតង់ភូមិថ្មីខេត្តកែប ដែលជាក្រុមល្បីប្រចាំខេត្តក៏បានមកចូលរួមក្នុងព្រឹត្តិការណ៍ជ្រើសរើសជើងឯកថ្នាក់ជាតិ ឆ្នាំ២០២៥ នៅរាជធានីភ្នំពេញផងដែរ ប៉ុន្តែលទ្ធផលធ្លាក់នៅវគ្គចម្រុះក្នុងពូល ខណៈតំណាងក្រុមអាចទទួលយកបានលទ្ធផលមានឈ្នះ មានចាញ់ យ៉ាងណាក្ដី។
ក្រុមប៉េតង់ខេត្តកែប
លោក ម៉ាត់ អ៊ីមរ៉ន តំណាងឲ្យក្រុមប៉េតង់ភូមិថ្មីខេត្តកែប និងជាក្រុមតំណាងខេត្តកែប ក្នុងព្រឹត្តិការណ៍ជ្រើសរើសជើងឯកថ្នាក់ជាតិបានឲ្យដឹងថា នេះជាបទពិសោធថ្មីមួយសម្រាប់ក្រុមដែលបានចូលរួមការប្រកួតធំកម្រិតថ្នាក់ជាតិនៅរាជធានីភ្នំពេញលើកនេះ។
ការប្រកួតនេះគឺពិតជាពិបាកសម្រាប់ក្រុមខេត្តកែប ព្រោះកន្លងមកក្រុមធ្លាប់លេងត្រឹមថ្នាក់ខេត្តប៉ុណ្ណោះ ខណៈព្រឹត្តិការណ៍នេះប្រជុំដោយជើងខ្លាំងមកពីគ្រប់ខេត្តក្រុង និងប៉ះជម្រើសជាតិល្អៗទៀតផងក្នុងការប្រកួត។ ទីលានប្រកួតនៅស្តាតអូឡាំពិកនេះគឺខុសប្លែកដាច់ពីទីលានដែលក្រុមរបស់ខ្លួនធ្លាប់លេងនៅឯខេត្តកន្លងមក។ ដូច្នេះការចូលលេងភ្លាមៗនេះធ្វើឲ្យកីឡាករពិបាកក្នុងការសម្របខ្លួន ឬលេងឲ្យបានល្អណាស់។
ក្រុមប៉េតង់ខេត្តកែប
យ៉ាងណាលទ្ធផលឈ្នះ ២ ចាញ់ ៣ និងពិន្ទុចាញ់លើក្រុមជម្រើសជាតិប្រដេញៗគ្នាដូចនេះគឺក្រុមខេត្តកែបរបស់លោកអាចទទួលយកបាន។ ការប្រកួតក្រោយៗទៀតក្រុមនឹងព្យាយាមមកចូលរួមបន្តទៀតរាល់កម្មវិធីរបស់សហព័ន្ធប៊ូល និងប៉េតង់រៀបចំ។ ការចូលរួមលើកនេះក៏ជាបទពិសោធមួយសម្រាប់ក្រុមពង្រឹងសមត្ថភាពឲ្យកាន់តែប្រសើរថែមទៀតផងដែរ។
ទិដ្ឋភាពការប្រកួតជើងឯកថ្នាក់ជាតិ
បញ្ជាក់ដែរថា ក្រុមប៉េតង់ខេត្តកែប ឬក្រុមប៉េតង់ភូមិថ្មី បានចូលរួមការប្រកួតជ្រើសរើសជើងឯកថ្នាក់ជាតិឆ្នាំ២០២៥ កាលពីថ្ងៃទី២៨ ដល់ ៣០ ខែមករា ឆ្នាំ២០២៦ នៅពហុកីឡដ្ឋានជាតិ លើវិញ្ញាសា ៣ទល់៣ បុរស។ ក្រុមខេត្តកែបធ្លាក់ត្រឹមវគ្គចម្រុះក្នុងពូលដោយឆ្លងកាត់ ៥ប្រកួតទទួលបានលទ្ធផលដូចជា ខេត្តកែប 13-1 ក្លឹបមានជ័យភ្នំពេញ, ខេត្តកែប 6-13 ក្លឹប ខ.ភ.ម (ថ្នាលជម្រើសជាតិ), ខេត្តកែប 13-4 ប្រូវីដា ២៧ (ភ្នំពេញ), ខេត្តកែប 5-7 ខេមរភូមិន្ទ (ជម្រើសជាតិ), ខេត្តកែប 10-12 អយក ខេត្តតាកែវ។ វិញ្ញាសានេះមេដាយមាស បានលើក្លឹបយោធភូមិភាគពិសេស ក្រោយយកឈ្នះលើក្លឹបប៊ូល និងប៉េតង់សន្តិភាព នៅវគ្គផ្ដាច់ព្រ័ត្រ៕
អត្ថបទដោយ៖ នួន ស៊ីណា
-
សេដ្ឋកិច្ច៦ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ៣ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៦ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៤ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម៤ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៦ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៦ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
ព័ត៌មានជាតិ១ សប្តាហ៍ agoអាជ្ញាធរសង្កាត់ចោមចៅទី ៣ បន្តចុះបូមស្តារប្រព័ន្ធលូជូនប្រជាពលរដ្ឋ