Connect with us

កីឡា

ក្លឹប​ប្រដាល់​នាគរាជ​ចតុមុខ​ ប្រកាស​សុំ​លុប​កម្មវិធី​ប្រកួត​ទាំង​អស់​របស់​ ឡុង​ ប៉េងលឿន​

បានផុស

នៅ

បន្ទាប់​ពី​ជួប​បញ្ហា​របួស​បាក់​ឆ្អឹង​ជើង​កាល​ពីថ្មីៗនេះ​រួច​មក​ក្លឹប​ប្រដាល់​នាគរាជចតុមុខ​ បាន​ប្រកាស​សុំ​ទោស​ចំពោះ​ម្ចាស់​កម្មវិធី​ផ្សេងៗ​ផង​ដែរ​ ព្រោះ​ត្រូវ​​សុំ​លុប​ការ​ប្រកួត​របស់​កីឡាករ​ ឡុង​ ប៉េងលឿង​ ទាំង​អស់​ដោយ​សារ​របួស​មិន​អាច​ឡើង​ប្រកួត​បាន។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របួស​ ឡុង​ ប៉េងលឿន

កីឡាករ​ ឡុង​ ប៉េងលឿន​ សិស្ស​គុន​នៃ​ក្លឹប​ប្រដាល់​នាគរាជចតុមុខ​ បាន​បញ្ជាក់ថា​រូប​គេ​បាន​មាន​របួស​បាក់​ឆ្អឹង​ជើង​ហើយ​អំឡុង​ពេល​ហ្វឹកហាត់​កាល​ពីថ្មីៗ​នេះ។​ ជា​មួយ​គ្នា​នោះ​ដែរ​អ្នក​លេង​គុន​ខ្មែរ​រូប​នេះ​សម្ដែង​ការ​សុំ​ទោស​ចំពោះ​ម្ចាស់​កម្មវិធី​ផង​ដែរ​ដែល​រូប​គេ​ខក​ខាន​មិន​អាច​ប្រកួត​ជូន​នៅ​ពេល​នេះ​ ខណៈ​ការ​ហ្វឹកហាត់​ត្រៀម​ខ្លួន​គឺ​បាន​ពេញ​ល្អ​ទៅ​ហើយ។​

ចំណែក​ខាង​ក្លឹប​វិញ​ក៏​បាន​បង្ហោះ​សារ​សុំ​ទោស​ផង​ដែរ​ និង​ប្រកាស​លុប​កម្មវិធី​ប្រកួត​ទាំង​អស់​នៅ​ពេល​នេះ​ ព្រោះ​កីឡាករ​មាន​របួស​ដូច​ខាង​លើ​នេះ​ទៅ​ហើយ។​ យ៉ាងណា​ការ​វិលត្រឡប់​វិញ​នោះ​ទាល់តែ​កីឡាករ​ ឡុង​ ប៉េងលឿន​ ជា​សះស្បើយ​ឡើង​វិញ។​

កីឡាករ​ ឡុង​ ប៉េងលឿន

បញ្ជាក់​ដែរ​ថា​ កីឡាករ​ ឡុង​ ប៉េងលឿន​ ជា​អ្នក​ប្រដាល់​ចាស់​វស្សា​មួយ​រូប​ក្នុង​វិស័យ​កីឡា​មួយ​នេះ។​ ចូល​ក្នុង​គុន​ខ្មែរ​រយៈពេល​យូរ​មែន​ ប៉ុន្តែ​រូប​គេ​នៅ​តែ​រក្សា​ទម្រង់​ប្រកួត​បាន​ល្អ​មិន​ចាញ់​កីឡាករ​ជំនាន់​ក្រោយ​នោះ​ឡើយ។​ យ៉ាងណា​ជា​អកុសល​កាល​ពី​ថ្មីៗ​នេះ​រូប​គេ​បាន​ជួប​គ្រោះ​ថ្នាក់​បាក់​ឆ្អឹង​ទៅ​ហើយ​អំឡុង​ពេល​ហ្វឹកហាត់៕

អត្ថបទដោយ៖ នួន ស៊ីណា​

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម