កីឡា
Sitthicai បង្ហាញពីចំណុចខ្សោយមុនប៉ះ Ozcan ថ្ងៃទី១៥ តុលានេះ
ជើងខ្លាំង Sitthichai ត្រូវឡើងសង្វៀនពិភពលោកទៀតហើយនាថ្ងៃទី១៥ ខែតុលាខាងមុខនេះដោយត្រូវកីឡាករហុល្លង់-តួកគី Tayfun Ozcan នៅព្រឹត្តិការណ៍ប្រកួត ONE: FIRST STRIKE។
សម្រាប់ការប្រកួតនេះក្នុងវគ្គ១/៤ ឬ៨នាក់ដំបូងនៃខ្សែក្រវាត់ឃីកបុកសីងពិភពលោក ONE Featherweight Kickboxing World Grand Prix ដែលប្រជុំដោយជើងខ្លាំង៨រូបមកពីជុំវិញពិភពលោក ហើយ Sithichai ជាបេក្ខភាពតែម្នាក់គត់មកពីប្រទេសថៃ។
កីឡាករនៅក្រុងបាំងកកអាយុ៣០ឆ្នាំបានប្រាប់ថា នេះជាឱកាសដ៏ល្អដើម្បីបញ្ជាក់ខ្លួនឯងជាជើងខ្លាំងលំដាប់ពិភពលោកម្នាក់។ «ខ្ញុំចង់វ៉ៃឲ្យបានល្អបំផុត និងឈ្នះការប្រកួតនេះ។ ខ្ញុំចង់បញ្ជាក់ដល់អ្នកគាំទ្រថា ខ្ញុំមិនមែនជា Sitthichai ពីមុនទេ តែជា Sitthichai ដែលជាអ្នកប្រដាល់ល្អបំផុតក្នុងលោក។ ខ្ញុំនឹងបញ្ជាក់ថា ខ្ញុំជាកីឡាករឆ្នើមពិតប្រាកដក្នុងលោក»។
នៅចាំបានថា កាលពីឆ្នាំមុន Sithichai បានឡើងស្វៀន ONE ដោយបានប្រកួតចាញ់ពិន្ទុ Superbon ប៉ុន្តែការប្រកួតលើកទី២រូបគេទទួលបានជ័យជម្នះលើប្រុសស្អាត Tawanchai កាលពីប៉ុន្មានខែកន្លងទៅនេះ។’
ដូច្នេះការជួប Tayfun Ozcan ដែលមានបទពិសោធប្រកួតឈ្នះ៨៣ដង ចាញ់៨ដង និងស្មើ៣ដង លើកនេះគឺជាការឡើងសង្វៀន ONE លើកទី៣សម្រាប់ Sitthichai ដែលជាការប្រកួតជម្រុះក្នុងការដណ្តើមខ្សែក្រវាត់ឃីកបុកសីងពិភពលោកយែម្តង។ មែនទែនទៅជំនាញដើមរបស់ខ្លួនគឺមួយថៃ ប៉ុន្តែរូបគេហាក់ថ្នឹកនឹងជំនាញឃីកបុកសីងហើយឥឡូវនេះ។
កីឡាករនិយាយថា «បាទ ជំនាញឃីកបុកសីងរបស់ខ្ញុំឥឡូវនេះធម្មតាហើយ។ តែយ៉ាងណា បេះដូងខ្ញុំនៅតែដក់ជាប់នឹងមួយក្បាច់មួយថៃ។ គោលបំណងរបស់ខ្ញុំគឺក្លាយជាជើងឯកឃីកបុកសីងពិភពលោក»។
Sitthichai បានប្រាប់ថា « Tayfun និងខ្ញុំមិនធ្លាប់ជួបគ្នាទេពីមុន តែបើឲ្យខ្ញុំវិភាគលើវីដេអូប្រកួតរបស់គាត់ ខ្ញុំអាចនិយាយបានថា គាត់ខ្លាំង រឹងមាំ និងអាចវ៉ៃបានគ្រប់ទឹក។ ការទាត់ត្រឡប់ក្រោយរបស់គាត់គ្រោះថ្នាក់ខ្លាំង»។
«យ៉ាងណា ខ្ញុំក៏ឃើញចំណុចខ្សោយរបស់គាត់ដែរ។ គាត់ទាត់លឿនមែន តែខ្សោយ ហើយមិនសូវមានប្រសិទ្ធភាពទេ។ ដោយសារខ្ញុំវ៉ៃជំហរឆ្វេង ខ្ញុំអាចនិយាយថា ខ្ញុំមានប្រៀបលើគាត់ ពីព្រោះគាត់មិនដែលវ៉ៃជាមួយដៃគូដែលវ៉ៃជំហរឆ្វេងពីមុនទេ»។
«តាមការគ្រោងទុកដើម្បីដោះស្រាយនឹងជំនាញវ៉ៃសកលរបស់ Tayfun ខ្ញុំនឹងមិនវ៉ៃចូលត្រង់តែម្តងទេ តែខ្ញុំត្រូវរង់ចាំឲ្យគាត់ចូលវ៉ៃសិន ហើយចាប់ឱកាសវ៉ៃបកវិញ»។
កីឡាករថៃរូបនេះបញ្ជាក់ថា កាយសម្បទារបស់គេបានត្រៀមខ្លួនល្អ១០០%ហើយ។ «ខ្ញុំកំពុងហាត់ ហើយបង្កើនកម្លាំងស៊ុហ្វ និងសម្រួចកណ្តាប់ដៃដែរ។ ធ្វើយ៉ាងណាឲ្យកណ្តាប់ដៃចេញលឿន ញាប់ និងធ្ងន់ជាងមុន»។
Sitthichai បានបញ្ជាក់ថា «សម្រាប់គោលដៅបន្ទាប់របស់ខ្ញុំនៅ ONE គឺខ្ញុំនឹងបន្តរក្សាគុណភាពប្រកួតឲ្យល្អបំផុត និងធ្វើឲ្យបានល្អឥតខ្ចោះរាល់ការប្រកួត ទោះជាចាញ់ឬឈ្នះក៏ដោយ។ ខ្ញុំនឹងវ៉ៃឲ្យអស់ពីសមត្ថភាព»៕
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ក្រុមហ៊ុន អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ
ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត