Connect with us

ព័ត៌មានជាតិ

ត្រៀម​​ស៊ីហ្គេម សហព័ន្ធប្រដាល់​សកល ស្នើ​កីឡាករ​ជម្រើស​ជាតិ ចេញ​ទៅ​ប្រកួតខាងក្រៅ

បានផុស

នៅ

កីឡាករ កីឡាការិនីជម្រើសជាតិកីឡាប្រដាល់សកល នឹងចាប់ផ្តើមចូលជំរុំហ្វឹកហាត់បិទខ្ទប់នៅពហុកីឡដ្ឋានជាតិមរតកតេជោ រយៈពេល៣ខែ ចាប់ពីថ្ងៃទី១១ ខែតុលា រហូតដល់ចុងខែធ្នូ ឆ្នាំ ២០២១។

លោក ប៊ុយ សុភ័ណ្ឌ អគ្គលេខាធិការសហព័ន្ធកីឡាប្រដាល់សកលកម្ពុជាបានបញ្ជាក់បែបនេះ ក្រោយបញ្ចប់កិច្ចកិច្ចប្រជុំមួយជាមួយគ្រូបង្វឹក កីឡាករ កីឡាការិនិជម្រើសជាតិប្រដាល់សកល នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC) នៅរសៀលថ្ងៃទី៤ ខែតុលា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៊ុយ សុភ័ណ្ឌ បន្ថែមថា ការហ្វឹកហាត់បិទខ្ទប់នេះ គឺដើម្បីត្រៀមចូលរួមព្រឹត្តិការណ៍ស៊ីហ្គេម លើកទី៣១ នៅប្រទេសវៀតណាម និងការប្រកួតអន្តរជាតិនានា។ លោកអះអាងថា ការហ្វឹកហាត់នេះ អាចបង្កើនគុណភាពកាន់តែល្អប្រសើរបាន ត្រូវមានអមជាមួយនឹងការប្រកួតដែរ។ ដូច្នេះហើយទើបសហព័ន្ធចង់ស្នើសុំទៅក្រសួងអប់រំ ដើម្បីផ្តល់ឱកាសឲ្យកីឡាករ កីឡាការិនីជម្រើសជាតិប្រដាល់សកល ដែលហ្វឹកហាត់បិទខ្ទប់ទាំងនោះ អាចចូលរួមប្រកួតតាមសង្វៀនស្ថា នីយនានា និងកម្មវិធីប្រកួត ដែលរៀបចំដោយសហព័ន្ធដូចធម្មតា ដើម្បីជួយពង្រឹងសមត្ថភាពពួកគាត់ឲ្យកាន់តែមានសក្តានុពល ត្រៀមប្រកួតកម្រិតអន្តរជាតិ នាពេលខាងមុខ។

ហេតុនេះ លោកនឹងស្នើសុំគោលការណ៍ទៅក្រសួងអប់រំ យុវជន និង កីឡា ដើម្បីផ្តល់អាទិភាពជូនកីឡាករ កីឡាការិនីជម្រើសជាតិរបស់ខ្លួន ដែលហ្វឹកហាត់បិទខ្ទប់ ក្នុងជំរុំនៃពហុកីឡដ្ឋានជាតិមរតកតេជោបានចូលរួមកម្មវិធីប្រកួតនានា។

លោកអគ្គលេខាធិការរូបនេះសង្កត់ធ្ងន់ថា «គោលដៅ ដែលសហព័ន្ធស្នើសុំឲ្យកីឡាករ កីឡាការិនីហ្វឹកហាត់ក្នុងអំឡុងពេលបិទខ្ទប់ បានចេញមកប្រកួតតាមសង្វៀននានា ព្រោះសហព័ន្ធយល់ឃើញថា ការហ្វឹកហាត់តែមួយមុខ មិនមាន ការប្រកួតដកស្រង់បច្ចេកទេស នឹងធ្វើឲ្យកីឡាករ កីឡាការិនីមិនមានការរីកចម្រើនខ្លាំងទេ។ ដូច្នេះ សហព័ន្ធចាំបាច់ស្នើសុំទៅក្រសួងអប់រំ យុវជន និងកីឡា អនុញ្ញាតឲ្យក្រុមជម្រើសជាតិអាចចេញប្រកួតបាន។ ប្រសិនបើក្រសួងអនុញ្ញាត សហ ព័ន្ធនឹងបន្តតាមដានដោយការប្រុងប្រយ័ត្នខ្ពស់ ព្រមទាំងដាក់ផែនការតឹងរ៉ឹងបំផុត ពោលគឺពេលប្រកួតចប់ ត្រូវចូលជំរំហ្វឹកហាត់វិញភ្លាមៗ មិនអនុញ្ញាតឲ្យចេញទៅណាក្រៅផ្សេងឡើយ ដើម្បីបង្ការពីការឆ្លងជំងឺកូវីដ-១៩»៕

អត្ថបទ៖ វិសិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង១២ នាទី មុន

ក្រុមហ៊ុន ហនុមាន ដាក់លក់ហ្គង់ប្រដាល់មានហត្ថលេខា Manny Paciquiao ១ក្នុងតម្លៃ១ពាន់ដុល្លារ ខណៈចំណូលសរុបនឹងយកទៅធ្វើសប្បុរសធម៌

ព័ត៌មានជាតិ៣៧ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ២ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ២ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

Sokha Hotels

ព័ត៌មានពេញនិយម