កីឡា
លទ្ធផលហែលទឹកចម្ងាយឆ្ងាយ របស់កីឡាករ-កីឡាការិនីក្មេងៗ ធ្វើឲ្យសហព័ន្ធស្រឡាំងកាំងនិងភ្ញាក់ផ្អើល
កីឡាករ កីឡាការិនីហែលទឹកក្មេងៗ បានធ្វើឲ្យសហព័ន្ធកីឡាហែលទឹក មានការស្រឡាំងកាំង និងភ្ញាក់ផ្អើល ដោយសារតែលទ្ធផលរបស់ពួកគេមានការវិវឌ្ឍកាន់តែល្អ។
ការប្រកួតហែលទឹកចម្ងាយឆ្ងាយ(Open Water)ដែលធ្វើឡើងនៅថ្ងៃទី៧តុលាម្សិលមិញនេះ លោកហែម គីរី ដែលជាអគ្គលេខាធិការសហព័ន្ធខ្មែរកីឡាហែលទឹក បានចាត់ទុកថាសមត្ថភាពរបស់កីឡាករ កីឡាការិនីមានការប្រែប្រួលល្អជាងមុន ។
ការប្រកួតនេះធ្វើក្នុងអាងទឹកនៃមជ្ឈមណ្ឌលហែលទឹក នាពហុកីឡដ្ឋានជាតិមរតកតេជោ ដោយកីឡាករហែលចម្ងាយ៥,០០០ម៉ែត្រ និង កីឡាការិនីហែលចម្ងាយ៣,០០០ម៉ែត្រ ។
សម្រាប់កីឡាករដែលហែលចម្ងាយ៥,០០០ ម៉ែត្រនោះ ចំណាត់ថ្នាក់លេខ១ បានទៅកីឡាករ ឌឿន វ៉ាត់ធីឌុន ជាកីឡាករជម្រើសជាតិឆ្នាំ២០២១ មកពីក្លិបក្រសួងសេដ្ឋកិច្ច និងហិរញ្ញវត្ថុដោយហែលក្នុងថិរវេលា១ម៉ោង១០នាទី ០៣ វិនាទី៣០។ លេខ២កីឡាករ ហែម ប៉ុច ជាកីឡាករជម្រើសជាតិឆ្នាំ២០២១ មកពីក្រសួងមហាផ្ទៃ ដែលហែលក្នុងថិរវេលា១ម៉ោង១០នាទី០៣វិនាទី ៦៧ និង ចំណាត់ថ្នាក់លេខ៣បានទៅលើកីឡាករ ទួន ទិត្យសត្យា ជាកីឡាករជម្រើសជាតិឆ្នាំ ២០២១ មកពីក្រសួងសេដ្ឋកិច្ច និងហិរញ្ញវត្ថុដែលប្រើថិរវេលាហែល១ម៉ោង១០នាទី០៤វិនាទី៧៤ ។
សម្រាប់កីឡាការិនី ដែលហែលចម្ងាយ ៣,០០០ម៉ែត្រវិញនោះ ចំណាត់ថ្នាក់លេខ១បានទៅកីឡាការិនីវ័យក្មេងអាយុ១២ឆ្នាំ ឃឺន ច័ន្ទចរិយា ជាកីឡាការិនីជម្រើសជាតិឆ្នាំ២០២១ មកពីក្រសួងសេដ្ឋកិច្ចហិរញ្ញវត្ថុ ដែលប្រើពេល៤៥នាទី ០៨វិនាទី៩៦។ ចំណាត់ថ្នាក់លេខ២កីឡាការិនី កាំង មុយនីន ជាកីឡាការិនីជម្រើសជាតិឆ្នាំ២០២១ មកពីក្រសួងសាធារណការណ៍ និង ដឹកជញ្ជូន ដែលប្រើដោយហែលក្នុងថិរវេលា៤៥នាទី១០វិនាទី១៤។ ចំណាត់ថ្នាក់លេខ៣កីឡា ការិនី សុខ វរល័ក្ខណ៍ ជាកីឡាការិនីជម្រើសជាតិឆ្នាំ២០២១ មកពីក្រសួងមហាផ្ទៃ ដោយហែល ក្នុងថិរវេលា៤៥នាទី១១វិនាទី០៥ ។
សូមបញ្ជាក់ថា ការប្រកួតកីឡាហែលទឹកចម្ងាយឆ្ងាយនេះ កម្ពុជាចខាប់ផ្ដើមរៀមចំតាំងពីឆ្នាំ ១៩៩៣ដល់ឆ្នាំ១៩៩៩មកម្ល៉េះ ដែលកាលនោះប្រកួតនៅក្នុងទន្លេមុខព្រះបរមរាជវាំងតែម្ដង។កាលនោះលោកហែម ថុន ជាអគ្គលេខាធិការរបស់សហព័ន្ធ ហើយលោកហែម គីរីដែលជាអគ្គលេខាធិការសហព័ន្ធសព្វថ្ងៃនេះ នៅជាកីឡាករនៅឡើយទេ ដោយលោកប្រជែងបានចំណាតថ្នាក់លេខ១រៀងរាល់ឆ្នាំ ។
ការប្រកួតកាលនោះ មានចំនួន៣វិញ្ញាសា គឺវិញ្ញាសាសម្រាប់មហាជន ដែលប្រកួតចម្ងាយ ៨០០ម៉ែត្រដោយចេញដំណើរពីស្ពានជ្រោយចង្វារមកបញ្ចប់នៅមុខព្រះបរមរាជវាំង។ សម្រាប់កីឡាការិនីហែលចម្ងាយ១,៦០០ម៉ែត្រ ដែលចេញដំណើរពីមុខវាំងទៅស្ពានជ្រោយចង្វារនិងត្រឡប់មកបញ្ចប់នៅមុខវាំងវិញ។ សម្រាប់បុរសហែលចម្ងាយ៣,២០០ម៉ែត្រ ដោយចេញដំណើរពីមុខព្រះបរមរាជវាំងឆ្ពោះទៅកាន់ស្ពានជ្រោយចង្វារចំនួន២ជើងទើបបញ្ចប់។ ក្រៅពីព្រឹត្តិការណ៍នោះកន្លងមក ក៏មានការប្រកួតក្នុងពិធីបុណ្យសមុទ្រនៅខេត្តព្រះសីហនុ និង ខេត្តកោះកុង និងប្រកួតក្នុងព្រឹត្តិការណ៍បុណ្យទន្លេនៅខេត្តក្រចេះ និង ខេត្តកំពង់ចាម និងក្រុងតាខ្មៅខេត្តកណ្ដាល ។
ការរៀបចំការប្រកួតនេះ ត្រូវបានលោកអគ្គលេខាធិការលើកឡើងថា គឺដើម្បីបំផុសចលនាកីឡាហែលទឹកទីឆ្ងាយនៅកម្ពុជាឲ្យ កាន់តែផុសផុលឡើងជាមួយសហព័ន្ធកីឡាហែលទឹកអន្តរជាតិ(FINA)និងផ្តល់ឱកាសជូនដល់កីឡាករកីឡាការិនីហែលទឹកជម្រើសជាតិកម្ពុជា ដែលកំពុងបិទខ្ទប់ហ្វឹកហាត់ នៅពហុកីឡដ្ឋានជាតិមរតកតេជោ បង្កើនបច្ចេកទេស បន្ទាប់ពីហ្វឹកហាត់ ក្នុងវិបត្តិជំងឺកូវីដ-១៩ ជាយូរដោយមិនមានការប្រកួត។
លោក ហែម គីរី សង្កត់ធ្ងន់ថា ប្រភេទវិញ្ញាសា Open Water នេះមិនទាន់ផ្តោតសំខាន់ ឬកំណត់ថាមាន ឬអត់ សម្រាប់ការទទួលធ្វើម្ចាស់ផ្ទះការប្រកួតកីឡាស៊ីហ្គេម លើកទី៣២ ឆ្នាំ២០២៣ នៅឡើយទេ ដោយយើងចង់បង្កើតឲ្យមានធនធានឲ្យបានច្រើនលើវិញ្ញាសានេះ សម្រាប់ការប្រកួតស៊ីហ្គេម ក្រោយឆ្នាំ២០២៣ ឬការប្រកួតអន្តរជាតិ នាពេលខាងមុខ៕
អត្ថបទ៖ វិសិទ្ធ
អភិបាលខេត្តកំពតលើកឡើងថា គោលនយោបាយលើវិស័យដីធ្លី គឺជាគោលនយោបាយចម្បងក្នុងអាណត្តិទី៧
លោកជំទាវទុយ សិរីរតនៈ នេត្រភក្រ្តា យកអំណោយអង្ករវីតាមីន៣០០កេស ស្មើប្រមាណជិត ៤ តោន ផ្តល់ជូនមន្ទីរពេទ្យតេជោសន្តិភាព
រាជរដ្ឋាភិបាលចេញសារាចរស្តីពី ការរៀបចំខួបអនុស្សាវរីយ៍លើកទី១៣៩ នៃទិវាពលកម្មអន្តរជាតិ ១ឧសភា
ឃាត់ខ្លួនយុវជនម្នាក់វាយស្ត្រីអ្នកសុំទានសរសៃខ្ចីនៅម៉ាត់មួយកន្លែងក្នុងក្រុងសៀមរាប
លោកជំទាវ ឆាយ លក្ខិណា ប្រាប់មូលហេតុដែលជ្រើសផ្តល់មូលនិធិគាំទ្រដល់សមាគមសិល្បករខ្មែរ អណត្តិទី៦
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
ក្មេងស្រីអាយុ៤ឆ្នាំលក់ផ្កា៖ សម្ដេចតេជោ ស្នើកុំវែកញែករឿងកេងប្រវ័ញ្ចពលកម្មកុមារ មុនរឿងក្រពះ និងបញ្ហាគ្រួសារ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៤ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ១ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ១ សប្តាហ៍ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ១ សប្តាហ៍ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា