ប្រវត្តិសាស្រ្ត! ក្រុមបាល់ទាត់នារី អង់គ្លេស បំបាក់ ឡាតវី ២០-០ ក្នុងការប្រកួតជម្រុះ World Cup (មានវីដេអូ)

ក្រុមបាល់ទាត់នារីជម្រើសជាតិអង់គ្លេស បានបង្កើតប្រវត្តិសាស្ត្រជាមួយនឹងជ័យជម្នះមិនគួរឲ្យជឿ ២០ ទល់ ០ លើក្រុម ឡាតវី ក្នុងការប្រកួតជម្រុះ World Cup នៅកីឡដ្ឋាន Keepmoat។

កីឡាការិនី Ellen White, Lauren Hemp, Beth Mead និង Alessia Russo សុទ្ធតែរកបាន Hat-trick ខណៈក្រុមរបស់លោកស្រី Sarina Wiegman បានរក្សាកំណត់ត្រាដ៏ល្អឥតខ្ចោះនៅក្នុងពូល D ជាមួយជ័យជម្នះបំបែកកំណត់ត្រា។

វាជាការឈ្នះដ៏ធំធេងបំផុតរបស់អង់គ្លេសក្នុងប្រវត្តិសាស្ត្រ ដោយកំណត់ត្រាចាស់គឺជាការយកឈ្នះក្រុមជម្រើសជាតិ ហុងគ្រី ១៣ ទល់ ០ កាលពីឆ្នាំ២០០៥។

តាមរយៈការស៊ុតបញ្ចូលទី៣គ្រាប់ កីឡាការិនី White របស់ក្លិបមេឃខៀវ Manchester City បានក្លាយជាអ្នកស៊ុតបញ្ចូលទីច្រើនជាងគេបំផុតរបស់អង់គ្លេស ដោយវ៉ាដាច់កំណត់ត្រាចាស់របស់ Kelly Smith ដែលស៊ុតបាន៤៦គ្រាប់។

ក្នុងការប្រកួតជាមួយឡាតវីនេះ អង់គ្លេសគ្រប់គ្រងបាល់បាន ៨៦% ដោយស៊ុតចំគោលដៅ ៦៣លើកខណៈ ឡាតវី ស៊ុតមិនបានសូម្បីមួយជើង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Metro

ចុចអាន៖ សល់​តែ​៣​សប្ដាហ៍​ទៀត លី​គ​បាល់ទាត់​នារី​ នឹង​រក​ឃើញ​ក្រុម​ខ្លាំង​ទាំង​៤​ ប្រចាំ​រដូវ​កាល​