កីឡា
សំឡេងយំលាន់ទ្រហឹង! កីឡាករបាល់ទាត់ម្នាក់ ទើបរៀបការបានមួយអាទិត្យ បែរជាត្រូវស្លាប់ពេលប្រកួត
កីឡាករ Sofiane Lokar លេងក្នុងក្របខណ្ឌទី២ របស់ប្រទេសអាល់ហ្សេរី បានស្លាប់ក្នុងការប្រកួតចំថ្ងៃបុណ្យណូអែល ដោយសារគាំងបេះដូង។
កីឡាករ Lokar ដែលជាកាពីទែនក្រុម Mouloudia Saida បានដួលអំឡុងពេលប្រកួត ហើយបើទោះបីជាក្រុមគ្រូពេទ្យបានខិតខំប្រឹងប្រែងអស់ពីសមត្ថភាពក៏ដោយ ក៏មិនអាចជួយសង្គ្រោះជីវិតរបស់គាត់បានដែរ។
ឧបទ្ទវហេតុនេះបានកើតឡើង អំឡុងពេលក្រុមរបស់គាត់ប្រកួតជាមួយក្រុម Oran នៅថ្ងៃបុណ្យណូអែល។ Lokar បានបុកជាមួយអ្នកចាំទីខ្លួនឯងនៅនាទីទី២៦។ យ៉ាងណាក្តី កីឡាករវ័យ៣០ឆ្នាំរូបនេះ បានទទួលការព្យាបាលរបួស ហើយត្រូវប្រកាសថា អាចបន្តការប្រកួតបាន។
ត្រឹមតែ៩នាទីក្រោយមកប៉ុណ្ណោះ ពោលគឺនៅនាទី៣៥ គាត់ក៏ដួលម្ដងទៀត។ ក្រុមគ្រូពេទ្យបានប្រញាប់ប្រញាល់ទៅកន្លែងកើតហេតុ តែមិនអាចជួយបានឡើយ។
អ្នកគាំទ្រអាល់ហ្សេរី បានកាន់ទុក្ខចំពោះការបាត់បង់កីឡាកររូបនេះខណៈ ហេតុការណ៍នេះកាន់តែតក់ស្លុត ដោយសារតែ Lokar ទើបតែរៀបការកាលពីសប្តាហ៍មុនប៉ុណ្ណោះ។
នេះជាឧប្បត្តិហេតុទីពីរក្នុងរយៈពេលប៉ុន្មានថ្ងៃ បន្ទាប់ពីខ្សែការពារសញ្ជាតិក្រូអាតឈ្មោះ Marin Caric ក៏បានទទួលមរណភាពផងដែរ កាលពីថ្ងៃសុក្រ បន្ទាប់ពីគាត់ ដួលអំឡុងពេលហ្វឹកហាត់។
Caric ក៏គាំងបេះដូងស្រដៀងនឹង Sofiane Lokar ដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ DNA India
ចុចអាន៖ រន្ធត់! អ្នកចាំទីឥណ្ឌូណេស៊ី ស្លាប់ដោយសារប៉ះទង្គិចក្បាលធ្ងន់ធ្ងរ អំឡុងការប្រកួត
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សេដ្ឋកិច្ច១៩ ម៉ោង agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ១ សប្តាហ៍ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ១ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៥ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi