ក្រុមបាល់ទាត់នារី វៀតណាម បង្កើតប្រវត្តិសាស្រ្ត ឡើងទៅលេង World Cup ជាលើកដំបូង

ក្រុមបាល់ទាត់ជម្រើសជាតិវៀតណាមផ្នែកនារី នឹងចូលរួមព្រឹត្តិការណ៍ FIFA Women’s World Cup ជាលើកដំបូងនៅឆ្នាំក្រោយ បន្ទាប់ពីយកឈ្នះចិនតៃប៉ិដោយលទ្ធផល ១-១ ក្នុងវគ្គ play-off នៃពានរង្វាន់ AFC Women’s Asian Cup ឆ្នាំ២០២២នៅប្រទេសឥណ្ឌា កាលពីថ្ងៃអាទិត្យទី៦ខែកុម្ភៈ ម្សិលមិញនេះ។

សំឡេងកញ្ចែចុងក្រោយរបស់អាជ្ញាកណ្តាល បានកត់សម្គាល់ពេលវេលាជាប្រវត្តិសាស្ត្រសម្រាប់កីឡាបាល់ទាត់នារីវៀតណាម ក្នុងការឡើងទៅលេងពានរង្វា់ពិភពលោកផ្នែកនារីដែលរៀបចំធ្វើជាម្ចាស់ផ្ទះដោយប្រទេសអូស្ត្រាលី និងនូវែលសេឡង់ក្នុងខែកក្កដា ឆ្នាំ២០២៣។

គួរបញ្ជាក់ថា ព្រឹត្តិការណ៍ AFC Women’s Asian Cup ឆ្នាំ ២០២២ ត្រូវបានរៀបចំឡើងដោយប្រទេសឥណ្ឌាចាប់ពីថ្ងៃទី ២០ ខែមករា ដល់ថ្ងៃទី ៦ ខែកុម្ភៈ។ ក្រុមបាល់ទាត់នារីចិន បានវាយបកយកឈ្នះកូរ៉េខាងត្បូងក្នុងលទ្ធផល ៣-២ នៅវគ្គផ្តាច់ព្រ័ត្រកាលពីម្សិល។

ក្រុមបាល់ទាត់ចិន ជប៉ុន កូរ៉េខាងត្បូង និងហ្វីលីពីន ក៏នឹងចូលរួមប្រកួត World Cup ឆ្នាំក្រោយផងដែរ បន្ទាប់ពីបានឈានទៅវគ្គពាក់កណ្តាលផ្តាច់ព្រ័ត្រ។

ថ្វីត្បិតតែត្រូវបានកាត់ចេញក្នុងវគ្គ 1/4 ក៏ដោយ ប៉ុន្តែក្រុមអូស្ត្រាលី បានជាប់ដោយស្វ័យប្រវត្តិសម្រាប់ការប្រកួតបាល់ទាត់ពិភពលោកក្នុងនាមជាម្ចាស់ផ្ទះ៕

ប្រែសម្រួល៖​ Vann Vann

ប្រភព៖ Tuoi Tre

ចុចអាន៖ ប្រវត្តិសាស្រ្ត! ក្រុមបាល់ទាត់នារី អង់គ្លេស បំបាក់ ឡាតវី ២០-០ ក្នុងការប្រកួតជម្រុះ World Cup (មានវីដេអូ)