កីឡា

កីឡដ្ឋានថ្មីរបស់ក្លិបអាយអេសអាយដង្កោរសែនជ័យ នឹងរួចរាល់នៅខែសីហា ខាងមុខ

បានផុស

៤ years មុន

នៅ

ថ្ងៃសៅរ៍ ៩ មេសា ២០២២

ដោយ

ក្លិបបាល់ទាត់អាយអេសអាយ ដង្កោរសែនជ័យ ដែលជាសមាជិកនៃលីគកម្ពុជាទី២ បច្ចុប្បន្ន បាន នឹងកំពុងប្រើប្រាស់កីឡដ្ឋានរបស់ក្រុមផ្សេងដើម្បីធ្វើជាទឹកដីបណ្ដោះអាសន្ន ខណៈកីឡដ្ឋានរបស់ខ្លួនកំពុងស្ថិតក្នុងការជួសជុលកែលំអឡើងវិញ។

តាមការបញ្ជាក់ដោយ លោក សៀក សុវណ្ណ អគ្គលេខាធិការក្លិបអាយអេសអាយ ដង្កោរសែនជ័យ មានកីឡដ្ឋានផ្ទាល់ខ្លួនស្ថិតក្នុងតំបន់ស្ទឹងមានជ័យ លើផ្លូវវេងស្រេង ដែលមានឈ្មោះថា KMH Park ខណៈមកទល់ពេលនេះ កីឡដ្ឋានទាំងមូលបាន និងកំពុងរុះរើ ដើម្បីជួសជុលឡើងវិញ ហើយតាមគម្រោងនឹងរួចរាល់នៅខែសីហាខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«យើងទើបរុះរើទីលានចាស់រួចរាល់បានចំណាយពេលបាន ១ខែហើយ ឥឡូវកំពុងចាក់ដីចាប់ផ្តើមសាងសង់ប្រហែលដើមខែ៨ ទើបរួចរាល់។» សម្ដីរបស់លោក សៀក សុវណ្ណ។

អគ្គលេខាធិការក្លិបដដែលរូបនេះបានឲ្យដឹងទៀតថាក្លិបក៏នឹងសាងសង់កន្លែងអង្គុយទស្សនាផងដែរ ដោយអាចផ្ទុកទស្សនិកជនបានប្រមាណ ៣,០០០នាក់ ហើយមូលហេតុដែលនាំឲ្យចំណាយពេលយូរគឺដោយសារការផ្លាស់ប្ដូរទិស ពីបណ្ដោយទៅទទឹង និងពីទទឹងទៅបណ្ដោយ នាំឲ្យមានបណ្ដោយវែងជាងមុនជាខ្នាតស្តង់ដា ហើយក៏ប្រើប្រាស់ស្មៅធម្មជាតិផងដែរ។

សូមបញ្ជាក់ថា ក្លិបអាយអេសអាយ ដង្កោសែនជ័យ បង្កើតឡើងនៅឆ្នាំ២០១៦ នាមជាក្រុមពាក់កណ្ដាលអាជីព។ ក្រោយមកនៅឆ្នាំ២០២០ ក្រុមនេះវិវឌ្ឍខ្លួនទៅជាក្រុមអាជីពចូលរួមការប្រកួតលីគ២កម្ពុជា។ រដូវកាលដំបូង ក្លិបនេះបញ្ចប់ទៅដោយឈរនៅលេខ៤ និងរដូវកាល២០២១ កន្លងទៅបញ្ចប់ទៅដោយឈរនៅលេខ២ ខណៈរដូវកាល២០២២ នេះ ដែលជារដូវកាលត្រូវបានទទួលស្គាល់ថា លីគទី២ មានកំណែទម្រង់ខ្ពស់ និងប្រកួតប្រជែងជាងមុន ក្លិបមានមូលដ្ឋាននៅតំបន់វេងស្រេងមួយនេះ កំពុងឈរនៅលេខ៧ មាន ៧ពិន្ទុ ពីការប្រកួត ៥ដង ក្នុងនោះឈ្នះ ២ដង ស្មើ ១ដង និងចាញ់២ដង តាមពីក្រោយក្រុមកំពូលតារាង អគ្គិសនីកម្ពុជា ៦ពិន្ទុ៕

អត្ថបទ ៖ មុន្នីរ័ត្ន