កីឡា
លោក Conor Nestor បង្ហើបថាកីឡាករបរទេសថ្មី ត្រូវការសម្របខ្លួនបន្តិចទៀតមុនលីគមកដល់
ក្លិបបាល់ទាត់ព្រះខ័នរាជស្វាយរៀង កាលពីពេលថ្មីៗនេះទើបតែបានប្រកាសចុះកុងត្រាកីឡាករកូតាបរទេសថ្មី សញ្ជាតិអេស្ប៉ាញឈ្មោះ Víctor Blasco លេងក្នុងតំណែងជាខ្សែបម្រើស្លាប។
ក្រោយចុះហត្ថលេខា ក៏ដូចជាបានបង្ហាញខ្លួនក្នុងការប្រកួតមួយចំនួនជាមួយក្លិបនៅប្រទេសម៉ាឡេស៊ី រួចមក លោក Conor Nestor គ្រូបង្វឹករបស់ក្លិបបាល់ទាត់ព្រះខ័នរាជស្វាយរៀង បានបញ្ជាក់ថា Víctor Blasco ត្រូវការសម្របខ្លួនបន្តិចទៀតមុនពានរង្វាន់ខេមបូឌានព្រីមៀរលីគមកដល់។
លោក Conor Nestor បានប្រាប់ ‘កម្ពុជាថ្មី’ ថា «គាត់នឹងត្រូវការពេលវេលាបន្តិចដើម្បីសម្របខ្លួន ព្រោះនៅប្រទេសហុងឌូរ៉ាស លីគរបស់គេទើបតែនឹងបញ្ចប់នៅដើមខែឧសភា ដូច្នេះគាត់ត្រូវតែតាមសម្របជាមួយកម្រិតនៃកាយសម្បទារបស់ក្រុមយើង។ ពេលគាត់ធ្វើបែបនេះ គាត់អាចមានឥទ្ធិពលខ្លាំង។»
នៅពេលសួរថាតើ Víctor នឹងអាចមកនូវការផ្លាស់ប្ដូរអ្វីខ្លះដល់ក្រុម? លោក Conor បានឆ្លើយតបថា «រៀងសំខាន់ដំបូងបង្អស់គឺគាត់ចង់នៅទីនេះ គាត់បានកាត់បន្ថយប្រាក់ខែដើម្បីមករកយើង ពីព្រោះគាត់ជឿថាយើងអាចអភិវឌ្ឍគាត់ ហើយគាត់ជឿថាគាត់អាចជួយក្លិបសម្រេចបានអ្វីៗនៅលើទីលាន។ គាត់បានទទួលការហ្វឹកហាត់នៅ Barcelona ដូច្នេះអ្នកអាចរំពឹងថាសមត្ថភាពបច្ចេកទេសរបស់គាត់គឺអស្ចារ្យណាស់។
កីឡាករ Victor Blasco Llorens នឹងចូលរួមជាមួយ ក្លិបព្រះខ័នរាជស្វាយរៀង បន្ទាប់ពីគេទើបតែចែកផ្លូវគ្នាជាមួយក្លិប CDS Vida ក្នុងលីគទី ១ របស់ប្រទេសហុងឌុយរ៉ាស។
Victor Blasco កើតនៅថ្ងៃទី០១ ខែមិថុនា ឆ្នាំ១៩៩៤ ក្នុងទីក្រុង Barcelona ប្រទេសអេស្ប៉ាញ។ គេមានកម្ពស់ ១.៧៨ម៉ែត្រ និងលេងក្នុងតួនាទីជាខ្សែបម្រើស្លាប៕
អត្ថបទ ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ