កីឡា
បេះដូងក្រុមបាល់ទះពិការកម្ពុជាហាត់រហូត ទោះអត់អាស៊ានប៉ារ៉ាហ្គេម២លើក
ក្រុមកីឡាបាល់ទះអង្គុយជនពិការកម្ពុជាបានត្រៀមខ្លួនយ៉ាងល្អ និងរយៈពេលយូរដើម្បីចូលរួមប្រកួតព្រឹត្តិការណ៍អាស៊ានប៉ារ៉ាហ្គេម លើកទី១១ នៅប្រទេសឥណ្ឌូណេស៊ី ពីថ្ងៃទី៣០ ខែកក្កដា ដល់ថ្ងៃទី៦ ខែសីហា ឆ្នាំ២០២២។
អ្វីដែលគួរឲ្យសរសើរសម្រាប់ទឹកចិត្តរបស់ក្រុមបាល់ទះអង្គុយពិការកម្ពុជាគឺហ្វឹកហាត់រហូតពោលគឺតាំងពីឆ្នាំ២០១៩មកម្ល៉េះ។ ក្រុមកម្ពុជាមួយនេះបានត្រៀមខ្លួនយ៉ាងយកចិត្តទុកដាក់សម្រាប់ចូលរួមប្រកួតអាស៊ានប៉ារ៉ាហ្គេម លើកទី១០ ឆ្នាំ២០១៩ នៅប្រទេសហ្វីលីពីន បុន្តែព្រឹត្តិការណ៍លើកទី១០នេះ ត្រូវបានលុបចោលដោយសារវិបត្តិកូវីដ-១៩។ ទោះជាមិនបានចូលរួមប្រកួត ក៏ក្រុមកម្ពុជានៅតែបន្តហ្វឹកហាត់រហូត។
កីឡាករ អ៊ូ ផល្លា ប្រធានក្រុមកីឡាបាល់ទះជនពិការកម្ពុជាបានប្រាប់ថា ៖«ក្រុមបាល់ទះជនពិការកម្ពុជាហ្វឹកហាត់មករហូតតាំងពី២០១៩។ បើទោះជាគ្មានការប្រកួតក៏ក្រុមទាំងមូលបានហ្វឹកហាត់ជាប្រចាំ»។
ដោយសារការហ្វឹកហាត់ជាប់ជាប្រចាំ និងធ្លាប់មានលទ្ធផលល្អស្រាប់ផង ក្រុមបាល់ទះជនពិការកម្ពុជាសង្ឃឹមទទួលបានល្អសម្រាប់ការចូលរួមប្រកួតអាស៊ានប៉ារ៉ាហ្គេម លើកទី១១ នៅប្រទេសឥណ្ឌូណេស៊ីខាងមុខនេះ។
ប្រធានក្រុមមើលឃើញថា កម្រិតសមត្ថភាពក្រុមមារីកចម្រើនគ្រប់ចំណុចមិនទាំងផ្នែកការផ្ដាច់ និងការធ្វើរនាំង ដូច្នេះក្រុមសង្ឃឹមខ្ពស់ក្នុងការយកបានមេដាយនៅប្រទេសឥណ្ឌូណេស៊ី។
សូមបញ្ជាក់ថា ការប្រកួតចុងក្រោយរបស់ក្រុមបាល់ទះអង្គុយជនពិការកម្ពុជាឈ្នះបានមេដាយប្រាក់ពីព្រឹត្តិការណ៍អាស៊ានប៉ារ៉ាហ្គេម ចុងក្រោយបំផុតកាលពីឆ្នាំ២០១៧។ ប្រតិភូកីឡាប៉ារ៉ាកម្ពុជានឹងចេញដំណើរទៅប្រទេសឥណ្ឌូណេស៊ីនាថ្ងៃទី២៦ ខែកក្កដា ឆ្នាំ២០២២ ដើម្បីចូលរួមប្រកួតអាស៊ានប៉ារ៉ាហ្គេម លើកទី១១៕
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
ព័ត៌មានអន្ដរជាតិ៦ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
សន្តិសុខសង្គម៦ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន
-
ព័ត៌មានជាតិ១ សប្តាហ៍ agoគម្រោងស្តារផ្លូវជាតិលេខ ៤ ប្រវែងជិត ២០០ គីឡូម៉ែត្រ ចាយថវិកាជាង ១០០ លានដុល្លារ សម្រេចបញ្ចប់ ១០០%
-
កីឡា១ ថ្ងៃ agoក្រុមជម្រើសជាតិកម្ពុជា មានស្ថិតិល្អការប្រកួត ASEAN Championship នៅស្តាតមរតកតេជោ
-
ព័ត៌មានជាតិ៦ ថ្ងៃ agoតើរោងចក្រសហគ្រាសបែបណា តម្រូវបំពាក់ប្រព័ន្ធប្រព្រឹត្តកម្មទឹកកខ្វក់ការពារបរិស្ថាន?
-
កីឡា៥ ថ្ងៃ agoស្មាត់ឆ្នើម វឿន វាសនា បន្តកុងត្រាថ្មីជាមួយក្លិប Win Streak ត្រូវអ្នកគាំទ្រ តៃវ៉ាន់ សាទរខ្លាំង
-
ព័ត៌មានអន្ដរជាតិ១ ថ្ងៃ agoពូទីន ចង់យកកិច្ចព្រមព្រៀងចាស់ និងតថភាពជាក់ស្ដែងលើសមរភូមិ ទៅចរចាសន្តិភាពជាមួយអ៊ុយក្រែន