កីឡា
លោក ប្រាក់ វុទ្ធី ៖ «បាល់ទាត់នារីកម្ពុជា មើលឃើញពន្លឺនៃការរីកចម្រើន»
ថ្មីៗនេះ ក្រុមបាល់ទាត់ជម្រើសជាតិនារីកម្ពុជា ទើបតែបញ្ចប់បេសកកម្មប្រកួតពានរង្វាន់ជើងឯកនារីអាស៊ីអាគ្នេយ៍ ឆ្នាំ២០២២ (2022 AFF Women’s Championship) ដែលធ្វើឡើងនៅប្រទេសហ្វីលីពីន ដោយទទួលបានលទ្ធផលគួរឲ្យកត់សម្គាល់។
ក្នុងចំណោម ៤ប្រកួត ក្រុមនារីកម្ពុជា បានប្រកួតឈ្នះ១ ស្មើ១ និងចាញ់២ ខណៈលោក ប្រាក់ វុទ្ធី ដែលជាគ្រូបង្វឹកបានមានប្រសាសន៍ថា លោកបានមើលឃើញពីពន្លឺនៃការរីកចម្រើន បន្ទាប់ពីអនុវត្តជាដំណាក់កាលៗរួចមក។
លោក ប្រាក់ វុទ្ធី បាននិយាយដូច្នេះថា៖ «អ្វីៗយើងបានសម្រេចទៅតាមគោលដៅយើងមួយចំនួន ដូចជាការយកស្មើឡាវ និងបន្តឈ្នះក្រុមទីម័រ ការការពារមិនឲ្យរបូតគ្រាប់បាល់ច្រើនជាមួយនឹងក្រុមដែលខ្លាំងៗដូចជាភូមា និងវៀតណាម។ ពិតមែនហើយថាយើងអភិវឌ្ឍន៍មួយដំណាក់កាលម្ដងៗក្រោយការប្រកួតស៊ីហ្គេម គឺជាដំណាក់កាលទី១ ហើយដំណាក់កាលទី២ គឺ AFF Women’s Championship។ យើងមើលឃើញពីពន្លឺនៃការរីកចម្រើនបាល់ទាត់យើងមួយជំហាន ហើយយើងគិតថាការល្អប្រសើរនេះយើងនឹងប្រឹងប្រែងធ្វើយ៉ាងម៉េចឲ្យបានល្អបំផុតនៅថ្ងៃអនាគត ជារួមទាំងស្មារតី គុណផល ក៏ដូចជាស្មារតីក្រុមទាំងមូល ឆន្ទៈកីឡាការិនីម្នាក់ៗគឺបានល្អប្រសើរ។»
ក្រុមបាល់ទាត់ជម្រើសជាតិនារីកម្ពុជា ក៏នឹងត្រូវត្រៀមខ្លួនប្រកួតស៊ីហ្គេម លើកទី៣២ ឆ្នាំ២០២៣ នៅកម្ពុជា ស្របពេលដែលលោក ប្រាក់ វុទ្ធី បាននិយាយពីការត្រៀមខ្លួនផងដែរ។
អតីតគ្រូបង្គោលក្លិបអគ្គិសនីកម្ពុជារូបនេះបានបញ្ជាក់ដូច្នេះថា៖ «ដំណាក់កាលបន្ទាប់គឺយើងរង់ចាំព័ត៌មានជាក់លាក់ពីការហ្វឹកហាត់នៅក្រៅប្រទេស គឺប្រទេសចិន ហើយយើងក៏មានគម្រោងក្នុងការអភិវឌ្ឍន៍ក្រុមជម្រើសជាតិនេះដោយមានគម្រោងការរៀបចំប្រកួតមិត្តភាពអន្តរជាតិនៅក្នុងប្រទេស ការប្រមូលផ្ដុំនៅក្រៅប្រទេស ពង្រឹងគុណភាពលីគបាល់ទាត់នារី នេះសុទ្ធតែជារឿងដែលយើងត្រូវធ្វើ។ ហើយមួយទៀតយើងត្រៀមធ្វើការស្វែងរកកីឡាការិនីខ្មែរកាត់បរទេសនៅឯក្រៅប្រទេសផងដែរ អ៊ីចឹងដំណាក់កាលទី៣ គឺជាដំណាក់កាលអភិវឌ្ឍន៍សម្រាប់គោលដៅឆ្នាំ២០២៣ តែម្ដង។ដូច្នេះភារកិច្ចរបស់យើងគឺយើងនៅសល់រយៈពេល ១០ខែ ដើម្បីការប្រកួតស៊ីហ្គេមឆ្នាំ២០២៣។»
អតីតគ្រូបង្វឹករបស់ក្លិបចំការកៅស៊ូបឹងកេត (បច្ចុប្បន្នបឹងកេត) បានសង្កត់ធ្ងន់អំពីការចង់កោះហៅកូនខ្មែរនៅបរទេសថា ៖«ដោយសារបច្ចុប្បន្នយើងខ្វះគុណភាពខ្សែប្រយុទ្ធ ដូច្នេះអ្វីដែលយើងយកពួកគាត់មកគឺផ្ដោតសំខាន់ទៅលើការប្រយុទ្ធ ហើយណាមួយទៀតយើងរកខ្សែបម្រើផងដែរ និយាយរួមកូនខ្មែរបរទេសទាំងអស់ ទាំងប្រយុទ្ធ ទាំងបម្រើ និងការពារ យើងត្រូវការទាំង ៣ប្រភេទ។»
សូមបញ្ជាក់ថា នៅឆ្នាំ២០២២នេះ ក្រុមបាល់ទាត់ជម្រើសជាតិនារីកម្ពុជា បានចូលរួម ២ព្រឹត្តិការណ៍ធំៗក្នុងតំបន់អាស៊ាន ពោលគឺស៊ីហ្គេម លើកទី៣១ នៅវៀតណាម ប្រកួត២ដង ចាញ់ទាំង ២ដង និងលើកទី២ ពានជើងឯកនារីអាស៊ីអាគ្នេយ៍ ឆ្នាំ២០២២ (2022 AFF Women’s Championship) ដែលធ្វើឡើងនៅប្រទេសហ្វីលីពីន៕
អត្ថបទ ៖ មន្នីរ័ត្ន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ