Connect with us

កីឡា

U-18 នារី​កម្ពុជា អស់​ឱកាស​ឡើង​វគ្គ​បន្ត​ពានរង្វាន់ AFF U-18 Women’s ក្រោយ​ចាញ់​វៀតណាម ០-៧

បានផុស

នៅ

ក្រុមបាល់ទាត់ U-18 នារី​កម្ពុជា បាន​រង​បរាជ័យ​ប្រកួត​ទី​៣ នៃ​ពានរង្វាន់​ជើងឯក​នារី​អាស៊ាន​អាយុ​ក្រោម ១៨​ឆ្នាំ (AFF U-18 Women’s Championship 2022) ក្រោម​ថ្វី​វៀតណាម ០-៧ នា​ថ្ងៃទី​២៨ ខែកក្កដា​។

បើក​ការប្រកួត U-18 នារី​វៀតណាម បានដាក់​ការកៀបសង្កត់​មកលើ​ក​ម្ពុ​ជា យ៉ាងខ្លាំង​នាម​ជា​ក្រុម​មានប្រៀប ដោយ​អាច​រកបាន​ដល់​ទៅ ៣​គ្រាប់​ត្រឹមតែ ១០​នាទី​ដំបូង ពោលគឺ​ដោយ​កីឡាការិនី Hong Nhu Hao នៅ​នាទី​៥, Ngoc Minh Chuyen នៅ​នាទី​៦ និង​កីឡាការិនី Nguyen Thi Hai Yen នៅ​នាទី​៩​។ ការប្រកួត​អូសបន្លាយ​ដល់​នាទី​៣០ ទើប​គ្រាប់​បាល់​ទី​៤​កើតឡើង​បន្ថែមទៀត​សម្រាប់​វៀតណាម ដោយ​កីឡាការិនី Nguyen Phuong Anh និង​ជិត​ចប់​ការប្រកួត​ទៅហើយ Ngoc Minh Chuyen ដដែល​រក​គ្រាប់​ទី​២​សម្រាប់​ខ្លួន​បានសម្រេច​នៅ​នាទី​៤៥ ជួយ​ឱ្យ U-18 នារី​វៀតណាម នាំមុខ U-18 នារី​កម្ពុជា ០-៥​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចូលដល់​វគ្គ​ទី​២ វៀតណាម នៅតែ​បន្ត​ប្រឹងប្រែង​រក​គ្រាប់​បាល់ គ្រា​ដែល​កម្ពុជា នៅតែ​បន្ត​ការការពារ​ម្ដង​ហើយ​ម្ដងទៀត​ពី​ការព្យាយាម​របស់​វៀតណាម និង​បានតែ​២​នាទី ពោលគឺ​នៅ​នាទី​៤៧ កីឡាការិនី Hoang Thi Ngoc Anh រក​គ្រាប់​ទី​៦​បានសម្រេច​។ រំលង​បាន ១០​នាទី​ក្រោម​ក​ពោលគឺ​នៅ​នាទី​៥៨ ទើប​គ្រាប់​ទី​៧​កើតឡើង​សម្រាប់​វៀតណាម ធ្វើបាន​សម្រេច​ដោយ​កីឡាការិនី Nguyen Phuong Anh​។ ក្រោយមក​នាទី​ដែល​សេសសល់​គ្រាប់​បាល់​ពុំមាន​កើតឡើង​ទៀតឡើយ និង​បាន​រក្សា​លទ្ធផល ០-៧ ដល់​ចប់​ការប្រកួត​។

​ដូច្នេះ​លទ្ធផល​ចាញ់​នេះ​ធ្វើឱ្យ U-18 នារី​កម្ពុជា អស់​ឱកាស​ឡើងទៅ​វគ្គ​ពាក់កណ្ដាល​ផ្ដាច់ព្រ័ត្រ​ហើយ ដោយ​ប្រកួត ៣​ដង បរាជ័យ​ទាំង ៣​ដង មាន ០​ពិន្ទុ​។ ដោយឡែក​ប្រកួត​បន្ទាប់​របស់ U-18 នារី​កម្ពុជា ត្រូវ​ជួប​ក្រុម U-18 នារី​សិង្ហ​បុរី នៅ​ថ្ងៃទី​៣០ ខែកក្កដា ខាងមុខ ដែលជា​ការប្រកួត​ចុងក្រោយ​ក្នុង​ព្រឹត្តិការណ៍​នេះ​៕

អត្ថបទ ​៖ មន្នី​រ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៣ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៤ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៦ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៧ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម